ຜູ້ຮັບຜິດຊອບດັ່ງກ່າວ ກ່າວວ່າ: ນັບແຕ່ເດືອນມັງກອນ ຫາ ເດືອນສິງຫາປີນີ້, ການນຳເຂົ້າສິນຄ້າຂອງຈີນໄດ້ເພີ່ມຂຶ້ນ 22% ຊຶ່ງເປັນຈັງຫວະທີ່ໄວທີ່ສຸດນັບຕັ້ງແຕ່ປີ 2021 ເປັນຕົ້ນມາ, ຄາດວ່າຍອດມູນຄ່າການນຳເຂົ້າທັງໝົດຂອງປີນີ້ອາດຈະບັນລຸລະດັບສູງສຸດເປັນປະຫວັດສາດອີກຄັ້ງ. ສິນຄ້າທີ່ມີຄຸນນະພາບສູງຈາກທົ່ວໂລກນັບມື້ນັບຫຼາຍຂຶ້ນກຳລັງຫຼັງໄຫຼເຂົ້າສູ່ຕະຫຼາດບໍລິໂພກຈີນ ແລະ ເຊື່ອມໂຍງເຂົ້າກັບລະບົບຕ່ອງໂສ້ການຜະລິດ ແລະ ການສະໜອງຂອງຈີນ, ນຳເອົາໃບສັ່ງຊື້ຫຼາຍກວ່າເກົ່າມາໃຫ້ບໍລິສັດຈາກປະເທດຕ່າງໆ, ຊຸກຍູ້ການພັດທະນາອຸດສາຫະກຳທີ່ກ່ຽວຂ້ອງ ແລະ ເພີ່ມການສ້າງວຽກເຮັດງານທຳໃນທ້ອງຖິ່ນ.
ອີງຕາມການຄິດໄລ່ຂໍ້ມູນການຄ້າໂລກໃນໄຕມາດທຳອິດທີ່ປະກາດໂດຍອົງການການຄ້າໂລກ ຫຼື WTO ໃນເດືອນກໍລະກົດປີນີ້, ຈີນໄດ້ປະກອບສ່ວນຕໍ່ການເຕີບໂຕຂອງການຄ້າໂລກ 2.1%, ອັດຕາປະກອບສ່ວນໄດ້ບັນລຸ 20.3% ຊຶ່ງໄດ້ຄ້ຳຊູການດຳເນີນງານທີ່ໝັ້ນທ່ຽງຂອງລະບົບຕ່ອງໂສ້ການຜະລິດ ແລະ ການສະໜອງທົ່ວໂລກຢ່າງມີປະສິດທິພາບ.
ຄໍາເຫັນ