 |
ແຜນການດັ່ງກ່າວລວມມີ 7 ພາກ ຊຶ່ງມີຫົວຂໍ້ຫຼັກວ່າ: “ສ້າງສະພາບການໃໝ່ ຂຽນໜ້າໃໝ່” “ເສີມສ້າງການກໍ່ສ້າງສູນໃຫຍ່ 4 ແຫ່ງ, ການສ້າງສູນເຕົ້າໂຮມບຸກຄະລາກອນເພື່ອຍົກລະດັບ ແລະ ເສີມຂະຫຍາຍຄວາມໄດ້ປຽບໃນການແຂ່ງຂັນລະດັບສາກົນໃຫ້ດີຂຶ້ນ” “ເລັ່ງລັດການສ້າງຕົວເມືອງພາກເໜືອ ເພື່ອນຳພາການປັບປຸງສະພາບຊ່ອງຫວ່າງໃຫ້ດີຂຶ້ນ” “ເພີ່ມທະວີການສ້າງເຂດອ່າວໃຫຍ່ກວາງຕຸ້ງ-ມາກາວ-ຮົງກົງ ແລະ ສ້າງເຄືອຂ່າຍການຮ່ວມມືລະດັບສາກົນ” “ຍົກລະດັບຄວາມຜາສຸກຂອງປະຊາຊົນໃຫ້ສູງຂຶ້ນຢ່າງແທ້ຈິງ, ປັບປຸງລະບົບປະກັນສັງຄົມໃຫ້ດີຂຶ້ນ” “ປະສານງານດ້ານການພັດທະນາ ແລະ ຄວາມໝັ້ນຄົງ ເພື່ອຍົກປະສິດທິພາບດ້ານການບໍລິຫານສາທາລະນະໃຫ້ສູງຂຶ້ນ” ແລະ “ເພີ່ມທະວີກົນໄກຮັບປະກັນການປະຕິບັດແຜນພັດທະນາເສດຖະກິດ-ສັງຄົມເຂດບໍລິຫານພິເສດຮົງກົງ 5 ປີຄັ້ງທຳອິດຢ່າງແຂງແຮງ”.
 |
ແຜນການດັ່ງກ່າວຢຶດໝັ້ນ 7 ແນວຄິດ: ຢຶດໝັ້ນທິດທາງປະເທດດຽວສອງລະບອບ, ຢຶດໝັ້ນຖືປະຊາຊົນເປັນຫຼັກ, ຢຶດໝັ້ນຖືການບໍລິຫານການເມືອງເປັນທິດຫຼັກ, ຢຶດໝັ້ນການປະຕິຮູບ ແລະ ການປະດິດສ້າງໃໝ່, ຢຶດໝັ້ນການປະສານສົມທົບກັນລະຫວ່າງ “ຕະຫຼາດທີ່ມີປະສິດທິພາບ” ກັບ “ອົງການປົກຄອງທີ່ມີຄວາມສາມາດ”, ຢຶດໝັ້ນການປະສານງານລະຫວ່າງການພັດທະນາ ແລະ ຄວາມໝັ້ນຄົງ ແລະ ຢຶດໝັ້ນວາງແຜນການທີ່ຕິດແທດຕົວຈິງ. ແຜນການຍັງໄດ້ລະບຸ 5 ເປົ້າ ໝາຍສຳຄັນຄື: ການພັດທະນາເສດຖະກິດໄດ້ຮັບການກ້າວກະໂດດອັນໃໝ່,ຄວາມສາມາດແຂ່ງຂັນລະດັບສາກົນ ແລະ ອິດທິພົນໄດ້ຮັບການຍົກສູງຂຶ້ນຢ່າງຕໍ່ເນື່ອງ, ການສ້າງຕົວເມືອງພາກເໜືອເລັ່ງໄວ ແລະ ຍົກປະສິດທິພາບໃຫ້ສູງຂຶ້ນ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງໃຫ້ດີຂຶ້ນຢ່າງຊັດເຈນ, ການຮັບໃຊ້ ແລະ ເຊື່ອມໂຍງເຂົ້າກັນກັບພາກສ່ວນໃຫຍ່ການພັດທະນາແຫ່ງຊາດໄດ້ຮັບຄວາມຄືບໜ້າທີ່ສຳຄັນ.
ທ່ານ ຫຼີເຈ່ຍຊ່າວ ກ່າວວ່າ: ອົງການປົກຄອງເຂດບໍລິຫານພິເສດຮົງກົງຢຶດໝັ້ນສະແຫວງຫາການພັດທະນາໄລຍະຍາວ, ຊຸກຍູ້ການພັດທະນາດ້ວຍການປະຕິຮູບ. ເມື່ອຢືນຢູ່ຈຸດເລີ່ມຕົ້ນອັນໃໝ່, ໂດຍອາໄສການສະໜັບສະໜູນທີ່ເຂັ້ມແຂງຈາກປະເທດຊາດ, ສະຕິປັນຍາ ແລະ ຄວາມພະຍາຍາມຂອງປະຊາຊົນຮົງກົງແນ່ນອນຈະສາມາດເຮັດໃຫ້ໝາກຜົນຂອງການພັດທະນາເປັນປະໂຫຍດຕໍ່ທຸກຄອບຄົວ ແລະ ເຮັດໃຫ້ຮົງກົງມີຄວາມສວຍສົດງົດງາມ ແລະ ຄວາມຈະເລີນຮຸ່ງເຮືອງຫຼາຍກວ່າເກົ່າ.
ຄໍາເຫັນ