ຫວຽດນາມ ເຂົ້າຮ່ວມການໂອ້ລົມສົນທະນາ ອາຊຽນ - ສ ເກົາຫຼີ ຄັ້ງທີ 28

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ເມສາ ຜ່ານມາຢູ່ນະຄອນຫຼວງເຊອູນສ ເກົາຫຼີ, ທ່ານ ໂດຮູງຫວຽດ ຮອງລັດຖະມົນຕີການຕ່າງປະເທດ ຫົວໜ້າຄະນະເຈົ້າໜ້າທີ່ອາວຸໂສ (SOM) ອາຊຽນ ຂອງ ຫວຽດນາມ ພ້ອມກັບ ທ່ານ ຈູງ ຍອງ ວອນ  ຫົວໜ້າຄະນະການທູດອາຊຽນ ຂອງ ສເກົາຫຼີ ໄດ້ເປັນປະທານຮ່ວມໃນການໂອ້ລົມສົນທະນາ ອາຊຽນ - ສ ເກົາຫຼີ ປະຈຳປີ ຄັ້ງທີ 28, ພ້ອມກັບການເຂົ້າຮ່ວມຂອງ ຫົວໜ້າຄະນະ SOM ບັນດາປະເທດ ອາຊຽນ ແລະ ຮອງເລຂາທິການໃຫຍ່ ອາຊຽນ.
ໃນກອງປະຊຸມ, ຕາງໜ້າ ອາຊຽນ ກ່າວຄຳເຫັນກ່ຽວກັບຫົວຂໍ້ວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ, ທ່ານ ໂດຮູງຫວຽດ ໄດ້ສະເໜີໃຫ້ສຸມໃສ່ບຸລິມະສິດແຫຼ່ງກຳລັງ ແກ່ການພັດທະນາພື້ນຖານໂຄງລ່າງດີຈີຕອນ, ໝູນໃຊ້ພື້ນຖານດີຈີຕອນ, ພັດທະນາແຫຼ່ງຊັບພະຍາກອນມະນຸດ, ຮັດແຄບໄລຍະຫ່າງດີຈີຕອນ, ພັດທະນາເສດຖະກິດດີຈີຕອນ, ເພີ່ມທະວີການຮ່ວມມືໃນບັນດາຂົງເຂດຫາກໍພົ້ນເດັ່ນຂຶ້ນ. ໂດຍກະກຽມໃນການມອບບົດບາດປະສານງານການພົວພັນ ອາຊຽນ - ສ ເກົາຫຼີ ໃຫ້ແກ່ໄທ ຢູ່ກອງປະຊຸມລັດຖະມົນຕີການຕ່າງປະເທດ ອາຊຽນ - ສ ເກົາຫຼີ ໃນເດືອນກໍລະກົດ 2024, ທ່ານ ໂດຮູງຫວຽດ ຢັ້ງຢືນວ່າ: ຫວຽດນາມ ຈະສົມທົບກັບ ໄທ ຢ່າງແໜ້ນແຟ້ນ, ຮັບປະກັນການເຊື່ອມຕໍ່ ແລະ ພະຍາຍາມຊຸກຍູ້ ນໍາການພົວພັນ ອາຊຽນ - ສ ເກົາຫຼີ ຂຶ້ນສູ່ລະດັບສູງໃໝ່.