ຫວຽດນາມ ຍົກສູງບົດບາດUNESCO ໃນການຊອກຫາວິທີແກ້ໄຂສິ່ງທ້າທາຍທົ່ວໂລກ

19:41 09/02/2024

ວິທະຍຸກະຈາຍສຽງຫວຽດນາມລາຍງານວ່າ: ຫວ່າງບໍ່ດົນມານີ້, ຢູ່ສຳນັກງານອົງການຈັດຕັ້ງການສຶກສາ, ວິທະຍາສາດ ແລະ ວັດທະນະທຳ ສປຊ (UNESCO) ທີ່ນະຄອນຫຼວງປາຣີ ປະເທດຝຣັ່ງ, ທ່ານນາງ ຫງວຽນທິເວິນແອັງ ເອກອັກຄະລັດຖະທູດຜູ້ຕາງໜ້າ ຫວຽດນາມ ປະຈຳ UNESCO ໄດ້ຍື່ນສານຕາຕັ້ງ ຂອງທ່ານປະທານປະເທດ ຕໍ່ທ່ານນາງອໍເດ ອາຊູເລ ຜູ້ອຳນວຍການໃຫຍ່ UNESCO.
ຂ່າວລະບຸວ່າ: ໃນພິທີ, ທ່ານນາງ ຫງວຽນທິເວິນແອັງໄດ້ເນັ້ນໜັກວ່າ: ຫວຽດນາມ ຍົກສູງລັດທິຫຼາຍຝ່າຍ, ບົດບາດ ແລະ ການປະກອບສ່ວນຂອງ ສປຊ ແລະ UNESCO ໃນການຊອກຫາວິທີການແກ້ໄຂໃຫ້ແກ່ບັນດາສິ່ງທ້າທາຍທົ່ວໂລກ ທີ່ພວມນັບມື້ນັບເພີ່ມຂຶ້ນ, ຜ່ານມາໄດ້ປະກອບສ່ວນເຂົ້າໃນການຮັກສາສັນຕິພາບ, ຄວາມໝັ້ນຄົງ ແລະ ຊຸກຍູ້ການພັດທະນາແບບຍືນຍົງໃນທົ່ວໂລກ.
ສ່ວນທ່ານນາງ ອໍເດ ອາຊູເລໄດ້ຍົກສູງບົດບາດ ກໍຄືການເຂົ້າຮ່ວມ ແລະ ປະກອບສ່ວນຢ່າງຕັ້ງໜ້າ ແລະ ມີຄວາມຮັບຜິດຊອບ ຂອງ ຫວຽດນາມ ຢູ່ UNESCO. ທ່ານຕີລາຄາສູງຕໍ່ການຮ່ວມມືຢ່າງແໜ້ນແຟ້ນ ແລະ ມີປະສິດທິຜົນ ລະຫວ່າງ ຫວຽດນາມ ແລະ UNESCO ໃນທຸກຂົງເຂດ, ຖືນີ້ແມ່ນຮູບແບບການຮ່ວມມືທີ່ເປັນແບບຢ່າງ.

ຄໍາເຫັນ

ຂ່າວຕ່າງປະເທດ

ອັງກໍວັດ ສະຖານທີ່ທ່ອງທ່ຽວທີ່ໜ້າສົນໃຈທີ່ສຸດ ອັນດັບ 2 ຂອງອາຊີ

07/05/2026 13:18

ຂ່າວຕ່າງປະເທດລາຍງານ ວ່າ: ທ່ານ ຮວດ ຮັກ ລັດຖະມົນຕີກະຊວງທ່ອງທ່ຽວກຳປູເຈຍ ໄດ້ເປີດເຜີຍຫວ່າງບໍ່ດົນມານີ້ວ່າ: ອັງກໍວັດ ຖືກຈັດອັນດັບໃຫ້ເປັນສະຖານທີ່ທ່ອງທ່ຽວທີ່ໜ້າສົນໃຈທີ່ສຸດ ອັນດັບ 2 ຂອງອາຊີ ປະຈຳປີ 2026 ໃນການຈັດອັນດັບຂອງ TripAdvisor. ການປະກາດດັ່ງກ່າວລວມມີລາຍຊື່ 25 ສະຖານທີ່ທ່ອງທ່ຽວອັນດັບຕົ້ນໆຂອງອາຊີຈາກ TripAdvisor, ໂດຍມີສວນ Gardens by the Bay ຂອງສິງກະໂປຢູ່ໃນອັນດັບ 1 ແລະ ທັດມາຮາລ ຂອງອິນເດຍຢູ່ໃນອັນດັບທີ 3.

GDP ຂອງຮົງກົງໃນໄຕມາດທຳອິດປີນີ້ເຕີບໂຕ 5.9%

07/05/2026 13:17

ຂ່າວສານຊີອາໄອລາຍງານ ໃນວັນທີ 6 ພຶດສະພາ ຜ່ານມາວ່າ: ອົງການສະຖິຕິຂອງອົງການປົກຄອງເຂດບໍລິຫານພິເສດຮົງກົງຂອງຈີນ ໄດ້ປະກາດໂຕເລກການປະເມີນລ່ວງໜ້າສະແດງໃຫ້ເຫັນວ່າ: ໃນໄຕມາດທຳອິດປີ 2026 ລວມຍອດຜະລິດຕະພັນພາຍໃນ ຫຼື GDP ຂອງເຂດຮົງກົງເຕີບໂຕ 5.9% ເມື່ອທຽບໃສ່ໄລຍະດຽວກັນຂອງປີກາຍນີ້ ຊຶ່ງເປັນຈັງຫວະການເຕີບໂຕໃນໄຕມາດທີ່ສ້າງສະຖິຕິສູງສຸດເທື່ອໃໝ່ໃນຮອບ 5 ປີຜ່ານມາ.

ປະຊາກອນເດັກນ້ອຍຂອງຍີ່ປຸ່ນຫຼຸດລົງຢ່າງຕໍ່ເນື່ອງເປັນເວລາ 45 ປີ

07/05/2026 13:11

ຂ່າວຕ່າງປະເທດລາຍງານ ໃນວັນທີ 5 ພຶດສະພາ ຜ່ານມາວ່າ: ລັດຖະບານຍີ່ປຸ່ນໄດ້ເປີດເຜີຍຈຳນວນປະຊາກອນເດັກນ້ອຍທີ່ມີອາຍຸຕ່ຳກວ່າ 15 ປີໃນປະເທດຍີ່ປຸ່ນໄດ້ຫຼຸດລົງສູ່ລະດັບຕໍ່າສຸດແບບບໍ່ເຄີຍມີມາກ່ອນ ທີ່ປະມານ 13.29 ລ້ານຄົນ ເມື່ອນັບມາຮອດວັນທີ 1 ເມສາ 2026 ຊຶ່ງຫຼຸດລົງ 350,000 ຄົນ ຈາກປີ 2025 ແລະ ຫຼຸດລົງຕິດຕໍ່ກັນເປັນປີທີ 45, ເຖິງວ່າລັດຖະບານຍີ່ປຸ່ນຈະພະຍາຍາມແກ້ໄຂບັນຫາອັດຕາການເກີດທີ່ຫຼຸດລົງກໍຕາມ.

ຫວຽດນາມ - ອິນເດຍ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານແບບເພີ່ມທະວີ

07/05/2026 13:10

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 6 ພຶດສະພາ ຜ່ານມາ ຢູ່ນະຄອນຫຼວງນິວເດລີ ໄດ້ດຳເນີນພິທີຕ້ອນຮັບ ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ປະທານປະເທດ ຫວຽດນາມ ທີ່ຢ້ຽມຢາມທາງລັດຖະກິດຢູ່ອິນເດຍ ຕາມຄຳເຊື້ອເຊີນຂອງ ທ່ານ ນາເຣນດາ ໂມດີ ນາຍົກລັດຖະມົນຕີ ສ ອິນເດຍ. ທ່ານນາງ ດູປາດີ ມູມູ ປະທານາທິບໍດີອິນເດຍ ແລະ ທ່ານ ນາເຣນດາ ໂມດີ ນາຍົກລັດຖະມົນຕີຮ່ວມກັນເປັນປະທານພິທີຕ້ອນຮັບ.

ສິງກະໂປ ຮ່ວມມືກັບອຸດສາຫະກຳທະນາຄານ ນຳໃຊ້ AI ຕ້ານອາຊະຍາກຳດ້ານການເງິນ

06/05/2026 14:15

ຂ່າວຕ່າງປະເທດລາຍງານ ໃນວັນທີ 4 ພຶດສະພາ ຜ່ານມາວ່າ: ອົງການການເງິນສິງກະໂປ ຫຼື ທະນາຄານກາງຂອງສິງກະໂປ ໄດ້ລາຍງານກ່ຽວກັບການຮ່ວມມືກັບອຸດສາຫະກຳທະນາຄານ, ອົງການເຕັກໂນໂລຊີແຫ່ງລັດສິງກະໂປ ແລະ ກອງກຳລັງຕຳຫຼວດ ເພື່ອເສີມຂະຫຍາຍຄວາມສາມາດໃນການກວດຫາອາຊະຍາກຳທາງການເງິນໂດຍ ໃຊ້ປັນຍາປະດິດ ແລະ ການຮຽນຮູ້ຂອງເຄື່ອງຈັກ (AI/ML).

ທະນາຄານພັດທະນາແຫ່ງຊາດຈີນ ປ່ອຍເງິນກູ້ພິເສດ 28.54 ຕື້ຢວນ

06/05/2026 14:14

ຂ່າວສານຊີອາໄອລາຍງານ ໃນວັນທີ 5 ພຶດສະພາ ຜ່ານມາວ່າ: ແຫຼ່ງຂ່າວຈາກທະນາຄານພັດທະນາແຫ່ງຊາດຈີນ ໃຫ້ຮູ້ວ່າ, ໄຕມາດທຳອິດປີນີ້ ທະນາຄານພັດທະນາແຫ່ງຊາດຈີນໄດ້ປ່ອຍເງິນກູ້ພິເສດ ເພື່ອຮັບປະກັນຄວາມໝັ້ນຄົງດ້ານການຄ້າກັບຕ່າງປະເທດ 28.54 ຕື້ຢວນ ຊຶ່ງໄດ້ສະໜັບສະໜູນວິສາຫະກິດຂະໜາດນ້ອຍ ແລະ ຂະໜາດຍ່ອຍຫຼາຍກວ່າ 6,500 ແຫ່ງ, ອັດຕາດອກເບ້ຍສະເລ່ຍຖ່ວງນ້ຳໜັກແມ່ນຕ່ຳກວ່າອັດຕາດອກເບ້ຍສະເລ່ຍຖ່ວງນ້ຳໜັກສຳລັບວິສາຫະກິດຂະໜາດນ້ອຍ ແລະ ຂະໜາດຍ່ອຍໃນໄລຍະດຽວກັນໃນທົ່ວປະເທດຈີນ ເພື່ອຊ່ວຍວິສາຫະກິດທີ່ກ່ຽວຂ້ອງຫຼຸດຜ່ອນຄວາມກົດດັນດ້ານເງິນທຶນ.

ADB ຈະສະໜັບສະໜູນ 70 ຕື້ໂດລາ ແກ່ 2 ຂໍ້ລິເລີ່ມໃໝ່ຂອງອາຊີ - ປາຊີຟິກ

06/05/2026 11:03

ຂ່າວຊີອາໄອລາຍງານວ່າ: ຫວ່າງມໍ່ໆມານີ້, ທະນາຄານພັດທະນາອາຊີ ຫຼື ADB ເປີດເຜີຍວ່າ: ເມື່ອຮອດປີ 2035, ADB ຈະໃຫ້ການສະໜັບສະໜູນ 70 ຕື້ໂດລາ ແກ່ 2 ຂໍ້ລິເລີ່ມໃໝ່ ຄື: “ຂໍ້ລິເລີ່ມຕາຂ່າຍໄຟຟ້າທົ່ວອາຊີ” ແລະ “ທາງດ່ວນດີຈີຕອນພາກພື້ນອາຊີ-ປາຊີຟິກ”.

IMF ເຕືອນ ເສດຖະກິດໂລກຈະປະເຊີນກັບຜົນສະທ້ອນທີ່ຮ້າຍແຮງກວ່າເກົ່າ

06/05/2026 10:57

ຂ່າວຕ່າງປະເທດລາຍງານໃນວັນທີ 5 ພຶດສະພາ ຜ່ານມາວ່າ: ທ່ານນາງ ຄຣິສຕາລີນາ ຈໍເຈຍວາ ຜູ້ອຳນວຍການກອງທຶນການເງິນສາກົນ (IMF) ໄດ້ເຕືອນວ່າ, ເສດຖະກິດໂລກອາດຈະປະເຊີນກັບ “ຜົນສະທ້ອນທີ່ຮ້າຍແຮງກວ່າເກົ່າ” ຖ້າຫາກສົງຄາມໃນຕາເວັນອອກກາງຍັງສືບຕໍ່ຈົນຮອດປີ 2027, ໂດຍລາຄານ້ຳມັນຈະເພີ່ມຂຶ້ນປະມານ 125 ໂດລາຕໍ່ບາເຣວ ແລະ ອັດຕາເງິນເຟີ້ຈະເພີ່ມຂຶ້ນຈົນເກີນເປົ້າໝາຍຢ່າງຫຼີກລ່ຽງບໍ່ໄດ້.

Moody’s ຈັດອັນດັບຄວາມໄວ້ວາງໃຈແຫ່ງຊາດຂອງ ຫວຽດນາມ ຢູ່ລະດັບ “ຕັ້ງໜ້າ”

06/05/2026 10:56

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ພຶດສະພາ ຜ່ານມາ, ອົງການຈັດອັນດັບຄວາມໄວ້ວາງໃຈສາກົນ (Moody’s), ໄດ້ຍົກລະດັບ ຫວຽດນາມ ຈາກລະດັບ “ປົກກະຕິ” ຂຶ້ນເປັນ “ຕັ້ງໜ້າ”, ຢັ້ງຢືນການຈັດອັນດັບຄວາມໄວ້ວາງໃຈແຫ່ງຊາດຂອງ ຫວຽດນາມ ຢູ່ລະດັບ Ba2. Moody’s ຕີລາຄາຄຸນນະພາບລະບອບລະບຽບການ ແລະ ການຄຸ້ມຄອງຂອງ ຫວຽດນາມ ພວມໄດ້ຮັບການປັບປຸງຢ່າງຈະແຈ້ງຜ່ານການປະຕິຮູບລະບຽບການບໍລິຫານ, ກົດໝາຍ ແລະ ພາກລັດ ທີ່ເລີ່ມປະຕິບັດແຕ່ທ້າຍປີ 2024.

OPEC+ ຈະເພີ່ມການຜະລິດນ້ຳມັນໃນເດືອນມິຖຸນາ

05/05/2026 14:22

ຂ່າວຕ່າງປະເທດລາຍງານ ໃນວັນທີ 4 ພຶດສະພາ ຜ່ານມາວ່າ: ອົງການບັນດາປະເທດຜູ້ສົ່ງອອກນ້ຳມັນ ແລະ ພັນທະມິດ ຫຼື OPEC+ ໄດ້ຕົກລົງກັນໃນວັນ 3 ພຶດສະພາ ຜ່ານມາ ເພື່ອເພີ່ມການຜະລິດນໍ້າມັນດິບຂຶ້ນ 188,000 ບາເຣວຕໍ່ມື້ໃນເດືອນມິຖຸນາ ຊຶ່ງເປັນເດືອນທີສາມຕິດຕໍ່ກັນຂອງການເພີ່ມຂຶ້ນ, ເຖິງແມ່ນວ່າການສົ່ງອອກນໍ້າມັນຕົວຈິງຍັງປະເຊີນກັບຂໍ້ຈຳກັດຈາກຄວາມສ່ຽງໃນເສັ້ນທາງຊ່ອງແຄບຮໍມຸສ.

ເພີ່ມເຕີມ