ຫວຽດນາມ ຍົກສູງລັດທິຫຼາຍຝ່າຍ ການສົນທະນາ ແລະ ກົດໝາຍສາກົນ

12:32 17/09/2026

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 16 ກັນຍາ ຜ່ານມາ, ເວທີປາໄສຊຽງຊານ ປັກກິ່ງ ຄັ້ງທີ 13 ໄດ້ເປີດຂຶ້ນທີ່ນະຄອນຫຼວງປັກກິ່ງ ປະເທດຈີນ. ທ່ານພົນເອກ ຟານວັນຢາງ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ນຳພາຄະນະຜູ້ແທນຂັ້ນສູງກະຊວງປ້ອງກັນປະເທດ ຫວຽດນາມ ເຂົ້າຮ່ວມເວທີປາໄສ ແລະ ມີບົດກ່າວຄຳເຫັນທີ່ສຳຄັນໃນກອງປະຊຸມຄົບຄະນະຄັ້ງທີ 1 ພາຍໃຕ້ຫົວຂໍ້ "ຄວາມເປັນລະບຽບຮຽບຮ້ອຍສາກົນ ແລະ ຄວາມໝັ້ນຄົງດ້ານຍຸດທະສາດ.

ທ່ານພົນເອກ ຟານວັນຢາງ ກ່າວຄຳເຫັນໃນກອງປະຊຸມຄົບຄະນະຄັ້ງທີ 1 ວ່າ: ໂລກພວມຜ່ານຜ່າການປ່ຽນແປງທີ່ມີລັກສະນະບາດລ້ຽວ, ສັບສົນ ແລະ ຍາກທີ່ຈະຄາດຄະເນໄດ້. ສັນຕິພາບ, ສະຖຽນລະພາບ ແມ່ນຄວາມຄາດຫວັງລວມຂອງປະຊາຄົມສາກົນ.

ຫວຽດນາມ ຍົກສູງ ແລະ ປາຖະໜາຢາກຊຸກຍູ້ລັດທິຫຼາຍຝ່າຍ ກໍໝາຍຄວາມວ່າ ຢາກສ້າງຄວາມເປັນລະບຽບຮຽບຮ້ອຍສາກົນໂດຍມີຄວາມຍຸຕິທຳ, ກວມລວມ ອີງໃສ່ກົດໝາຍ ແລະ ລະບອບລະບຽບສາກົນ. ເພື່ອໃຫ້ມີຄວາມເປັນລະບຽບຮຽບຮ້ອຍສາກົນຢ່າງຍຸຕິທຳ, ກວມລວມຄືແນວນັ້ນ ຕ້ອງມີສະຖຽນລະພາບຍຸດທະສາດ ຊຶ່ງຢູ່ທີ່ນັ້ນ, ສະພາບແວດລ້ອມແຫ່ງສັນຕິພາບໄດ້ຮັບການຮັບປະກັນ, ບັນດາປະເທດມີຄວາມສະເໝີພາບ, ເຄົາລົບຊຶ່ງກັນ ແລະ ກັນ, ຮ່ວມມືກັນເພື່ອຕ່າງຝ່າຍຕ່າງມີຜົນປະໂຫຍດ, ແກ້ໄຂບັນດາບັນຫາ ໂດຍຜ່ານການສົນທະນາ, ອີງໃສ່ການເຄົາລົບກົດໝາຍ ແລະ ລະບອບລະບຽບການສາກົນ, ກົດບັດສະຫະປະຊາຊາດ, ບັນດາຄຳໝັ້ນສັນຍາຢູ່ພາກພື້ນ.

ເພື່ອພ້ອມກັນປັບປຸງພື້ນຖານຄວາມເປັນລະບຽບຮຽບຮ້ອຍສາກົນ, ສ້າງຄວາມສະຖຽນລະພາບຍຸດທະສາດ, ທ່ານພົນເອກ ຟານວັນຢາງ ຢືນຢັນວ່າ: ຍາມໃດ ຫວຽດນາມ ກໍເຄົາລົບ ແລະ ປະຕິບັດຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ; ພ້ອມກັນນັ້ນປາຖະໜາຢາກຍູ້ແຮງວິວັດການເຈລະຈາເຊັນກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ດ້ວຍປະສິດທິພາບ, ປະສິດທິຜົນທີ່ແທ້ຈິງ ແລະ ສາມາດເປັນໄປໄດ້. ໃນບັນຫາທະເລຕາເວັນອອກ, ຫວຽດນາມ ຢຶດໝັ້ນ ແກ້ໄຂບັນດາບັນຫາໂດຍສັນຕິວິທີ, ອີງໃສ່ການເຄົາລົບກົດໝາຍສາກົນ, ໃນນັ້ນມີ ສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລ 1982 (UNCLOS 1982).

ຄໍາເຫັນ

ຂ່າວຕ່າງປະເທດ

ການຄ້າຂາເຂົ້າ - ຂາອອກເຂດລ້ອງແມ່ນ້ຳເຫຼືອງ ບັນລຸ 35,530 ຕື້ຢວນ

03/11/2026 09:46

ວິທະຍຸ, ໂທລະພາບສູນກາງຈີນ ລາຍງານໃນວັນທີ 1 ພະຈິກ ຜ່ານມາວ່າ: ນັບແຕ່ເຜີຍແຜ່ຂໍ້ມູນ “ໂຄງຮ່າງແຜນການພັດທະນາທີ່ມີຄຸນນະພາບສູງ ແລະ ການອະນຸລັກລະບົບນິເວດຢູ່ເຂດລ້ອງແມ່ນ້ຳເຫຼືອງ (ຮວງເຮີ)” ໃນເດືອນຕຸລາປີ 2021 ຈົນຮອດປັດຈຸບັນເປັນເວລາ 5 ປີແລ້ວ. ຕາມສະຖິຕິຈາກດ່ານພາສີຈີນານ ແຂວງຊ່ານຕຸ່ງ ຈີນ ໃຫ້ຮູ້ວ່າ: ແຕ່ປີ 2021 ຮອດທ້າຍເດືອນກັນຍາປີນີ້, ການຄ້າສະສົມຂາເຂົ້າ-ຂາອອກຢູ່ເຂດລ້ອງແມ່ນ້ຳເຫຼືອງລວມທັງໝົດບັນລຸມູນຄ່າ 35,530 ຕື້ຢວນ ຊຶ່ງເຮັດໃຫ້ລະດັບການເປີດປະຕູສູ່ພາຍນອກໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ.

ບັນຫາໝອກຄວັນສ້າງຄວາມເສຍຫາຍໃຫ້ມາເລເຊຍປະມານ 8 ຕື້ຣິງກິດ

03/11/2026 09:45

ສຳນັກຂ່າວສານຊິນຮວາລາຍງານໃນທ້າຍອາທິດຜ່ານມາວ່າ: ບົດລາຍງານຈາກສະຫະພັນຜູ້ຜະລິດມາເລເຊຍ (FMM) ທີ່ເຜີຍແຜ່ຫວ່າງມໍ່ໆມານີ້ ລະບຸວ່າ: ບັນຫາໝອກຄວັນຂອງມາເລເຊຍໃນປີ 2026 ຄາດວ່າຈະເຮັດໃຫ້ເກີດການສູນເສຍດ້ານສຸຂະພາບ ແລະ ຊີວິດຂອງປະຊາຊົນ ມູນຄ່າປະມານ 8 ຕື້ຣິງກິດ ແລະ ເຮັດໃຫ້ມີຜູ້ເສຍຊີວິດປະມານ 1,700 ຄົນ, ໂດຍມີໂຕເລກຄາດຄະເນຢູ່ລະຫວ່າງ 1,300-2,300 ຄົນ ຈາກການສໍາຜັດກັບຝຸ່ນລະອອງຂະໜາດນ້ອຍທີ່ປົນເປື້ອນໃນຄວັນໄຟໄໝ້ປ່າ ລະຫວ່າງວັນທີ 1 ກໍລະກົດ ຫາ 22 ຕຸລາ ຜ່ານມາ. ໂດຍສ່ວນໃຫຍ່ຂອງການເສຍຊີວິດແມ່ນຍ້ອນຄວັນຈາກໄຟໄໝ້ປ່າທີ່ມາຈາກນອກປະເທດ.

ຊາວ ອາເມຣິກາ 50 ລ້ານກວ່າຄົນ ໄປປ່ອນບັດເລືອກຕັ້ງກ່ອນກຳນົດເວລາການເລືອກຕັ້ງກາງສະໄໝ

03/11/2026 09:40

ວິທະຍຸກະຈາຍສຽງຫວຽດນາມລາຍງານໃນວັນທີ 1 ພະຈິກ ຜ່ານມາວ່າ: ຜູ້ມີສິດເລືອກຕັ້ງ ຊາວສະຫະລັດ ອາເມລິກາ 50 ລ້ານກວ່າຄົນ ຊຶ່ງເທົ່າກັບເກືອບ 30% ຂອງຈໍານວນຜູ້ມີສິດເລືອກຕັ້ງທັງໝົດທີ່ຈົດທະບຽນ, ໄດ້ໄປປ່ອນບັດເລືອກຕັ້ງກ່ອນກຳນົດເວລາ ເຖິງວ່າການເລືອກຕັ້ງກາງສະໄໝຍັງເຫຼືອອີກສາມວັນຈຶ່ງຈັດຂຶ້ນຢ່າງເປັນທາງການ.

ໜີ້ສິນສາທາລະນະຂອງເນປານ ເກີນ 3 ພັນຕື້ຣູປີ

03/11/2026 09:36

ສຳນັກຂ່າວສານຊິນຮວາລາຍງານໃນທ້າຍເດືອນຕຸລາ ຜ່ານມາວ່າ: ອົງການຄຸ້ມຄອງໜີ້ສິນສາທາລະນະຂອງເນປານລາຍງານວ່າ, ໜີ້ສິນສາທາລະນະຂອງປະເທດໄດ້ເກີນ 3 ພັນຕື້ຣູປີເນປານ ເປັນຄັ້ງທຳອິດ ຊຶ່ງສະທ້ອນໃຫ້ເຫັນເຖິງພາລະໜີ້ສິນທີ່ເພີ່ມຂຶ້ນຢ່າງໄວວາໃນໄລຍະທົດສະວັດທີ່ຜ່ານມາ, ຍ້ອນວ່າເນປານຕ້ອງອາໄສການກູ້ຢືມທັງພາຍໃນ ແລະ ຕ່າງປະເທດຫຼາຍຂຶ້ນ ໂດຍສະເພາະຫຼັງຈາກແຜ່ນດິນໄຫວຮ້າຍແຮງໃນປີ 2015 ແລະ ການລະບາດຂອງພະຍາດໂຄວິດ-19.

ກອງປະຊຸມ COP17 ບັນລຸຂໍ້ຕົກລົງ ເພື່ອເລັ່ງການດຳເນີນການອະນຸລັກຮັກສາຊີວະນາໆພັນ

03/11/2026 09:33

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 31 ຕຸລາ ຜ່ານມາ, 100 ກວ່າປະເທດໄດ້ບັນລຸຂໍ້ຕົກລົງສຳຄັນ ເພື່ອເລັ່ງການດຳເນີນການອະນຸລັກຮັກສາຊີວະນາໆພັນ ແລະ ປິດກອງປະຊຸມຄັ້ງທີ 17 ຂອງບັນດາຝ່າຍເຂົ້າຮ່ວມສົນທິສັນຍາຂອງ ສະຫະປະຊາຊາດ ກ່ຽວກັບຊີວະພາບນາໆພັນ (COP17) ທີ່ນະຄອນຫຼວງເຢເຣວັນ ປະເທດອາກເມນີ.

ກອງປະຊຸມຄົບຄະນະຂອງສູນກາງພັກກອມມູນິດຈີນຮັບຮອງເອົາເອກະສານ “ຂໍ້ຕົກລົງ” ແມ່ນຜົນສໍາເລັດສໍາຄັນທີ່ສຸດຂອງກອງປະຊຸມຄັ້ງນີ້

31/10/2026 08:43

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 30 ຕຸລານີ້, ສູນກາງພັກກອມມູນິດຈີນໄດ້ຈັດກອງປະຊຸມຖະແຫຼງຂ່າວເພື່ອແນະນໍາ ແລະ ບັນຍາຍເນື້ອໃນຈິດໃຈຂອງກອງປະຊຸມຄົບຄະນະຄັ້ງທີ 5 ຂອງຄະນະກຳມະການສູນກາງພັກກອມມູນິດຈີນສະໄໝທີ 20 ທີ່ຈັດຂຶ້ນລະຫວ່າງວັນທີ 26-29 ຕຸລານີ້.

ຄວັນໄຟປ່າ ເຮັດໃຫ້ການຜະລິດໄຟຟ້າຈາກພະລັງງານແສງຕາເວັນ ຫຼຸດລົງ 70%

30/10/2026 13:08

ສຳນັກຂ່າວສານຊິນຮວາລາຍງານໃນວັນທີ 29 ຕຸລາ ຜ່ານມາວ່າ: ການສຶກສາຈາກມະຫາວິທະຍາໄລນິວຊາວເວວຂອງອົສຕຣາລີ ເປີດເຜີຍວ່າ, ໄຟໄໝ້ປ່າທີ່ຮ້າຍແຮງ ຊຶ່ງກຳລັງເກີດຂຶ້ນເລື້ອຍໆ ແລະ ຮຸນແຮງຂຶ້ນໃນຫຼາຍພາກພື້ນ ເຊັ່ນ:ອົສຕຣາລີ, ຄາລິຟໍເນຍ ແລະ ເອີຣົບໃຕ້, ບໍ່ພຽງແຕ່ສົ່ງຜົນກະທົບຕໍ່ພື້ນທີ່ທີ່ເກີດໄຟໄໝ້ເທົ່ານັ້ນ. ຄວັນຈາກໄຟໄໝ້ປ່າ ສາມາດຫຼຸດການຜະລິດພະລັງງານແສງຕາເວັນໄດ້ເຖິງ 70% ພາຍໃນລັດສະໝີປະມານ 50 ກິໂລແມັດຈາກຈຸດທີ່ເກີດໄຟໄໝ້ປ່າ ແລະ ສູງເຖິງ 30% ໃນພື້ນທີ່ທີ່ຫ່າງອອກໄປຫຼາຍກວ່າ 150 ກິໂລແມັດ.

ສະຫະປະຊາຊາດ ເລັ່ງທວງໃຫ້ອາເມຣິກາຍົກເລີກການປິດລ້ອມຕໍ່ກູບາ

30/10/2026 13:07

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 28 ຕຸລາ ຜ່ານມາ (ຕາມເວລາທ້ອງຖິ່ນ), ກອງປະຊຸມໃຫຍ່ອົງການສະຫະປະຊາຊາດສະໄໝທີ 81 ໄດ້ຮັບຮອງມະຕິກ່ຽວກັບ “ອາເມຣິກາຕ້ອງຍົກເລີກການປິດລ້ອມດ້ານເສດຖະກິດ, ການຄ້າ ແລະ ການເງິນຕໍ່ກູບາ” ດ້ວຍຄະແນນ 130 ສຽງເຫັນດີ, 17 ສຽງຄັດຄ້ານ ແລະ 25 ສຽງງົດອອກສຽງ. ຂ່າວແຈ້ງໃຫ້ຮູ້ວ່າ, ນີ້ເປັນເທື່ອທີ 34 ທີ່ສະມັດຊາໃຫຍ່ອົງການສະຫະປະຊາຊາດຮັບຮອງມະຕິທີ່ກ່ຽວຂ້ອງລຽນຕິດ.

ອຸດສາຫະກຳສ້າງກຳປັ່ນຂອງຈີນ ມີການສັ່ງຈອງໄປຮອດ 4 ປີຂ້າງໜ້າ

30/10/2026 13:06

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 28 ຕຸລາ ຜ່ານມາ, ທ່ານ ຫຼີຢ້ຽນຊີ້ງ ຮອງປະທານສະມາຄົມອຸດສາຫະກຳກຳປັ່ນຈີນກ່າວວ່າ, ອຸດສາຫະກຳສ້າງກຳປັ່ນຂອງຈີນສືບຕໍ່ຮັກສາທ່າອ່ຽງການພັດທະນາຢ່າງວ່ອງໄວ. ປັດຈຸບັນ, ໂຮງງານສ້າງກຳປັ່ນຂອງຈີນໄດ້ຮັບການສັ່ງຈອງເຖິງ 399 ລ້ານ DWT (ບັນຈຸນ້ຳໜັກໄດ້ 399 ລ້ານໂຕນ) ຊຶ່ງເປັນປະລິມານວຽກງານໃນ 4 ປີຂ້າງໜ້າ ແລະ ສ້າງພື້ນຖານອັນໜັກແໜ້ນໃຫ້ແກ່ການພັດທະນາແບບ ຍືນຍົງຂອງອຸດສາຫະກຳກຳປັ່ນ ແລະ ອຸດສາຫະກຳທາງທະເລ.

ຖະແຫຼງການກອງປະຊຸມຄົບຄະນະ ຄັ້ງທີ 5 ຂອງຄະນະກຳມະການສູນກາງພັກຄອມມູນິດຈີນ ສະໄໝທີ XX

30/10/2026 12:55

(ຮັບຮອງເອົາໃນກອງປະຊຸມຄົບຄະນະ ຄັ້ງທີ 5 ຂອງຄະນະກຳມະການສູນກາງພັກຄອມມູນິດຈີນ ສະໄໝທີ XX, ວັນທີ 29 ຕຸລາ 2026) ກອງປະຊຸມຄົບຄະນະ ຄັ້ງທີ 5 ຂອງຄະນະກຳມະການສູນກາງພັກຄອມມູນິດຈີນ ສະໄໝທີ XX ໄດ້ໄຂຂຶ້ນຢູ່ນະຄອນຫຼວງປັກກິ່ງ ລະຫວ່າງວັນທີ 26 – 29 ຕຸລາ 2026. ຜູ້ເຂົ້າຮ່ວມກອງປະຊຸມຄົບຄະນະຄັ້ງນີ້ມີ: ກຳມະການສູນກາງພັກ 162 ສະຫາຍ ແລະ ກຳມະການສຳຮອງສູນກາງພັກ 117 ສະຫາຍ. ກຳມະການຄະນະກວດກາສູນກາງພັກ ແລະ ສະຫາຍຮັບຜິດຊອບຝ່າຍທີ່ກ່ຽວຂ້ອງ ໄດ້ເຂົ້າຮ່ວມຟັງໃນກອງປະຊຸມ. ສະຫາຍຢູ່ຮາກຖານ ພ້ອມດ້ວຍຜູ້ຊ່ຽວຊານ ແລະ ນັກວິຊາການຈໍານວນໜຶ່ງທີ່ເປັນຜູ້ແທນກອງປະຊຸມໃຫຍ່ ຄັ້ງທີ XX ຂອງພັກ ກໍໄດ້ເຂົ້າຮ່ວມຟັງໃນກອງປະຊຸມເຊັ່ນດຽວກັນ.

ເພີ່ມເຕີມ