ວິທະຍຸກະຈາຍສຽງຫວຽດນາມລາຍງານວ່າ: ວັນທີ 8 ເມສາ ຜ່ານມານີ້ຢູ່ ຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໃຫ້ການຕ້ອນຮັບທ່ານ ຄູດີຣຢາຊອບ ເຊີເກ ອີວາໂນວີກ ຜູ້ອຳນວຍການໃຫຍ່ບໍລິສັດ ຊາຣູເບຊເນັດ (Zarubezhneft) ຂອງ ຣັດເຊຍທີ່ພວມຢ້ຽມຢາມ ແລະ ເຮັດວຽກ ຢູ່ ຫວຽດນາມ ກ່ຽວກັບການຮ່ວມມືນ້ຳມັນ-ອາຍແກັສ ແລະ ພະລັງງານ.
ຂ່າວລະບຸວ່າ: ທ່ານ ຟ້າມມິງຈິງ ໃຫ້ຮູ້ວ່າ: ຫວຽດນາມ ຍາມໃດກໍສະໜັບສະໜູນ, ສ້າງເງື່ອນໄຂເພື່ອຊຸກຍູ້ການຮ່ວມມືນ້ຳມັນ-ອາຍແກັສ ລະຫວ່າງສອງປະເທດ, ບົນຫຼັກການ “ຜົນປະໂຫຍດສົມດຸນ, ແບ່ງປັນຄວາມສ່ຽງ”. ທ່ານ ຟ້າມມິງຈິງ ສະເໜີໃຫ້ການນຳບໍລິສັດ Zarubezhneftແລະ ກຸ່ມບໍລິສັດນ້ຳມັນ-ອາຍແກັສ ຫວຽດນາມ (Petro Vietnam) ພ້ອມກັບບັນດາອົງການ, ກະຊວງ, ຂະແໜງການທີ່ກ່ຽວຂ້ອງ ຈົ່ງປຶກສາຫາລື, ຍົກໃຫ້ເຫັນແຈ້ງບັນດາເນື້ອໃນທີ່ຈະຕ້ອງໄດ້ຮັບການແກ້ໄຂ, ສະເໜີວິທີການແກ້ໄຂເພື່ອການຮ່ວມມືດ້ານນ້ຳມັນ-ອາຍແກັສ ລະຫວ່າງສອງປະເທດສືບຕໍ່ບັນລຸໄດ້ໝາກຜົນສູງສຸດ.
ທ່ານ ຄູດີຣຢາຊອບ ເຊີເກ ອີວາໂນວີກ ໃຫ້ຮູ້ວ່າ: ພາຍຫຼັງ 40 ກວ່າປີແຫ່ງການຮ່ວມມືລະຫວ່າງບໍລິສັດ Zarubezhneftແລະ ກຸ່ມບໍລິສັດນ້ຳມັນ-ອາຍແກັສ ຫວຽດນາມ (Petro Vietnam) ໄດ້ບັນລຸຫຼາຍຜົນງານໃນການສຳຫຼວດທໍລະນີ ແລະ ຂຸດຄົ້ນນ້ຳມັນ-ອາຍແກັສ. ຣັດເຊຍ ປາຖະໜາຢາກສືບຕໍ່ຊຸກຍູ້ການຮ່ວມມືກັບ ຫວຽດນາມ ໃນບັນດາຂົງເຂດ, ພິເສດແມ່ນເສດຖະກິດ, ການຄ້າ, ການລົງທຶນ, ໃນນັ້ນມີການຮ່ວມມືນ້ຳມັນ-ອາຍແກັສ.
ຂ່າວລະບຸວ່າ: ທ່ານ ຟ້າມມິງຈິງ ໃຫ້ຮູ້ວ່າ: ຫວຽດນາມ ຍາມໃດກໍສະໜັບສະໜູນ, ສ້າງເງື່ອນໄຂເພື່ອຊຸກຍູ້ການຮ່ວມມືນ້ຳມັນ-ອາຍແກັສ ລະຫວ່າງສອງປະເທດ, ບົນຫຼັກການ “ຜົນປະໂຫຍດສົມດຸນ, ແບ່ງປັນຄວາມສ່ຽງ”. ທ່ານ ຟ້າມມິງຈິງ ສະເໜີໃຫ້ການນຳບໍລິສັດ Zarubezhneftແລະ ກຸ່ມບໍລິສັດນ້ຳມັນ-ອາຍແກັສ ຫວຽດນາມ (Petro Vietnam) ພ້ອມກັບບັນດາອົງການ, ກະຊວງ, ຂະແໜງການທີ່ກ່ຽວຂ້ອງ ຈົ່ງປຶກສາຫາລື, ຍົກໃຫ້ເຫັນແຈ້ງບັນດາເນື້ອໃນທີ່ຈະຕ້ອງໄດ້ຮັບການແກ້ໄຂ, ສະເໜີວິທີການແກ້ໄຂເພື່ອການຮ່ວມມືດ້ານນ້ຳມັນ-ອາຍແກັສ ລະຫວ່າງສອງປະເທດສືບຕໍ່ບັນລຸໄດ້ໝາກຜົນສູງສຸດ.
ທ່ານ ຄູດີຣຢາຊອບ ເຊີເກ ອີວາໂນວີກ ໃຫ້ຮູ້ວ່າ: ພາຍຫຼັງ 40 ກວ່າປີແຫ່ງການຮ່ວມມືລະຫວ່າງບໍລິສັດ Zarubezhneftແລະ ກຸ່ມບໍລິສັດນ້ຳມັນ-ອາຍແກັສ ຫວຽດນາມ (Petro Vietnam) ໄດ້ບັນລຸຫຼາຍຜົນງານໃນການສຳຫຼວດທໍລະນີ ແລະ ຂຸດຄົ້ນນ້ຳມັນ-ອາຍແກັສ. ຣັດເຊຍ ປາຖະໜາຢາກສືບຕໍ່ຊຸກຍູ້ການຮ່ວມມືກັບ ຫວຽດນາມ ໃນບັນດາຂົງເຂດ, ພິເສດແມ່ນເສດຖະກິດ, ການຄ້າ, ການລົງທຶນ, ໃນນັ້ນມີການຮ່ວມມືນ້ຳມັນ-ອາຍແກັສ.
ຄໍາເຫັນ