ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ງານວາງສະແດງການປ້ອງກັນຊາດ ແລະ ປ້ອງກັນຄວາມສະຫງົບ 2023 (Defense & Security 2023) ໄດ້ດຳເນີນຢູ່ ປະເທດໄທ. ງານວາງສະແດງປີນີ້ ມີການເຂົ້າຮ່ວມຂອງນັກຜະລິດດ້ານການທະຫານແຖວໜ້າໂລກ ເກືອບ 500 ແຫ່ງທີ່ມາຈາກ 50 ປະເທດ ຊຶ່ງໄດ້ຮັບການຕີລາຄາແມ່ນເຫດການ ການທະຫານສາກົນສຳຄັນຂອງອາຊີຕາເວັນອອກສ່ຽງໃຕ້ ແລະ ນອນໃນອັນດັບ 15 ປະເທດໃນໂລກ.
ຂ່າວລະບຸວ່າ: ກຸ່ມບໍລິສັດ ເຕັກໂນໂລຊີໂທລະຄົມມະນາຄົມກອງທັບ ຫວຽດເທວ (Viettel) ໂດຍຜູ້ຕາງໜ້າແມ່ນບໍລິສັດໃຫຍ່ ອຸດສາຫະກຳເຕັກໂນໂລຊີສູງ ຫວຽດເທວ (Viettel High Tech) ເຂົ້າຮ່ວມງານວາງສະແດງໂດຍບົແມ່ນຮ້ານວາງສະແດງແຫ່ງຊາດ ຫວຽດນາມ. ທ່ານພົນໂທ ຟຸ່ງຊີເຕິນ ຮອງຫົວໜ້າເສນາທິການໃຫຍ່ ກອງທັບປະຊາຊົນ ຫວຽດນາມ ຫົວໜ້າຄະນະຜູ້ແທນກະຊວງປ້ອງກັນປະເທດ ຫວຽດນາມ ໄດ້ເຂົ້າຮ່ວມງານ ແລະ ໃຫ້ຮູ້ວ່າ: ກ່ຽວກັບກຸ່ມບໍລິສັດເຕັກໂນໂລຊີໂທລະຄົມມະນາຄົມກອງທັບ ຫວຽດເທວ ຕາງໜ້າໃຫ້ແກ່ກອງທັບ ຫວຽດນາມ ເຂົ້າຮ່ວມງານວາງສະແດງສາກົນ ຢູ່ ປະເທດໄທ ເພື່ອແນໃສ່ປະຕິບັດແນວທາງການຕ່າງປະເທດເຊື່ອມໂຍງເຂົ້າກັບສາກົນ, ການຕ່າງປະເທດດ້ານປ້ອງກັນຊາດຢ່າງຕັ້ງໜ້າ, ເປີດກວ້າງ, ມີລວງເລິກ, ເປັນເພື່ອນມິດກັບບັນດາປະເທດເພື່ອສັນຕິພາບຂອງ ຫວຽດນາມ. ກຳລັງແຮງດ້ານປ້ອງກັນຊາດ ຂອງ ຫວຽດນາມ ແມ່ນເພື່ອປົກປັກຮັກສາປະເທດຊາດ, ເພື່ອເປົ້າ ໝາຍສັນຕິພາບ, ສອດຄ່ອງກັບຫົວຂໍ້ຂອງງານວາງສະແດງຄັ້ງນີ້ແມ່ນ: “ກຳລັງແຮງຂອງບັນດາການເຊື່ອມຕໍ່ຄູ່ຮ່ວມມື”.
ຄໍາເຫັນ