ອິນໂດເນເຊຍ ຈັດເວທີປາໄສຊັບພະຍາກອນແຫຼ່ງນ້ຳໂລກ ຄັ້ງທີ 10

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 20 ພຶດສະພາ ຜ່ານມາ, ເວທີປາໄສຊັບພະຍາກອນແຫຼ່ງນ້ຳໂລກ ຄັ້ງທີ 10 (WWF) ໄດ້ຈັດຂຶ້ນ ຢູ່ ເກາະບາຫຼີ ປະເທດອິນໂດເນເຊຍ.
 ຂ່າວລະບຸວ່າ: WWF ຄັ້ງທີ 10 ແມ່ນໂອກາດເຕົ້າໂຮມບັນດາຝ່າຍທີ່ກ່ຽວຂ້ອງໃນຂົງເຂດຊັບພະຍາກອນແຫຼ່ງນ້ຳ ລວມມີ: ລັດຖະບານ, ສະພາແຫ່ງຊາດ, ບັນດາການນຳການເມືອງ, ອົງການຈັດຕັ້ງຫຼາຍຝ່າຍ, ນັກຮຽນຮູ້, ວິສາຫະກິດ. ໂດຍມີຜູ້ເຂົ້າຮ່ວມປະມານ 300.000 ຄົນ ທີ່ມາຈາກ 172 ປະເທດ ແລະ ເຂດແຄ້ວນ.
 ເວທີປາໄສ ປຶກສາຫາລື 4 ບັນຫາ, ລວມມີການປົກປັກຮັກສາແຫຼ່ງຊັບພະຍາກອນນ້ຳ, ນ້ຳສະອາດ ແລະ ການອະນາໄມ; ຄວາມໝັ້ນຄົງດ້ານສະບຽງອາຫານ; ພະລັງງານ ແລະ ຫຼຸດຜ່ອນໄພພິບັດ. ເວທີປາໄສດັ່ງກ່າວ ຈະຍົກບັນດາຂໍ້ລິເລີ່ມກ່ຽວກັບມາດຕະການ ແລະ ຄຳໝັ້ນສັນຍາໃໝ່ ແນໃສ່ບັນລຸໄດ້ບັນດາເປົ້າໝາຍຄຸ້ມຄອງແຫຼ່ງຊັບພະຍາກອນນ້ຳແບບຍືນຍົງ ແລະ ຍຸຕິທຳ.