ທ່ານ ເຕຣັງໂກໂນ ອະທິບາຍວ່າ:ກໍລະນີເກາະຂອງອິນໂດເນເຊຍ ຈຳນວນ 5 ແຫ່ງ ຖືກປະກາດຂາຍ ໃນເວັບໄຊ Private Islands Online ເມື່ອບໍ່ດົນມານີ້ ຖືເປັນເລື່ອງຜິດກົດໝາຍ, ໂດຍກະຊວງດັ່ງກ່າວເນັ້ນໜັກວ່າ ບໍ່ມີພື້ນຖານທາງກົດໝາຍໃນອິນໂດເນເຊຍ ທີ່ອະນຸຍາດໃຫ້ມີການຂາຍບັນດາຫົວໜ່ວຍພູມສາດເຊັ່ນ: ເກາະ.
ເຖິງຢ່າງໃດກໍຕາມ, ທ່ານ ເຕຣັງໂກໂນ ກ່າວວ່າ:ເກາະນ້ອຍສາມາດນຳໃຊ້ໃນການລົງທຶນດ້ານການທ່ອງທ່ຽວ ຖ້າຫາກນັກລົງທຶນໄດ້ຮັບໃບອະນຸຍາດການນຳໃຊ້ທີ່ຈຳເປັນ, ແຕ່ບໍ່ແມ່ນເກາະທັງໝົດທີ່ເປີດກວ້າງການພັດທະນາ. ຂະນະທີ່ບາງບ່ອນອາດຈະຖືກກຳນົດເປັນແຫຼ່ງທ່ອງທ່ຽວທາງທະເລ, ແຕ່ບາງບ່ອນແມ່ນເຂດປ່າສະຫງວນ ແລະ ຫ້າມຖືກລົບກວນ.
ທັງນີ້, ກະຊວງດັ່ງກ່າວມີແຜນຈະນຳໃຊ້ເຕັກໂນໂລຊີດາວທຽມເພື່ອຈັດປະເພດ ແລະ ຕິດຕາມສະຖານະເກາະຕ່າງໆໃນທົ່ວປະເທດເພື່ອເພີ່ມທະວີການປົກປ້ອງເບິ່ງແຍງ.
ຄໍາເຫັນ