ກ່າວຄຳເຫັນໃນງານເປີດແພລັດຟອມດັ່ງກ່າວທີ່ນະຄອນຫຼວງພະນົມເປັນ ວ່າ:ແພລັດຟອມນີ້ ຖືວ່າເປັນຂີດໝາຍສຳຄັນໃນການປະຕິບັດຍຸດທະສາດແຫ່ງຊາດ ເພື່ອພັດທະນາເສດຖະກິດນອກລະບົບ ປີ 2023-2028.
ທ່ານ ຮຸນມາເນັດເນັ້ນໜັກເຖິງຄວາມສຳຄັນຂອງແພລັດຟອມດັ່ງກ່າວໃນການຮັບປະກັນ ແລະ ສະໜັບສະໜູນເສດຖະກິດນອກລະບົບ. ໂດຍຊີ້ວ່າ, ການເປີດແພລັດຟອມໃນຄັ້ງນີ້ສະແດງໃຫ້ເຫັນເຖິງຫຼັກໝັ້ນຂອງລັດຖະບານໃນການສະໜັບສະໜູນເສດຖະກິດນອກລະບົບ. ດ້ວຍເປົ້າໝາຍທີ່ຈະສ້າງກາລະໂອກາດ ແລະ ປັບປຸງຊີວິດການເປັນຢູ່ໂດຍລວມ.
ແພລັດຟອມດີຈີຕອນໃໝ່ນີ້ຍັງຈະຊ່ວຍໃຫ້ລັດຖະບານສາມາດມີສ່ວນຮ່ວມໃນການຄຸ້ມຄອງໂດຍກົງ. ໂດຍສະເພາະໃນໄລຍະທີ່ເກີດວິກິດ ແລະເຮັດໃຫ້ຜູ້ທີ່ມີບົດບາດໃນເສດຖະກິດນອກລະບົບສາມາດເຂົ້າເຖິງຜົນປະໂຫຍດຕ່າງໆເຊັ່ນ: ການພັດທະນາທັກສະ, ການຄຸ້ມຄອງທາງສັງຄົມ ແລະການບໍລິການທາງດ້ານການເງິນຢ່າງເປັນທາງການ.
ທ່ານ ເຮມ ແວນດີລັດຖະມົນຕີກະຊວງອຸດສາຫະກຳ ເປີດເຜີຍວ່າ: ແພລັດຟອມດັ່ງກ່າວຈະຊ່ວຍແກ້ໄຂບັນຫາການຂາດແຄນຂໍ້ມູນກ່ຽວກັບເສດຖະກິດນອກລະບົບທີ່ແກ່ຍາວມາດົນນານ. ໂດຍສະເໜີທາງເລືອກທີ່ຫຼາກຫຼາຍໂດຍບໍ່ມີຄ່າໃຊ້ຈ່າຍ ແລະ ໂດຍສະໝັກໃຈ ຊຶ່ງສ່ວນຫຼາຍແມ່ນຈັດຂຶ້ນສຳລັບທຸລະກິດຂະໜາດນ້ອຍ, ພະນັກງານຂອງທຸລະກິດຂະໜາດນ້ອຍ, ຄົນງານທີ່ຖືກຈ້າງຕາມລະດູການ ແລະບຸກຄົນທີ່ປະກອບອາຊີບອິດສະຫຼະ ທີ່ເຮັດວຽກໃນເສດຖະກິດນອກລະບົບ.
ການສຳຫຼວດເປີດເຜີຍວ່າ: ກຳປູເຈຍມີກຳລັງແຮງງານປະມານ 7,9 ລ້ານຄົນ, ໂດຍເຮັດວຽກໃນລະບົບ 1,7 ລ້ານຄົນ ແລະ ນອກລະບົບ ອີກ 6,2 ລ້ານຄົນ ຊຶ່ງກຸ່ມຫຼັງນີ້ມັກບໍ່ສາມາດເຂົ້າເຖິງການບໍລິການທີ່ຈຳເປັນແລະອາດຈະປະເຊີນກັບຄວາມສ່ຽງໃນເວລາທີ່ວິກິດການ.
ຄໍາເຫັນ