ອີງຕາມສຳນັກຂ່າວສານຊິນຮວາ, ໃນນາມເປັນປະເທດຜູ້ປະສານງານຕົ້ນຕໍແບບສະໝັກໃຈຂອງອາຊຽນ ດ້ານອາຊະຍາກຳທາງໄຊເບີ ແລະ ການຫຼອກລວງທາງອອນລາຍຂອງອາຊຽນ, ສິງກະໂປໄດ້ສະເໜີ “ແນວທາງປະຕິບັດອາຊຽນ ວ່າດ້ວຍການຕ້ານການຫຼອກລວງໃນແພລດຟອມອອນລາຍ” ຊຶ່ງຈະກຳນົດມາດຕະການປ້ອງກັນຂັ້ນພື້ນຖານແບບສະໝັກໃຈເພື່ອໃຫ້ບັນດາປະເທດສະມາຊິກນຳໄປປັບໃຊ້ກັບແພລດຟອມອອນລາຍ ໃນການກວດກາ, ປ້ອງກັນ ແລະ ສະກັດກັ້ນການຫຼອກລວງ.
ມາດຕະການທີ່ສະເໜີມານັ້ນລວມມີການສົ່ງຕໍ່ຂໍ້ມູນກ່ຽວກັບກິດຈະກຳການສໍ້ໂກງທີ່ກວດພົບໄປຍັງເຈົ້າໜ້າທີ່ທີ່ກ່ຽວຂ້ອງຢ່າງທັນການ, ພ້ອມທັງການຈັດຕັ້ງປະຕິບັດມາດຕະການກວດສອບທີ່ເໝາະສົມເພື່ອປ້ອງກັນການນຳໃຊ້ບັນຊີປອມໃນກິດຈະກຳການສໍ້ໂກງ.
ທ່ານ ຊານມູກາມ ເປີດເຜີຍຕື່ມວ່າ: ສິງກະໂປໄດ້ສະເໜີຄູ່ມືການປະຕິບັດທີ່ດີທີ່ສຸດຂອງອາຊຽນ ຊຶ່ງກວມເອົາການສືບສວນການສໍ້ໂກງ, ກົດໝາຍ ແລະ ການສຶກສາອົບຮົມສາທາລະນະກ່ຽວກັບການປ້ອງກັນການສໍ້ໂກງ.
ໂຄງການດັ່ງກ່າວເປັນການເສີມສ້າງການຮ່ວມມືຫຼາຍຝ່າຍທີ່ມີຢູ່ແລ້ວ ເຊັ່ນ: ໂຄງການ “FRONTIER+” ທີ່ລິເລີ່ມໂດຍກອງກຳລັງຕຳຫຼວດສິງກະໂປ ເພື່ອສະໜັບສະໜູນການແລກປ່ຽນຂໍ້ມູນຂ່າວສານ, ການບັງຄັບໃຊ້ກົດໝາຍຮ່ວມກັນ ແລະ ການຕິດຕາມການເງິນຂ້າມຊາຍແດນ ແລະ ການຢຶດຊັບສິນ.
ທ່ານ ຊານມູກາມ ກ່າວຕື່ມວ່າ: ປັດຈຸບັນ, ມີ 6 ປະເທດ ສະມາຊິກອາຊຽນກຳລັງເຂົ້າຮ່ວມໃນໂຄງການ FRONTIER+.
ຄໍາເຫັນ