ດ້ານນະໂຍບາຍ ແລະ ມາດຕະການ ແມ່ນພັດທະນາໂຄງລ່າງພື້ນຖານດ້ານໂຍທາທິການ ແລະ ຂົນສົ່ງ ລວມທັງພັດທະນຕົວເມືອງ ແລະ ສິ່ງແວດລ້ອມຕົວເມືອງ, ນໍ້າປະປາ-ສຸຂາພິບານ, ສິ່ງອໍານວຍຄວາມສະດວກຕ່າງໆ ແລະ ການກໍ່ສ້າງປ້ອງກັນຕາຝັ່ງເຈື່ອນຕາມແລວເສດຖະກິດ (ແລວເສດຖະກິດລາວ-ຈີນ, ແລວເຊື່ອມໂຍງ-ເຊື່ອມຈອດອານຸພາກພື້ນແມ່ນໍ້າຂອງ GMS, ແລວເຊື່ອມຈອດເຂົ້າຫາເຂດການຜະລິດ - ເຂດເສດຖະກິດພິເສດ - ແຫຼ່ງທ່ອງທ່ຽວ - ບັນດາຕົວເມືອງໃຫຍ່); ການພັດທະນາຕ້ອງມີວິທະຍາສາດ ແລະ ຈຸດສຸມ, ຮັບປະກັນຄຸນນະ ພາບ, ໄດ້ມາດຕະຖານພາກພື້ນ-ສາກົນ, ທົນທານຕໍ່ການປ່ຽນແປງສະພາບດິນຟ້າອາກາດ, ໄປຕາມທິດສີຂຽວ ແລະ ຍືນຍົງ; ຫັນການພັດທະນາຕົວເມືອງໃຫ້ເປັນຕົວເມືອງທີ່ມີການວາງແຜນຮອບດ້ານ, ທັນສະໄໝ ແລະ ຍືນຍົງ; ເພີ່ມທະວີການປົກປັກຮັກສາຕາຝັ່ງ ແລະ ປ້ອງກັນໄພນໍ້າຖ້ວມບັນດາຕົວເມືອງ, ທັງຮັບປະກັນການສະໜອງນໍ້າປະປາ ແລະ ສຸຂາພິບານໃນຕົວເມືອງຂອບເຂດທົ່ວປະເທດ; ປັບປຸງຂອບກົດໝາຍ, ລະບຽບການ ແລະ ມາດຕະຖານເຕັກນິກຕ່າງໆທີ່ຮັບໃຊ້ການຄຸ້ມຄອງ ແລະ ພັດທະນາໂຄງລ່າງພື້ນຖານ; ສ້າງແຜນການຄຸ້ມຄອງ ແລະ ບໍາລຸງຮັກສາໂຄງລ່າງພື້ນຖານ ໂດຍຮັບປະກັນການນໍາໃຊ້ທີ່ປອດໄພ ແລະ ຍືນຍົງ; ຫັນການຂົນສົ່ງໃນ ສປປ ລາວ ສູ່ການຂົນສົ່ງແບບເຊື່ອມສານ ຫຼື ຫຼາຍຮູບແບບ ໂດຍແນໃສ່ການເຊື່ອມໂຍງ - ເຊື່ອມຈອດກັບພາກພື້ນ ແລະ ສາກົນ, ສາມາດສະໜອງການຂົນສົ່ງທັງສິນຄ້າ ແລະ ໂດຍສານໄດ້ຢ່າງໂລ່ງລຽນ ສະໜັບສະໜູນໃນການພັດທະນາເສດຖະກິດ-ສັງຄົມຕາມນະໂຍບາຍຫັນປະເທດທີ່ບໍ່ມີຊາຍແດນຕິດກັບທະເລໃຫ້ກາຍເປັນສູນກາງການບໍລິການດ້ານຄົມມະນາຄົມຂົນສົ່ງຂອງພາກພື້ນ, ສົ່ງເສີມການເຊື່ອມຈອດການຂົນສົ່ງຫຼາຍຮູບແບບໂດຍການປັບປຸງປະສິດທິພາບການບໍລິການ (ທັງດ້ານຂົນສົ່ງສິນຄ້າ ແລະ ໂດຍສານ) ໃຫ້ມີຄຸນນະພາບ, ປອດໄພ, ເປັນທັນສະໄໝ ແລະ ເປັນມິດກັບສິ່ງແວດລ້ອມ, ປັບປຸງການບໍລິການຮອບດ້ານ ໂດຍສະເພາະການບໍລິການທາງຜ່ານໃຫ້ໄດ້ທັງດ້ານປະລິມານ ແລະ ຄຸນນະພາບ; ປັບປຸງ ແລະ ຍົກລະດັບໂຄງລ່າງພື້ນຖານດ້ານການຂົນສົ່ງ-ເຂດໂລຈິສຕິກ ແລະ ສິ່ງອໍານວຍຄວາມສະດວກຕາມດ່ານຊາຍແດນສາກົນ ເພື່ອສົ່ງເສີມການຂົນສົ່ງຜ່ານແດນໃຫ້ສະດວກວອງໄວ; ພັດທະນາການບໍລິຫານ-ຄຸ້ມຄອງລັດຂອງຂະແໜງ ຍທຂ (ທັງສູນການ ແລະ ທ້ອງຖິ່ນ) ໃຫ້ເປັນມືອາຊີບ, ຫັນເປັນທັນສະໄໝ, ເປັນເຈົ້າຕົນເອງໃນການບໍ່ສ້າງໜີ້ສິນ, ເຂັ້ມງວດວິໄນແຜນການ-ການເງິນ, ມີຄວາມໂປ່ງໃສ ແລະ ສາມາດກວດສອບໄດ້; ເພີ່ມທະວີປະສິດທິພາບ-ປະສິດທິຜົນຂອງວຽກງານບໍລິຫານ-ຄຸ້ມຄອງລັດ ໂດຍການຍົກສູງຄຸນນະພາບ ແລະ ເພີ່ມຂີດຄວາມສາມາດຂອງບຸກຄະລາກອນຂະແໜງໂຍທາທິການ ແລະ ຂົນສົ່ງ ເພື່ອຕອບສະ ໜອງຄວາມຮຽກຮ້ອງຕ້ອງການຂອງວຽກງານໃນເງື່ອນໄຂໃໝ່; ພັດທະນາຫຼັກສູດ ແລະ ເຕັກໂນໂລຊີ ເພື່ອຮັບໃຊ້ວຽກງານຂະແໜງໂຍທາທິການ ແລະ ຂົນສົ່ງພ້ອມກັບຍົກສູງພາລະບົດບາດຂອງສະພາສະຖາປະນິກ ແລະ ວິສະວະກອນໂຍທາລາວ; ປັບປຸງກົນໄກໃນການບໍລິຫານ - ຄຸ້ມຄອງລັດໃຫ້ຄ່ອງຕົວ ແລະ ມີປະສິດທິຜົນ ໂດຍການຫັນເປັນທັນສະ ໄໝ, ວ່ອງໄວ, ໂປ່ງໄສ ແລະ ລວມສູນ; ເອົາໃຈໃສ່ດຸ່ນດ່ຽງທາງດ້ານມະຫາພາກຂອງຂະແໜງໂຍທາທິການ ແລະ ຂົນສົ່ງ ເປັນຕົ້ນດຸ່ນດ່ຽງການສະໜອງ ແລະ ຄວາມຕ້ອງການ, ດຸ່ນດ່ຽງການຈັດສັນງົບປະມານເຂົ້າໃນວຽກງານຂະແໜງການພາຍໃນເພື່ອເຮັດໃຫ້ການພັດທະນາມີຄວາມສົມດູນ ແລະ ມີປະສິດທິຜົນສູງສຸດ; ສືບຕໍ່ຮ່ວມມືກັບບັນດາປະເທດເພື່ອນມິດຍຸດທະສາດ, ບັນດາຄູ່ຮ່ວມພັດທະນາ, ພາກເອກະຊົນພາຍໃນ ແລະ ຕ່າງປະເທດຢ່າງມີຈຸດສຸມ - ເລືອກເຟັ້ນ ເພື່ອລະດົມຂົນຂວາຍແຫຼ່ງທຶນເຂົ້າໃນການພັດທະນາໂຄງລ່າງພື້ນຖານໂຍທາທິການ ແລະ ຂົນສົ່ງ ເພື່ອເຮັດໃຫ້ເສດຖະກິດຂະຫຍາຍຕົວເປັນວົງກວ້າງ, ໃຫ້ຜົນຕອບແທນສູງໃນໄລຍະສັ້ນ ແລະ ຄຸ້ມຄ່າຕໍ່ການລົງທຶນ; ເພີ່ມທະວີການລະດົມຂົນຂວາຍແຫຼ່ງທຶນຈາກຕ່າງປະເທດໃນຂອບສອງຝ່າຍ, ຫຼາຍຝ່າຍ ແລະ ຂອບການຮ່ວມມືທາງເສດຖະກິດ; ເພີ່ມທະວີບົດບາດຂອງຂະແໜງໂຍທາທິການ ແລະ ຂົນສົ່ງໃນການດຶງດູດການລົງທຶນຂອງພາກເອກະຊົນເຂົ້າໃນການພັດທະນາຂະແໜງໂຍທາທິການ ແລະ ຂົນສົ່ງແບບຍືນຍົງ; ເອົາໃຈໃສ່ຂຸດຄົ້ນ ແລະ ຄຸ້ມຄອງແຫຼ່ງລາຍຮັບພາຍໃນຢ່າງວິທະຍາສາດ ແລະ ມີຈຸດສຸມເພື່ອນໍາໃຊ້ເຂົ້າໃນການພັດທະນາຂະແໜງໂຍທາທິການ ແລະ ຂົນສົ່ງໃຫ້ໄດ້ປະສິດທິຜົນສູງ.
ທ່ານໄດ້ລາຍງານຕື່ມວ່າ: ສຳລັບກົນໄກໃນການຈັດຕັ້ງປະຕິບັດແຜນພັດທະນາ 5 ປີ (2026-2030) ທຸກພາກສ່ວນຕ້ອງເອົາໃຈໃສ່ຈັດຕັ້ງປະຕິບັດ, ຕິດຕາມຄວາມຄືບໜ້າແລະ ປະເມີນຜົນການຈັດຕັ້ງປະຕິບັດບັນດາແຜນງານ ແລະ ແຜນວຽກຈຸດສຸມຂອງຕົນພ້ອມທັງລາຍງານຕໍ່ການນໍາກະຊວງຢ່າງເປັນປົກກະຕິ ແລະ ເປັນລະບົບ, ກໍລະນີມີບັນຫາໃດໃໝ່ເກີດຂຶ້ນໃນລະຫວ່າງຈັດຕັ້ງປະຕິບັດຕ້ອງສະເໜີປັບປຸງໃຫ້ຖືກຕ້ອງ ແລະ ສອດຄ່ອງກັບສະພາບການໃໝ່ດັ່ງກ່າວ, ຕໍ່ກັບການຄຸ້ມຄອງລະບົບຕິດຕາມ ແລະ ປະເມີນຜົນ, ຕ້ອງມີການຕິດຕາມ ແລະ ດັດປັບຕົວຊີ້ບອກ, ຂໍ້ມູນປີຖານ ແລະ ຄາດໝາຍຂອງແຜນການ 5 ປີເປັນປະຈໍາແຕ່ລະໄລຍະຕາມສະພາບການຕົວຈິງ ຫຼື ອີງໃສ່ຜົນຂອງການປະເມີນຄວາມຄືບໜ້າແຕ່ລະໄລຍະ; ລະບົບຕິດຕາມ ແລະ ການປະເມີນຜົນດັ່ງກ່າວຕ້ອງໃຫ້ແທດເໝາະກັບສະພາບການຕົວຈິງ, ມີຂໍ້ມູນປີຖານ ແລະ ຄາດໝາຍທີ່ຖືກຕ້ອງຕາມຕົວຈິງ, ມີແຫຼ່ງຂໍ້ມູນທີ່ສາມາດກວດສອບໄດ້; ມອບໃຫ້ຄະນະກວດກາຂັ້ນກະຊວງ, ກົມກວດກາ, ພະແນກກວດກາຂອງກົມກອງ, ຂະແໜງກວດກາຂອງພະແນກໂຍທາທິການ ແລະ ຂົນສົ່ງປະຈຳແຂວງ, ນະຄອນຫຼວງ, ໜ່ວຍງານກວດກາຂອງບັນດາບໍລິສັດລັດວິສາຫະກິດ ແລະ ວິສາຫະກິດ ຕິດຕາມກວດກາ ແລະ ປະເມີນຜົນການຈັດຕັ້ງປະຕິບັດແຜນການ 5 ປີຂອງພາກສ່ວນຕົນເປັນແຕ່ໄລຍະຕາມພາລະບົດບາດຢ່າງຕັ້ງໜ້າແລະ ທັນການ.
ຄໍາເຫັນ