ໂດຍມີ ທ່ານ ຄໍາໄຫຼ ສີປະເສີດ ຮອງປະທານສູນກາງແນວລາວສ້າງຊາດ, ທ່ານ ບຸນເຫຼືອ ສິນໄຊວໍຣະວົງ ຮອງເຈົ້າແຂວງຫຼວງພະບາງ ພ້ອມດ້ວຍການນໍາຂອງແຂວງ, ນະຄອນ ຕະຫລອດຮອດມວນຊົນ ທັງພາຍໃນ ແລະຕ່າງປະເທດ ຮ່ວມໃສ່ບາດຢ່າງຫຼວງຫຼາຍ.
ການໃສ່ບາດແມ່ນໜຶ່ງໃນກິດຈະກໍາ ການສະເຫຼີມສະຫຼອງບຸນປີໃໝ່ຂອງຊາວລາວ ກໍຄືຊາວຫຼວງພະບາງ ໃນທຸກປີ ເພື່ອອຸທິດບຸນກຸສົນ ໃຫ້ກັບບັນພະບູລຸດ ກໍຄືບັນດາຜູ້ນຳ ທີ່ແສນເຄົາຮັກຂອງປວງຊົນລາວທັງຊາດທີ່ລ່ວງລັບໄປແລ້ວ, ທັງເຮັດໃຫ້ຕົນເອງໄດ້ຮັບໂຊກລາບ ແລະຮັບເອົາສິ່ງທີ່ດີ ມາສູ່ຕົນເອງ ແລະບ້ານເມືອງ, ເປັນການອານຸລັກປົກປັກຮັກສາ ແລະເສີມຂະຫຍາຍ ວັດທະນະທຳ-ຮີດຄອງປະເພນີອັນດີງາມຂອງຊາດ ເວົ້າສະເພາະກໍຄືຂອງຊາວຫຼວງພະບາງ ໄວ້ໃຫ້ຍືນຍົງຕະຫຼອດໄປ ແລະຕິດພັນກັບການສົ່ງເສີມ ການທ່ອງທ່ຽວທາງດ້ານວັດທະນະທຳ. ນອກຈາກການໃສ່ບາດຢູ່ໜ້າວັດແສນແລ້ວ ຢູ່ຕາມວັດວາອາຣາມທົ່ວແຂວງ ແລະພະທາດພູສີ ກໍໄດ້ມີກິດຈະກໍາໃສ່ບາດເຊັ່ນດຽວກັນ, ພ້ອມນັ້ນ ປະຊາຊົນຊາວພຸດ ຫຼາຍຄອບຄົວ ຕ່າງກໍພາກັນກະກຽມ ແລະບູຊາເຮືອນ-ທີ່ຢູ່ອາໄສ, ທັງຈັດພິທີບາສີສູ່ຂັວນ ອວຍພອນເຊິ່ງກັນ ແລະກັນ ເພື່ອປັດເປົ່າສີ່ງບໍ່ດີ ແລະເອົາແຕ່ສິ່ງດີໆ ເຂົ້າມາໃນປີໃໝ່.
(ຂ່າວ: ເພັດສາຄອນ ສິມມະວົງ)
ຄໍາເຫັນ