 |
ໂດຍສະເພາະການຮ່ວມມືລະຫວ່າງ ກົງສູນໃຫຍ່ ສປ ຈີນ ປະຈຳພາກເໜືອ ແຂວງຫຼວງພະບາງ ແລະຄະນະພັກ-ອົງການປົກຄອງແຂວງຫຼວງພະບາງ ທີ່ໄດ້ມີການແລກປ່ຽນການຮ່ວມມື ແລະອຳນວຍຄວາມສະດວກ ໃນການປະສານງານວຽກງານຮ່ວມກັນມາໂດຍຕະຫຼອດ.ພິເສດປີ 2025 ຜ່ານມາ ກົງສູນໃຫຍ່ ສປ ຈີນ ປະຈຳພາກເໜືອ ໄດ້ປະກອບສ່ວນເຮັດໃຫ້ ການກະກຽມ ແລະສະເຫຼີມສະຫຼອງສາມວັນປະຫວັດສາດສຳຄັນຂອງພັກ-ຂອງຊາດ ທີ່ ສປປ ລາວ ກໍຄືແຂວງຫຼວງພະບາງ ຈັດຂຶ້ນເປັນຢ່າງດີ, ທັງມີການປະສານງານ ແລະອຳນວຍຄວາມສະດວກໃຫ້ແກ່ບັນດາແຂວງ ແລະນະຄອນຂອງ ສປ ຈີນ ໄດ້ມີການໄປມາ-ແລກປ່ຽນບົດຮຽນຮ່ວມກັນຢ່າງເລິກເຊີ່ງກວ່າເກົ່າ. ພ້ອມທັງອວຍພອນໄຊອັນປະເສີດແດ່ທ່ານກົງສູນ ພ້ອມຄະນະ ແລະອວຍພອນຜ່ານທ່ານກົງສູນ ໄປຍັງປະຊາຊົນຊາວຈີນທຸກຖ້ວນໜ້າ ຈົ່ງມີສຸຂະພາບແຂງແຮງ ສືບຕໍ່ໃນການເສີມຂະຫຍາຍສາຍພົວພັນຮ່ວມມື ທີ່ດີລະຫວ່າງສອງຊາດ ຕາມທິດ 4 ດີ, ທີ່ສອງພັກ-ສອງລັດຖະບານ ໄດ້ຕົກລົງຮ່ວມກັນໃຫ້ເລິກເຊີ່ງ ກວ້າງຂວາງ ແລະມີຄວາມຍືນຍົງ.
ທ່ານ ຈາງ ເສີ້ ພີງ ໄດ້ສະແດງຄວາມຂອບໃຈທີ່ ທ່ານຮອງເລຂາບໍລິຫານງານພັກແຂວງຫຼວງພະບາງ ພ້ອມດ້ວຍຄະນະ ໄດ້ເຂົ້າມາອວຍພອນໃນຄັ້ງນີ້,ຊຶ່ງສະແດງໃຫ້ເຫັນເຖິງຄວາມມີໄມຕີຈິດ ມິດຕະພາບທີ່ມີຄວາມໝັ້ນຄົງຍາວນານ, ທ່ານກ່າວຕື່ມວ່າ: ປີ 2025 ຜ່ານມາ ເປັນປີທີ່ສອງປະເທດ ລາວ ແລະຈີນ ມີຜົນສຳເລັດການພົວພັນຮ່ວມມືທຫຼາຍດ້ານ.ສະເພາະປີນີ້, ກົງສູນໃຫຍ່ ສປ ຈີນ ປະຈຳພາກເໜືອ ໄດ້ສຳເລັດກິດຈະກຳຮ່ວມກັບອົງການປົກຄອງແຂວງຈໍານວນໜຶ່ງ ແລະຈະສືບຕໍ່ຈັດອີກຫຼາຍກິດຈະກຳ ເພື່ອປຸກລະດົມໃຫ້ທົ່ວສັງຄົມ ຮັບຮູ້ເຖີງມູນເຊື້ອການຮ່ວມມືຂອງສອງຊາດລາວ-ຈີນ, ຈີນ-ລາວ ໃຫ້ເລິກເຊີ່ງ ກວ້າງຂວາງ.
(ຂ່າວ-ພາບ: ອາພຸດເດດ ບຸບຜາ)
ຄໍາເຫັນ