ການນຳແຂວງສະຫວັນນະເຂດ ລົງຕິດຕາມແກ້ໄຂສະພາບການເຊາະເຈື່ອນຂອງຕາຝັ່ງເຊໂຈນ

ສຳລັບບໍລິເວນທີ່ຖືກຜົນກະທົບນ້ຳເຊາະເຈື່ອນແມ່ນຢູ່ເຂດຂອງຄັນຄູຝາຍນ້ຳລົ້ນເຊໂຈນ ທີ່ຕັ້ງຢູ່ເຂດບ້ານພີນ.ສາເຫດເກີດຈາກກັນເຈື່ອນທີ່ກໍ່ສ້າງແມ່ນນຳໃຊ້ມາເປັນເວລາຫຼາຍປີ ບວກກັບລະດັບນ້ຳຂຶ້ນສູງ ຈຶ່ງເຮັດໃຫ້ມີການເປ້ເພ ແລະເຮັດໃຫ້ນ້ຳໄຫຼເຊາະເຈື່ອນເອົາຕາຝັ່ງ ແລ້ວລາມເຂົ້າໄປຫາເຮືອນປະຊາຊົນ, ມີຄວາມຍາວຂອງຕາຝັ່ງທີ່ຖືກເຊາະເຈື່ອນປະມານ 20 ແມັດ, ຊຶ່ງການນຳແຂວງ ກໍໄດ້ມີຄວາມເປັນຫ່ວງເປັນໄຍ ແລະມີການປຶກສາຫາລືກັບພາກສ່ວນກ່ຽວຂ້ອງ ເພື່ອໃຫ້ເລັ່ງແກ້ໄຂໂດຍດ່ວນ. ມາຮອດປັດຈຸບັນການນຳຂອງແຂວງ ແລະເມືອງ ໄດ້ເຫັນດີເປັນເອກະພາບກັນໃຫ້ບໍລິສັດວຽງສີວິໄລກໍ່່ສ້າງຂົວ-ທາງ ຮັບເໝົາສ້ອມແປງ, ຊຶ່ງຄາດວ່າຈະໃຊ້ງົບປະມານ 700 ລ້ານກວ່າກີບ, ໂດຍຈະໄດ້ລົງມືຈັດຕັ້ງປະຕິບັດໃນໄວໆນີ້ ເພື່ອເປັນການແກ້ໄຂຊີວິດການເປັນຢູ່ຂອງປະຊາຊົນໃນເຂດດັ່ງກ່າວ.

(ແຫຼ່ງຂ່າວ: ແຂວງສະຫວັນນະເຂດ)