ການນໍາແຂວງວຽງຈັນ ແລະ ແຂວງເເລີຍ ພົບປະສອງຝ່າຍ

13:27 09/09/2025

ໃນວັນທີ 8 ກັນຍາຜ່ານມານີ້, ທ່ານ ດາວເຮືອງ ນັນທາວົງ ຮອງເຈົ້າແຂວງວຽງຈັນ ສປປ ລາວ ໄດ້ ຕ້ອນຄະນະຮັບຜິດຊອບອົງການພັດທະນາພື້ນທີ່ພິເສດເພື່ອການທ່ອງທ່ຽວຢ່າງຢັ້ງຢືນ ແຂວງເລີຍ ປະເທດໄທ, ໃນໂອກາດ ທີ່ເດີນທາງມາເຮັດວຽກ ຮ່ວມກັບ ພະແນກວັດທະນະທໍາ ແລະ ການທ່ອງທ່ຽວແຂວງວຽງຈັນ ຊຶ່ງນຳພາໂດຍ ທ່ານ ປະຢູນ ອະຣັນຣຸດ ຮອງເຈົ້າແຂວງໆເລີຍ ລາຊາອານາຈັກໄທ ພ້ອມດ້ວຍຄະນະທັງ 2 ຝ່າຍເຂົ້າຮ່ວມ.

ການນາແຂວງວຽງຈນ ແລະ ແຂວງເເລຍ ພບປະສອງຝາຍ - image 1

ທ່ານ ປະຢູນ ອະຣັນຣຸດ ກ່າວວ່າ: ສຳນັກງານພື້ນທີ່ພິເສດເພື່ອການທ່ອງທ່ຽວຢ່າງຢັ້ງຢືນ ແຂວງເລີຍ ຮ່ວມກັບ ພະແນກ ວັດທະນະທຳ ແລະ ການທ່ອງທ່ຽວແຂວງວຽງຈັນ ແລະ ພາກສ່ວນກ່ຽວຂ້ອງ ມີແຜນຈະລົງມາສໍາຫຼວດຂໍ້ມູນເສັ້ນທາງ ແລະ ຜະລິດຕະພັນການທ່ອງທ່ຽວ ເພື່ອສ້າງລາຍການທ່ອງທ່ຽວ, ຈັດກອງປະຊຸມເຄືອຂ່າຍດ້ານການທ່ອງທ່ຽວ ເພື່ອປຶກສາຫາລືເອກະພາບການກຳນົດເສັ້ນທາງທ່ອງທ່ຽວຕາມແຄມແມ່ນໍ້າຂອງ ຢູ່ແຂວງວຽງຈັນ ສປປ ລາວ ໃນລະຫວ່າງ ວັນທີ 8-10 ກັນຍາ 2025 ພາຍໃຕ້ກິດຈະກຳການຮ່ວມມືດ້ານການພັດທະນາການທ່ອງທ່ຽວ ຊຶ່ງນິເວດເຊື່ອມໂຍງສອງຝັ່ງແມ່ນໍ້າຂອງ ລາວ-ໄທ ຄັ້ງທີ 2 ໂດຍມີຈຸດປະສົງເພື່ອພັດທະນາເສັ້ນທາງທ່ອງທ່ຽວທາງບົກ ແລະ ທາງນໍ້າ ໃນແຕ່ລະໄລຍະຂອງປີ ຢູ່ບັນດາແຂວງຕາມລໍາແມ່ນໍ້າຂອງ. ເພຶ່ອກະກຽມຄວາມພ້ອມໃນການພັດທະນາແຫຼ່ງທ່ອງທ່ຽວ ແລະ ກິດຈະກໍາການທ່ອງທ່ຽວຂອງຊຸມຊົນຕາມລໍາແມ່ນໍ້າຂອງ ໃຫ້ມີຄວາມສາມາດໃນການຮອງຮັບນັກທ່ອງທ່ຽວ. ເພຶ່ອພັດທະນາທ່າແຮງບຸກຄະລາກອນທ່ອງທ່ຽວບັນດາແຂວງຢູ່ຕາມແຄມແມ່ນ້ຳຂອງ ໃຫ້ມີຄວາມເຂັ້ມແຂງເພື່ອຮອງຮັບນັກທ່ອງທ່ຽວ. ເພຶ່ອສົ່ງເສີມ ແລະ ປູກຈິດສໍານຶກ ເສັ້ນທາງການທ່ອງທ່ຽວແມ່ນໍ້າຂອງ ລະຫວ່າງ ລາວ-ໄທ ທັງໃນລະດັບຊາດ ແລະ ສາກົນ.

ໃນວັນທີ 9 ກັນຍານີ້, ຄະນະຜູ້ແທນທັງ 2 ຝ່າຍ ໄດ້ລົງສໍາຫຼວດເກັບກໍາຂໍ້ມູນຜະລິດຕະພັນການທ່ອງທ່ຽວ ຢູ່ສະຖານທີ່ທ່ອງທ່ຽວຖ້ຳປູຄຳ (ບູລາກຸນ 1) ບ້ານນາທອງ, ນໍ້າຕົກຕາດແກ້ງຍຸຍ ບ້ານນາດ້ວງ ເມືອງວັງວຽງ ແລະ ວັນທີ 10 ກັນຍາ 2025 ຈະໄດ້ລົງສຳຫຼວດເກັບກໍາຂໍ້ມູນ ຜະລິດຕະພັນການທ່ອງທ່ຽວ ຢູ່ສະຖານທີ່ທ່ອງທ່ຽວບ້ານສາມໝື່ນ, ເຮືອນແພແຄມນໍ້າລີກ ແລະ ວັດສິນໄຊຍະຣາມ ບ້ານໂນນຫີນແຮ່ ເມືອງເຟືອງ.

(ພາບ-ຂ່າວ: ບຸນມາ ແກ້ວບຸດດາ)

ຄໍາເຫັນ

ຂ່າວວັດທະນະທຳ-ສັງຄົມ

ສະຫຼອງ15 ປີ ວັນສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ

09/09/2025 19:29

ກະຊວງການຕ່າງປະເທດ ໃນນາມປະທານ ຄະນະກໍາມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ (ຄຊກລ) ຮ່ວມກັບ ອົງການ ສະຫະປະຊາຊາດ ເພື່ອການພັດທະນາ ໄດ້ຈັດພິທີສະເຫຼີມສະຫຼອງຄົບຮອບ 15 ປີ ວັນມີຜົນບັງຄັບໃຊ້ສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ ພາຍໃຕ້ຫົວຂໍ້: “ຜົນທະທົບຕໍ່ມະນຸດ ແລະ ສິ່ງທ້າທາຍຈາກລະເບີດບໍ່ທັນແຕກທີ່ຍັງຕົກຄ້າງ” ໃນວັນທີ 8 ກັນຍານິ້ ທີ່ສະໂມສອນຄະນະເສດຖະສາດ ເເລະ ບໍລິຫານທຸລະກິດ, ມະຫາວິທະຍາໄລເເຫ່ງຊາດ.

ປະກາດນາຍທະຫານຂັ້ນສູງພັກການກຽມຮັບບຳນານ

09/09/2025 13:15

ພິທີປະກາດອະນຸມັດໃຫ້ນາຍທະຫານຂັ້ນສູງພັກການກຽມຮັບບຳນານຈັດຂຶ້ນໃນວັນທີ 8 ກັນຍາ ຜ່ານມາ ທີ່ກະ ຊວງປ້ອງກັນປະເທດ ໂດຍການເປັນປະທານຂອງສະຫາຍ ພົນໂທ ຄຳລຽງ ອຸທະໄກສອນ ກຳມະການສູນກາງພັກ ລັດຖະມັນຕີກະຊວງປ້ອງກັນປະເທດ, ມີບັນດາສະຫາຍກຳມະການສູນກາງພັກ, ຄະນະພັກ-ຄະນະນຳກະຊວງປ້ອງກັນປະເທດ, ຜູ້ຕາງໜ້າຄະນະຈັດຕັ້ງສູນກາງພັກ, ຄະນະນຳບັນດາກົມໃຫຍ່, ຫ້ອງວ່າການກະຊວງປ້ອງກັນປະເທດ, ການນຳຂັ້ນສູງ, ນາຍທະຫານຂັ້ນສູງຜູ້ໄດ້ຮັບອະນຸມັດພັກການກຽມຮັບບຳນານ, ຜູ້ຕາງໜ້າພາກສ່ວນຕ່າງໆ ແລະ ກົມກອງອ້ອມຂ້າງກະຊວງປ້ອງກັນປະເທດເຂົ້າຮ່ວມ.

ກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ IX

09/09/2025 13:06

ກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ IX ເປີດຂຶ້ນຢ່າງເປັນທາງການໃນວັນທີ 9 ກັນຍານີ້ ທີ່ຫໍປະຊຸມແຫ່ງຊາດ ພາຍໃຕ້ການເປັນປະທານຂອງທ່ານນາງ ອາລີ ວົງໜໍ່ບຸນທໍາ ກໍາມະການສູນກາງພັກ ປະ ທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ) ເປັນກຽດເຂົ້າຮ່ວມຂອງທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດແຫ່ງ ສປປ ລາວ, ທ່ານນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ, ມີບັນດາການນໍາພັກ-ລັດ ພ້ອມດ້ວຍແຂກຖືກເຊີນກ່ຽວຂ້ອງເຂົ້າຮ່ວມ.

ເຮືອນັນຕະໄຊ ຈາກແຂວງສະຫວັນນະເຂດ ປ້ອງກັນແຊ້ມໄດ້ຕໍ່ເນື່ອງໃນງານບຸນຊ່ວງເຮືອ ປະຈຳປີ 2025 ທີ່ເມືອງສາລະວັນ

08/09/2025 18:48

ງານບຸນຊ່ວງເຮືອ ປະຈໍາປີ 2025 ທີ່ເມືອງສາລະວັນ ໄດ້ຈັດຂຶ້ນໃນລະຫວ່າງວັນທີ 6-7 ກັນຍານີ້, ເປັນການແຂ່ງຂັນແບບເປີດກວ້າງ ມີເຮືອເຂົ້າຮ່ວມທັງພາຍໃນ ແລະ ຕ່າງເມືອງ, ຕ່າງແຂວງ, ມີທັງໝົດ 39 ລຳ, 64 ຄະນະ, ແບ່ງອອກເປັນ 2 ສາຍຄື: ເຮືອປະເພນີພາຍໃນເມືອງມີ: ເຮືອ 12 ສີພາຍ (ຊາຍ-ຍິງ) ແລະ 25-29 ສີພາຍ (ຊາຍ-ຍິງ), ສາຍເປີດກ້ວາງຕ່າງເມືອງພາຍໃນແຂວງ, ຕ່າງແຂວງ ແລະ ຕ່າງປະເທດມີ: ເຮືອ 12 ສີພາຍ (ຊາຍ-ຍິງ), 25-29 ສີພາຍ (ຊາຍ-ຍິງ) ແລະ ຮຸ່ນ 35 ສີພາຍຊາຍ. ໃນປີນີ້, ໄດ້ວາງເງິນລາງວັນສູງເຖີງ 300 ລ້ານກວ່າກີບ.

ບໍລີສັດ ຢຸນນານ ຈົງເຊິນມ່າຍນິ້ງລາວ ຈຳກັດຜູ້ດ່ຽວ ມອບເງິນຊ່ວຍເຫຼືອໃຫ້ແຂວງຜົ້ງສາລີ.

08/09/2025 18:45

ໃນວັນທີ 6 ກັນຍາຜ່ານມາ, ບໍລິສັດ ຢຸນນານ ຈົງເຊິນ ມ່າຍນິ້ງລາວ ຈຳກັດຜູ້ດ່ຽວ ໄດ້ນໍາເອົາເງິນຈຳນວນ 300.000.000 ກີບ ມາມອບໃຫ້ແຂວງຜົ້ງສາລີເພື່ອປະກອບສ່ວນສະໜັບສະໜູນເຂົ້າໃນການກະກຽມກອງປະຊຸມໃຫຍ່ຂອງອົງຄະນະພັກແຂວງຜົ້ງສາລີ ຄັ້ງທີ Xll ທີຈະເປີດຂຶ້ນ ໃນທ້າຍເດືອນກັນຍານີ້

ຄະນະຜູ້ແທນແມ່ຍິງລາວ ວາງພວງມາລາຕ້ອນຮັບກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ IX

08/09/2025 12:39

ຂປລ. ໃນຕອນເຊົ້າວັນທີ 8 ກັນຍາ ນີ້, ຄະນະຜູ້ແທນທີ່ຈະເຂົ້າຮ່ວມກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ IX ທີ່ຈະຈັດຂຶ້ນໃນລະຫວ່າງວັນທີ 8-10 ກັນຍາ 2025 ໄດ້ເຂົ້າວາງພວງມະລາ ຢູ່ອະນຸສາວະລີນັກຮົບນິລະນາມ (ດາວແດງ) ແລະ ວາງກະຕ່າດອກໄມ້ ຢູ່ຫໍພິພິທະພັນ ປະທານ ໄກສອນ ພົມວິຫານ ແລະ ຢູ່ອະນຸສອນສະຖານປະທານ ສຸພານຸວົງ ຊຶ່ງນຳໂດຍ ທ່ານ ນາງ ອາລີ ວົງໜໍ່ບຸນທໍາ ປະທານຄະນະບໍລິຫານງານສູນກາງສະຫະພັນແມ່ຍິງລາວ ພ້ອມຄະນະ.

ສະເຫຼີມສະຫຼອງ ວັນສາກົນແຫ່ງການຮູ້ໜັງສື ຄົບຮອບ 59 ປີ

08/09/2025 12:01

ພິທີສະເຫຼີມສະຫຼອງວັນສາກົນແຫ່ງການຮູ້ໜັງສືຄົບຮອບ 59 ປີ (8 ກັນຍາ 1966 – 8 ກັນຍາ 2025) ໄດ້ຈັດຂຶ້ນໃນວັນທີ 8 ກັນຍານີ້ ທີ່ສູນພັດທະນາການສຶກສານອກໂຮງຮຽນ, ໂດຍໃຫ້ກຽດເຂົ້າ ຮ່ວມຂອງ ທ່ານ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ, ມີຜູ້ບໍລິຫານການສຶກສາ, ວິທະຍາສາດ ແລະ ກິລາ ແລະ ພາກສ່ວນກ່ຽວຂ້ອງເຂົ້າຮ່ວມ

ກຸ່ມລົດວິບາກເມືອງປາກລາຍ ມອບອຸປະກອນການສຶກສາ-ກິລາໃຫ້ໂຮງຮຽນປະຖົມນາຄານ

08/09/2025 11:54

ກຸ່ມສະມາຄົມລົດວິບາກ ເມືອງປາກລາຍ ແຂວງໄຊຍະບູລີ ໄດ້ສົມທົບກັບ ອົງການປົກຄອງເມືອງ ນຳເອົາເຄື່ອງຊ່ວຍເຫຼືອປະເພດອຸປະກອນການສຶກສາເຊັ່ນ: ປຶ້ມແບບຮຽນ, ເຄື່ອງກິລາ, ຊຸດນັກຮຽນ, ເຂົ້າໜົມ ພ້ອມດວ້ຍເງິນສົດຈາກກຸ່ມລົດວິບາກ ເມືອງແກ່ທ້າວຈໍານວນ 3 ລ້ານກີບ ມອບໃຫ້ກັບນ້ອງໆນັກຮຽນດຄູອາຈານ ໂຮງຮຽນປະຖົມສົມບູນນາຄານ ລວມມູນຄ່າ 10 ລ້ານກວ່າກີບ. ພ້ອມດຽວກັນນີ້ ກໍຍັງມີອົງການປົກຄອງເມືອງ ຮວ່ມກັບ ຫ້ອງການສຶກສາທິການ ແລະ ກິລາເມືອງ ໄດ້ມອບຄອມພິວເຕີ້ 1ຊຸດໃຫ້ໂຮງຮຽນດັ່ງກ່າວ ມູນຄ່າ 3,500,000 ກີບ, ຕາງໜ້າກ່າວມອບໂດຍ ທ່ານ ສີວິໄລ ສຸນາເຄນປະທານກຸ່ມສະມາຄົມລົດວິບາກ ເມືອງປາກລາຍ ແລະ ຕາງໜ້າກ່າວຮັບໂດຍ ທ່ານ ສະໄໝ ວິໄລພອນ ຜູ້ອຳນວຍການໂຮງຮຽນປະຖົມສົມບູນນາຄານ.

ເມືອງພຽງ ຈັດພິທີປະກາດການສ້າງຕັ້ງສູນບໍລິການຜ່ານປະຕູດຽວ

05/09/2025 13:47

ເມືອງພຽງ ແຂວງໄຊຍະບູລີ ຈັດພິທີປະກາດການສ້າງຕັ້ງສູນບໍລິການຜ່ານປະຕູດຽວຂອງເມືອງຂຶ້ນໃນວັນທີ 5 ກັນຍານີ້ ທີ່ຫ້ອງປະຊຸມຂອງເມືອງໂດຍການເປັນປະທານຂອງທ່ານ ຄໍາພັນ ຄໍາພູບົວ ປະທານຄະນະກໍາມະການປົກຄອງເມືອງພຽງ.

ກະຊວງ ປກສ ປະກາດນາຍຕຳຫຼວດຂັ້ນສູງພັກການ-ຮັບອຸດໜູນບຳນານ ແລະ ແຕ່ງຕັ້ງໃໝ່

03/09/2025 14:27

ພິທີປະກາດອະນຸມັດນາຍຕຳຫຼວດຂັ້ນສູງອອກພັກການ-ຮັບອຸດໜູນບຳນານ ແລະ ແຕ່ງຕັ້ງນາຍຕຳຫຼວດຂັ້ນນຳພາ-ບັນຊາຂອງກະຊວງປ້ອງກັນຄວາມສະຫງົບ (ປກສ) ຈັດຂຶ້ນໃນວັນທີ 2 ກັນຍານີ້ ພາຍໃຕ້ການເປັນ ເປັນປະທານຂອງສະຫາຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງ ປກສ, ມີບັນດາຮອງລັດຖະມົນຕີ, ຄະນະປະຈໍາພັກ-ຄະນະພັກກະຊວງ ພ້ອມດ້ວຍພາກ ສ່ວນກ່ຽວຂ້ອງເຂົ້າຮ່ວມ.

ເພີ່ມເຕີມ