ຊຶ່ງເປັນມື້ສຸດທ້າຍຂອງງານບຸນນະມັດສະການພະທາດໂຜ່ນ, ໂດຍການເຂົ້າຮ່ວມຂອງທ່ານ ທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ ພ້ອມພັນລະຍາ ແລະ ຄະນະ, ມີ ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງ ສະຫວັນນເຂດ ຕະຫຼອດຮອດຊາວສະນິກກະຊົນເຂົ້າຮ່ວມໃສ່ບາດແດ່ພະສົງຈໍານວນ 177 ອົງ.
ການຈັດງານຄັ້ງນີ້, ທຸກໆບ້ານໄດ້ຫ້າງຫາກະກຽມວັດຖຸປັດໄຈໄຊຍະທານໃຫ້ໄດ້ເຂົ້າຈີ່ 4.000 ກ້ອນເພື່ອເປັນການບູຊາພະທາດໂຜ່ນ ຊຶ່ງເປັນສິ່ງສັກສິດຄູ່ບ້ານຄູ່ເມືອງ ທີ່ໄດ້ປະຕິບັດສືບທອດກັນມາແຕ່ບູຮານນະການ. ການຈັດງານດັ່ງກ່າວເພື່ອເປັນການສົມທົບທຶນກໍ່ສ້າງສາລາໂຮງທໍາຫຼັງໃໝ່ ເພື່ອເປັນການລະນຶກເຖິງຄຸນງາມຄວາມດີ ແລະ ອຸທິດບຸນກຸສົນແດ່ພະເຈົ້າແຖ່ນຄຳເຫຼືອງ ຊຶ່ງເປັນອົງສັກສິດທີ່ເປັນທາດມິ່ງເມືອງຂອງຊາວເມືອງໄຊພູທອງກໍຄືຂອງຊາວແຂວງສະຫວັນນເຂດ. ບຸນນະມັດສະການພະທາດໂຜ່ນຖືເປັນບຸນປະເພນີອັນດີງາມຂອງປະຊາຊົນບັນດາເຜົ່າທີ່ສືບທອດປະຕິບັດກັນມາແຕ່ດົນນານນັບວ່າເປັນບຸນປາງໃຫຍ່ທີ່ໄດ້ຈັດຂຶ້ນເປັນປະຈຳໃນທຸກໆປີ, ພາຍໃນງານມີຫຼາຍກິດຈະກຳເຊັ່ນ: ການວາງສະແດງ ແລະ ຂາຍສິນຄ້າຈາກຫົວໜ່ວຍທຸລະກິດເປັນຕົ້ນແມ່ນເຄື່ອງອຸປະໂພກ, ບໍລິໂພກ ແລະ ສິນຄ້າປະເພດອື່ນໆເພື່ອເຮັດໃຫ້ຜູ້ທີ່ມາທ່ຽວຊົມໄດ້ສຳຜັດກັບຜະລິດຕະພັນທີ່ເປັນສີໄມ້ລາຍມີຂອງຄົນລາວ.
(ຂ່າວ-ພາບ: ພັນທະມິດ ວົງສຸທິ)
ຄໍາເຫັນ