ການຜະລິດລະດູແລ້ງຢູ່ແຂວງເຊກອງ ມີເນື້ອທີ່ເພີ່ມຂຶ້ນ

 ການຜະລິດເຂົ້ານາແຊງ, ຊຶ່ງປັກດໍາມາຮອດປັດຈຸບັນ ໄດ້ແລ້ວ 705,28 ເຮັກຕາ ເທົ່າ 69.83% (ແຜນການ 1,101 ເຮັກຕາ); ການປູກພືດສະບຽງອາຫານ ມີເນື້ອທີ່ແຜນການ 1,173 ເຮັກຕາ, ສະມັດຕະພາບ 5.90 ໂຕນຕໍ່ເຮັກຕາ, ຄາດຄະເນຜົນຜະລິດ 6,915 ໂຕນ, ປັດຈຸບັນ ປະຕິບັດໄດ້ 47% ເທົ່າກັບ 551.31 ເຮັກຕາ; ການປູກພືດເປັນສິນຄ້າ ເນື້ອທີ່ແຜນການ 387 ເຮັກຕາ, ສະມັດຕະພາບ 32.8 ໂຕນຕໍ່ເຮັກຕາ, ຄາດຄະເນຜົນຜະລິດ 12,672 ໂຕນ ປະຕິບັດໄດ້ 52% ເທົ່າກັບ 201,24 ເຮັກຕາ; ອັນພົ້ນເດັ່ນ ທົ່ວແຂວງ ມີເນື້ອທີ່ປູກມັນຕົ້ນ ຕາມແຜນ 6,465 ເຮັກຕາ, ສະມັດຕະພາບ 13.63 ໂຕນຕໍ່ເຮັກຕາ, ຜົນຜະລິດ 88,092 ໂຕນ, ປະຕິບັດໄດ້ລື່ນແຜນ 97.34% ເທົ່າກັບເນື້ອທີ່ 12,758 ເຮັກຕາ; ມີເນື້ືອທີ່ປູກກາເຟ ຕາມແຜນການ 11,187 ເຮັກຕາ, ສະມັດຕະພາບ 4.20 ໂຕນຕໍ່ເຮັກຕາ, ຜົນຜະລິດ 55,041 ໂຕນ ແລະ ມີເນື້ອທີ່ປູກໃໝ່ 1,386 ເຮັກຕາ, ທຽບໃສ່ແຜນການລື່ນ 6% ເທົ່າກັບ 12,573 ເຮັກຕາ; ນອກນີ້, ຍັງໄດ້ຊຸກຍູ້ ແລະ ສົ່ງເສີມທາງດ້ານການລ້ຽງສັດແບບເປັນຟາມ. ໃນນັ້ນ, ມີຟາມງົວ 3 ຟາມ, ຟາມໝູ 3 ຟາມ, ຟາມສັດປີກ 3 ຟາມ, ຟາມປາ 7 ຟາມ, ໂດຍຊຸກຍູ້ສົ່ງເສີມໃຫ້ບໍລິສັດ, ຜູ້ປະກອບການປັບປຸງຟາມໝູ, ຂະຫຍາຍຟາມໄກ່ ເຮັດໃຫ້ແຂວງ ສາມາດກຸ້ມຕົນເອງ ແລະ ຫຼຸດຜ່ອນການນໍາເຂົ້າສິນຄ້າປະເພດ: ໄກ່ ແລະ ຊີ້ນໝູ. ພ້ອມທັງຊີ້ນໍາ, ຕິດຕາມ ແລະ ເຝົ້າລະວັງການລະບາດ ຂອງພະຍາດສັດຕາມລະດູການ; ການສະໜອງຊີ້ນ ລວມໃນ 4 ເມືອງ ໄດ້ທັງໝົດ 106,613 ກິໂລກຣາມ. ໃນນັ້ນ, ຊີ້ນຄວາຍ 7,840 ກິໂລກຣາມ, ຊີ້ນງົວ 22,855 ກິໂລກຣາມ, ຊີ້ນໝູ 36,288 ກິໂລກຣາມ, ຊີ້ນແບ້ 1,150 ກິໂລກຣາມ, ສັດປີກ 13,360 ກິໂລກຣາມ, ປາ ແລະ ສັດນໍ້າ 11,970 ກິໂລກຣາມ, ເຄື່ອງທະເລ 3,500 ກິໂລກຣາມ.

ສໍາລັບແຜນການ 3 ເດືອນຕໍ່ໜ້າ (4,5,6) ຈະໄດ້ສືບຕໍ່ຊຸກຍູ້ຂະບວນການເກັບກູ້ຜົນຜະລິດຕາມລະດູ ແລະ ສົ່ງເສີມການຜະລິດໃນລະດູແລ້ງ ຕິດພັນກັບການຜະລິດເປັນສິນຄ້າ ພ້ອມທັງເຝົ້າລະວັງ ແລະ ຕອບຕ້ານການແຜ່ລະບາດຂອງພະຍາດພືດ ແລະ ສັດ ທີ່ອາດຈະເກີດຂຶ້ນໃຫ້ທັນການ.

(ຂ່າວ:ພຸດທະສອນ)