ການທ່ອງທ່ຽວ ຍີ່ປຸ່ນ ສືບຕໍ່ຂະຫຍາຍຕົວເປັນເດືອນທີສອງຕິດຕໍ່ກັນ

ຂ່າວສານຫວຽດນາມລາຍງານວ່າ: ເດືອນເມສາຜ່ານມາ, ຂະແໜງການທ່ອທ່ຽວຍີ່ປຸ່ນ ມີການຟື້ນຟູຢ່າງໜ້າປະທັບໃຈ ໂດຍຍັງສືບຕໍ່ຕ້ອນຮັບນັກທ່ອງທ່ຽວຫຼາຍກວ່າ 3 ລ້ານເທື່ອຄົນຊຶ່ງເປັນເດືອນທີສອງຕິດຕໍ່ກັນຂອງການບັນລຸລະດັບສະຖິຕິນີ້.
ຂ່າວລະບຸວ່າ: ຕາມຂໍ້ມູນຈາກອົງການທ່ອງທ່ຽວແຫ່ງຊາດ ຍີ່ປຸ່ນ (JNTO) ຈຳນວນນັກທ່ອງທ່ຽວຕ່າງປະເທດທີ່ເດີນທາງເຂົ້າມາດິນແດນແຫ່ງດອກສະກຸລະ ໄດ້ບັນລຸ 3,04 ລ້ານເທື່ອຄົນໃນເດືອນເມສາ.
ເຖິງແມ່ນວ່າມີນັກທ່ອງທ່ຽວຫຼຸດລົງເລັກໜ້ອຍ ເມື່ອທຽບໃສ່ກັບເດືອນມີນາ (3,08 ລ້ານເທື່ອຄົນ), ແຕ່ນີ້ສະແດງໃຫ້ເຫັນວ່າ: ຍີ່ປຸ່ນ ຍັງເປັນຈຸດໝາຍປາຍທາງຂອງການທ່ອງທ່ຽວແຖວໜ້າ, ຖືແມ່ນການສ້າງຄວາມສະດວກໃຫ້ກັບທັກສະເພື່ອທຳລາຍສະຖິຕິໃນທຸກປີຂອງຂະແໜງການທ່ອງທ່ຽວໃນປະເທດນີ້.
ເມື່ອທຽບໃສ່ໄລຍະດຽວກັນຂອງປີກາຍ, ຈຳນວນນັກທ່ອງທ່ຽວທີ່ເດີນທາງມາທ່ອງທ່ຽວ ຍີ່ປຸ່ນ ໃນເດືອນເມສາ ເພີ່ມຂຶ້ນ 56% ແລະ ເພີ່ມຂຶ້ນ 4% ເມື່ອທຽບໃສ່ປີ 2019 ຊຶ່ງເປັນໄລຍະກ່ອນເກີດພະຍາດລະບາດ ໂຄວິດ-19 ໄດ້ເຮັດໃຫ້ຂະແໜງການທ່ອງທ່ຽວທົ່ວໂລກຢຸດສະງັກ.
ນັກທ່ອງທ່ຽວທີ່ເດີນທາງມາ ຍີ່ປຸ່ນ ໃນເດືອນເມສາ ສ່ວນຫຼາຍແມ່ນມາຈາກປະເທດ: ຝຣັ່ງ, ອີຕາລີ ແລະ ຕາເວັນອອກກາງ.