ຄະນະຕິດຕາມກວດກາຮ່ວມຂອງ 3 ສະພາແຫ່ງຊາດ(ສພຊ)ກໍາປູເຈຍ, ລາວແລະຫວຽດນາມ (CLV) ປະກອບດ້ວຍທ່ານສຸຍາລາປະທານຄະນະກຳມາທິການການຕ່າງປະເທດ, ການຮ່ວມມືສາກົນ, ສື່ແລະຂໍ້ມູນຂ່າວສານ, ສະພາແຫ່ງຊາດແຫ່ງຣາຊະອານາຈັກກໍາປູເຈຍພ້ອມດ້ວຍຄະນະ; ທ່ານລິນຄໍາດວງສະຫວັນປະທານກໍາມາທິການເສດຖະກິດ, ເຕັກໂນໂລຊີແລະສິ່ງແວດລ້ອມ, ສະພາແຫ່ງຊາດແຫ່ງສປປລາວພ້ອມດ້ວຍຄະນະ ແລະທ່ານຫວູຮາຍຮ່າປະທານກຳມາທິການການຕ່າງປະເທດ, ສະພາແຫ່ງຊາດແຫ່ງສສຫວຽດນາມພ້ອມດ້ວຍຄະນະໄດ້ສືບຕໍ່ເຄື່ອນໄຫວເຮັດວຽກຢູ່ແຂວງຈຳປາສັກສປປລາວໃນວັນທີ 20 ຕຸລາ ຜ່ານມາ, ເພື່ອຕິດຕາມກວດກາສະພາບການ, ຄວາມຄືບໜ້າຂອງການຈັດຕັ້ງປະຕິບັດບັນດາຂໍ້ຕົກລົງແຜນປະຕິບັດງານແລະໂຄງການຮ່ວມມືໃນເຂດສາມຫຼ່ຽມພັດທະນາ; ເປັນກຽດເຂົ້າຮ່ວມ ມີທ່ານ ວິໄລວົງບຸດດາຄຳເລຂາພັກແຂວງເຈົ້າແຂວງຈຳປາສັກ, ທ່ານປະທານສະພາປະຊາຊົນເເຂວງອັດຕະປື,ທ່ານຮອງສະພາປະຊາຊົນແຂວງສາລະວັນ, ຈຳປາສັກ ແລະເຊກອງພ້ອມດ້ວຍພະແນກການທີ່ກ່ຽວຂ້ອງຂອງແຂວງຈຳປາສັກເຂົ້າຮ່ວມ.
ກອງປະຊຸມໄດ້ຮັບຟັງການລາຍງານກ່ຽວກັບສະພາບການຈັດຕັ້ງແລະການເຄື່ອນໄຫວວຽກງານໃນກອບສາມຫຼ່ຽມພັດທະນາ (CLV).ທ່ານລິນຄຳດວງສະຫວັນໃນນາມປະທານກອງປະຊຸມໄດ້ມີຄຳເຫັນສັງລວມການຕິດຕາມກວດກາຮ່ວມຂອງ 3 ສະພາແຫ່ງຊາດກຳປູເຈຍ, ລາວແລະຫວຽດນາມຢູ່ແຂວງ ກອນຕຸມ, ຢາລາຍສສຫວຽດນາມ, ແຂວງຊຽງແຕງຣາຊະອານາຈັກກຳປູເຈຍແລະຈຳປາສັກຂອງສປປລາວ,ໂດຍໄດ້ລົງເລິກແລກປ່ຽນຄຳຄິດຄຳເຫັນແລະປຶກສາຫາລືກ່ຽວກັບການສົ່ງເສີມການຮ່ວມມື ໃນຂົງເຂດການຕ່າງປະເທດ, ເສດຖະກິດ, ວັດທະນະທຳ-ສັງຄົມ ແລະ ປ້ອງກັນຊາດ-ປ້ອງກັນຄວາມສະຫງົບ ໂດຍສະເພາະການກໍ່ສ້າງພື້ນຖານໂຄງລ່າງ, ການເຊື່ອມໂຍງ, ເຊື່ອມຈອດ, ການຄ້າ, ການລົງທຶນ, ການສຶກສາ, ວັດທະນະທຳແລະທ່ອງທ່ຽວ, ການພັດທະນາສືມືແຮງງານ, ຄວາມໝັ້ນຄົງທາງດ້ານສະບຽງອາຫານ, ພະລັງງານ, ການປ່ຽນແປງດິນຟ້າອາກາດ, ການຮ່ວມມືໃນວຽກງານປ້ອງກັນຊາດ-ປ້ອງກັນຄວາມສະຫງົບ, ການຕ້ານແລະສະກັດກັ້ນບັນຫາຢາເສບຕິດ, ການຄ້າມະນຸດ, ການລັກລອບເຂົ້າ-ອອກເມືອງຜິດກົດໝາຍ, ການກໍ່ການຮ້າຍແລະການຕ້ານອາຊະຍາກຳຂ້າມຊາຍແດນທຸກຮູບແບບເພື່ອເຮັດໃຫ້ເຂດສາມຫຼ່ຽມພັດທະນາກຳປູເຈຍ-ລາວ-ຫວຽດນາມມີສັນຕິພາບ, ສະຖຽນລະພາບແລະການພັດທະນາແບບຍືນຍົງ.
ໃນຕອນຄ່ຳຂອງວັນດຽວກັນ ທີ່ໂຮງແຮມຈຳປາສັກແກຣນ ແຂວງຈຳປາສັກ ໄດ້ມີພິທີລົງນາມບົດສະຫຼຸບຜົນຂອງການຕິດຕາມກວດກາຮ່ວມລະຫວ່າງ3 ສະພາແຫ່ງຊາດ ກໍາປູເຈຍ-ລາວ-ຫວຽດນາມ; ຜົນຂອງການຕິດຕາມກວດກາຮ່ວມກັນໃນຄັ້ງນີ້ ຈະນໍາໄປລາຍງານຕໍ່ທ່ານປະທານສະພາແຫ່ງຊາດ ຂອງສາມປະເທດ ເພື່ອນຳໄປສະເໜີຕໍ່ໃຫ້ລັດຖະບານ ແລະ ອົງການປົກຄອງຂັ້ນທ້ອງຖິ່ນ ຂອງສາມປະເທດ ເພື່ອຊອກຫາວິທີທາງ ແລະ ກົນໄກໃນການຮ່ວມມື, ຊ່ວຍເຫຼືອ ແລະ ສະໜັບສະໜູນ ຊຶ່ງກັນ ແລະ ກັນ ໃນການຈັດຕັ້ງປະຕິບັດບັນດາສັນຍາ, ສົນທິສັນຍາ, ນິຕິກຳ ແລະ ບັນດາເອກະສານທີ່ມີຄວາມສຳຄັນ ເປັນຕົ້ນແຜນປະຕິບັດງານ ວ່າດ້ວຍການເຊື່ອມຈອດດ້ານເສດຖະກິດຮອດປີ 2030, ແຜນແມ່ບົດວ່າດ້ວຍການພັດທະນາເສດຖະກິດ-ສັງຄົມ ຮອດປີ 2020 ແລະ ສະບັບປັງປຸງ ຮອດປີ 2030, ແຜນພັດທະນາການທ່ອງທ່ຽວ ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ສຳລັບປີ 2020-2025 ແລະ ວິໄສທັດຮອດປີ 2030 ແລະ ປະກອບເປັນເນື້ອໃນທີ່ສໍາຄັນເຂົ້າໃນກອງປະຊຸມສຸດຍອດລັດຖະສະພາກຳປູເຈຍ-ລາວ-ຫວຽດນາມຄັ້ງທີ1ທີ່ຈະຈັດຂຶ້ນຢູ່ນະຄອນຫຼວງວຽງຈັນ, ສປປລາວ ໃນເດືອນທັນວາ ປີ 2023;ນອກນັ້ນ, ຄະນະຍັງໄດ້ຢ້ຽມຢາມໂຄງການຕ້ານຕາຝັ່ງເຈື່ອນແມ່ນ້ຳຂອງທີ່ໄດ້ຮັບການຊ່ວຍເຫຼືອດ້ານເງິນກູ້ຈາກສເກົາຫຼີ, ຢ້ຽມຢາມຟາມຜັກອໍການິກອາໂກແລະເບິ່ງສະພາບການພັດທະນາເສດຖະກິດ-ສັງຄົມຢູ່ແຂວງຈຳປາສັກ ອີກດ້ວຍ.
(ຂ່າວ-ພາບ: ສພຊ)
ກອງປະຊຸມໄດ້ຮັບຟັງການລາຍງານກ່ຽວກັບສະພາບການຈັດຕັ້ງແລະການເຄື່ອນໄຫວວຽກງານໃນກອບສາມຫຼ່ຽມພັດທະນາ (CLV).ທ່ານລິນຄຳດວງສະຫວັນໃນນາມປະທານກອງປະຊຸມໄດ້ມີຄຳເຫັນສັງລວມການຕິດຕາມກວດກາຮ່ວມຂອງ 3 ສະພາແຫ່ງຊາດກຳປູເຈຍ, ລາວແລະຫວຽດນາມຢູ່ແຂວງ ກອນຕຸມ, ຢາລາຍສສຫວຽດນາມ, ແຂວງຊຽງແຕງຣາຊະອານາຈັກກຳປູເຈຍແລະຈຳປາສັກຂອງສປປລາວ,ໂດຍໄດ້ລົງເລິກແລກປ່ຽນຄຳຄິດຄຳເຫັນແລະປຶກສາຫາລືກ່ຽວກັບການສົ່ງເສີມການຮ່ວມມື ໃນຂົງເຂດການຕ່າງປະເທດ, ເສດຖະກິດ, ວັດທະນະທຳ-ສັງຄົມ ແລະ ປ້ອງກັນຊາດ-ປ້ອງກັນຄວາມສະຫງົບ ໂດຍສະເພາະການກໍ່ສ້າງພື້ນຖານໂຄງລ່າງ, ການເຊື່ອມໂຍງ, ເຊື່ອມຈອດ, ການຄ້າ, ການລົງທຶນ, ການສຶກສາ, ວັດທະນະທຳແລະທ່ອງທ່ຽວ, ການພັດທະນາສືມືແຮງງານ, ຄວາມໝັ້ນຄົງທາງດ້ານສະບຽງອາຫານ, ພະລັງງານ, ການປ່ຽນແປງດິນຟ້າອາກາດ, ການຮ່ວມມືໃນວຽກງານປ້ອງກັນຊາດ-ປ້ອງກັນຄວາມສະຫງົບ, ການຕ້ານແລະສະກັດກັ້ນບັນຫາຢາເສບຕິດ, ການຄ້າມະນຸດ, ການລັກລອບເຂົ້າ-ອອກເມືອງຜິດກົດໝາຍ, ການກໍ່ການຮ້າຍແລະການຕ້ານອາຊະຍາກຳຂ້າມຊາຍແດນທຸກຮູບແບບເພື່ອເຮັດໃຫ້ເຂດສາມຫຼ່ຽມພັດທະນາກຳປູເຈຍ-ລາວ-ຫວຽດນາມມີສັນຕິພາບ, ສະຖຽນລະພາບແລະການພັດທະນາແບບຍືນຍົງ.
ໃນຕອນຄ່ຳຂອງວັນດຽວກັນ ທີ່ໂຮງແຮມຈຳປາສັກແກຣນ ແຂວງຈຳປາສັກ ໄດ້ມີພິທີລົງນາມບົດສະຫຼຸບຜົນຂອງການຕິດຕາມກວດກາຮ່ວມລະຫວ່າງ3 ສະພາແຫ່ງຊາດ ກໍາປູເຈຍ-ລາວ-ຫວຽດນາມ; ຜົນຂອງການຕິດຕາມກວດກາຮ່ວມກັນໃນຄັ້ງນີ້ ຈະນໍາໄປລາຍງານຕໍ່ທ່ານປະທານສະພາແຫ່ງຊາດ ຂອງສາມປະເທດ ເພື່ອນຳໄປສະເໜີຕໍ່ໃຫ້ລັດຖະບານ ແລະ ອົງການປົກຄອງຂັ້ນທ້ອງຖິ່ນ ຂອງສາມປະເທດ ເພື່ອຊອກຫາວິທີທາງ ແລະ ກົນໄກໃນການຮ່ວມມື, ຊ່ວຍເຫຼືອ ແລະ ສະໜັບສະໜູນ ຊຶ່ງກັນ ແລະ ກັນ ໃນການຈັດຕັ້ງປະຕິບັດບັນດາສັນຍາ, ສົນທິສັນຍາ, ນິຕິກຳ ແລະ ບັນດາເອກະສານທີ່ມີຄວາມສຳຄັນ ເປັນຕົ້ນແຜນປະຕິບັດງານ ວ່າດ້ວຍການເຊື່ອມຈອດດ້ານເສດຖະກິດຮອດປີ 2030, ແຜນແມ່ບົດວ່າດ້ວຍການພັດທະນາເສດຖະກິດ-ສັງຄົມ ຮອດປີ 2020 ແລະ ສະບັບປັງປຸງ ຮອດປີ 2030, ແຜນພັດທະນາການທ່ອງທ່ຽວ ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ສຳລັບປີ 2020-2025 ແລະ ວິໄສທັດຮອດປີ 2030 ແລະ ປະກອບເປັນເນື້ອໃນທີ່ສໍາຄັນເຂົ້າໃນກອງປະຊຸມສຸດຍອດລັດຖະສະພາກຳປູເຈຍ-ລາວ-ຫວຽດນາມຄັ້ງທີ1ທີ່ຈະຈັດຂຶ້ນຢູ່ນະຄອນຫຼວງວຽງຈັນ, ສປປລາວ ໃນເດືອນທັນວາ ປີ 2023;ນອກນັ້ນ, ຄະນະຍັງໄດ້ຢ້ຽມຢາມໂຄງການຕ້ານຕາຝັ່ງເຈື່ອນແມ່ນ້ຳຂອງທີ່ໄດ້ຮັບການຊ່ວຍເຫຼືອດ້ານເງິນກູ້ຈາກສເກົາຫຼີ, ຢ້ຽມຢາມຟາມຜັກອໍການິກອາໂກແລະເບິ່ງສະພາບການພັດທະນາເສດຖະກິດ-ສັງຄົມຢູ່ແຂວງຈຳປາສັກ ອີກດ້ວຍ.
(ຂ່າວ-ພາບ: ສພຊ)
ຄໍາເຫັນ