ໂດຍສຸມໃສ່ເມືອງພູຄູນ, ເມືອງນານ, ເມືອງຊຽງເງິນ, ນະຄອນ ຫຼວງພະບາງ, ເມືອງຈອມເພັດ, ເມືອງປາກອູ ແລະ ເມືອງນໍ້າບາກ ໄດ້ທັງໝົດ 5,848 ເຮັກຕາ ເທົ່າກັບ 97% ຂອງແຜນການ (6,001 ເຮັກຕາ), ຜົນຜະລິດ 49,208 ໂຕນ ລື່ນແຜນການ 6.07% (ແຜນການ 46,392 ໂຕນ), ອັນພົ້ນເດັ່ນ ແມ່ນ: ຊຸກຍູ້ສົ່ງເສີມປະຊາຊົນປູກຜັກທຽມຢູ່ເມືອງນານຈຳນວນ 16 ບ້ານ ມີ 591 ຄອບຄົວ ມີເນື້ອທີ່ 122.54 ເຮັກຕ່າ ໄດ້ຜົນຜະລິດຫຼາຍກວ່າ 612 ໂຕນ; ຈັດຕັ້ງກຸ່ມຜະລິດ ແລະ ສະໜອງປັດໃຈການຜະລິດພືດຜັກໃຫ້ປະຊາຊົນ ບ້ານນາຊ່າວ ແລະ ບ້ານໜອງແຫ້ວເຊັ່ນ: ນໍ້າບາດານ ໂດຍໃຊ້ລະບົບໄຟຟ້າໂຊລາເຊລ ບ້ານລະ 2 ຈຸດ ມີຜູ້ໄດ້ຮັບຜົນປະໂຫຍດທັງໝົດ 42 ຄອບຄົວ ມີເນື້ອທີ່ການຜະລິດພືດຜັກ 45 ເຮັກຕາ ພ້ອມທັງໄດ້ສະໜອງ ແນວພັນພືດຜັກຕ່າງໆ ໃຫ້ແກ່ປະຊາຊົນປູກ, ສາມາດສ້າງລາຍຮັບໃຫ້ກຸ່ມຜະລິດຂອງປະຊາຊົນໄດ້ທັງໝົດ 776 ລ້ານກີບ, ໄດ້ຊຸກຍູ້ສົ່ງເສີມປະຊາຊົນ ປູກພືດອຸດສາຫະກໍາເປັນສິນຄ້າ ໂດຍສຸມໃສ່ເມືອງນານ, ເມືອງຊຽງເງິນ, ນະຄອນ ຫຼວງພະບາງ, ເມືອງຈອມເພັດ, ເມືຶອງປາກອູ ແລະ ເມືອງນໍ້າບາກ ໃນເນື້ອທີ່ປູກທັງໝົດ 1,337 ເຮັກຕາ ເທົ່າກັບ 80.38% ຂອງແຜນການ (1,663 ເຮັກຕາກວ່າ) ຜົນຜະລິດ 4,542 ໂຕນ ເທົ່າກັບ 79.56% ຂອງແຜນການ (5,708 ໂຕນກວ່າ) ອັນພົ້ນເດັ່ນແມ່ນ: ໄດ້ສົ່ງເສີມປະຊາຊົນປູກໝາກຖົ່ວດິນ ຢູ່ເມືອງນານ ມີ 21 ບ້ານ ຈໍານວນ 586 ຄອບຄົວ ມີເນື້ອທີ່ປູກ 182 ເຮັກຕາ ຜົນຜະລິດ 464 ໂຕນ ສາມາດສ້າງລາຍຮັບໃຫ້ປະຊາຊົນໄດ້ 10 ຕື້ 200 ລ້ານກວ່າກີບ.
ຫົວໜ້າພະແນກກະສິກຳ ແລະ ປ່າໄມ້ແຂວງຫຼວງພະບາງໄດ້ໃຫ້ຮູ້ຕື່ມວ່າ: ຕະຫຼອດໄລຍະ 6 ເດືອນຕົ້ນປີຜ່ານມາ ສາມາດສົ່ງອອກສິນຄ້າກະສິກໍາ ແລະ ປ່າໄມ່ ລວມມູນຄ່າທັງໝົດ 779 ຕື້ກວ່າກີບ ເທົ່າກັບ 35 ລ້ານກວ່າໂດລາສະຫະລັດ. ໃນນັ້ນ, ສິນຄ້າກະສິກໍາມູນຄ່າ 612 ຕື້ກວ່າກີບ, ເທົ່າກັບ 27 ລ້ານກວ່າໂດລາສະຫະລັດ; ສິນຄ້າປະເພດໄມ້ແປຮູບ ມູນຄ່າ 18 ຕື້ກວ່າກີບ; ປະເພດເຄື່ອງປ່າຂອງດົງ ມູນຄ່າ 26 ຕື້ກວ່າກີບ ແລະ ປະເພດສັດລ້ຽງ ທັງໝົດ 29,254 ໂຕ ມູນຄ່າ 122 ຕື້ກວ່າກີບ.
(ແຫຼ່ງຂ່າວ: ແຂວງຫຼວງພະບາງ)
ຄໍາເຫັນ