 |
ທ່ານ ອິນເນດ ຂຽວສີຟ້າ ປະທານຄະນະກໍາມະການປົກຄອງເມືອງເງິນ ທັງເປັນປະທານຄະນະກໍາມະການຄຸ້ມຄອງໄພພິບັດຂັ້ນເມືອງ ໄດ້ລາຍງານ ກ່ຽວກັບສະພາບຄວາມເສຍຫາຍຈາກໄພພິບັດເກີດຂຶ້ນ ຄັ້ງວັນທີ 17 ແລະ ວັນທີ 23 ກໍລະກົດ 2025 ຢູ່ເມືອງເງິນ.
 |
ເປັນສາເຫດເຮັດໃຫ້ເກີດຜົນກະທົບຕໍ່ ທີ່ຢູ່ອາໃສ, ເນື້ອທີ່ດິນທໍາການຜະລິດ, ສັດລ້ຽງ, ພື້ນຖານໂຄງລ່າງເປັນຕົ້ນແມ່ນ: ຖະໜົນຫົນທາງ, ໄຟຟ້າ, ສາຍໂທລະສັບ, ນໍ້າລິນ, ນ້ຳປະປາ ເຊັ່ນ: ຜົນກະທົບດ້ານແຮງງານ ແລະ ສະຫວັດດີການສັງຄົມ ລວມມູນຄ່າເສຍຫາຍ 6 ຕື້ກວ່າກີບ, ຜົນກະທົບດ້ານພື້ນຖານໂຄງລ່າງ ລວມມູນຄ່າເສຍຫາຍ 15 ຕື້ກວ່າກີບ, ຜົນກະທົບດ້ານກະສິກໍາ ລວມມູນຄ່າເສຍຫາຍ 23 ຕື້ກວ່າກີບ, ດ້ານສາທາລະນະສຸກ ລວມມູນຄ່າເສຍຫາຍ 991 ລ້ານກວ່າກີບ, ລວມມູນຄ່າເສຍຫາຍຜົນກະທົບໄພພິບັດທັງ 2 ຄັ້ງ (ວັນທີ 17 ແລະ 23 ກໍລະກົດ 2025) ທັງໝົດ 45 ຕື້ກວ່າກີບ. ຈາກນັ້ນ, ທີມງານດັ່ງກ່າວ ກໍໄດ້ລົງພື້ນທີເບີ່ງຜົນເສຍຫາຍນໍ້າຖ້ວມເຮືອນປະຊາຊົນຢູ່ທີບ້ານແກ້ວດອນຄູນ, ຜົນເສຍຫາຍຈາກດີນສະໄລ້ຖົ່ມເຮືອນປະຊາຊົນຢູ່ບ້ານຜາແດງ, ບ້ານໂຮມໄຊ ແລະ ຕິດຕາມການສ້ອມແປງເສັ້ນທາງຫຼວງແຫ່ງຊາດ 2 W ເມືອງເງິນ ແຂວງໄຊຍະບູລີ-ເມືອງປາກແບງ ແຂວງອຸດົມໄຊ ຈຳນວນ ຫຼາຍຈຸດ,
 |
(ຂ່າວ: ອິນແປງ ແຫວນຄໍາ)
ຄໍາເຫັນ