ກະຊວງ ຮສສ ແລະ ອົງການຈັດຕັ້ງສາກົນຕິດຕາມຜົນເສຍຫາຍໄພພິບັດຢູ່ເມືອງເງິນ

ໃນວັນທີ 27 ຕຸລາ ນີ້ ທີ່ສູນ Deepal ບ້ານໂພນທັນ ເມືອງໄຊເສດຖາ ນະຄອນຫຼວງວຽງຈັນ ໄດ້ຈັດພິທີແນະນຳລົດໄຟຟ້າຫຼູ Deepal ສູ່ໂລກແຫ່ງພະລັງງານສະອາດ, ໂດຍເປັນກຽດເຂົ້າຮ່ວມ ຂອງ ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກໍາ ແລະ ການຄ້າ, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ທ່ານ ວຽງສະຫວັດ ສີພັນດອນ ເຈົ້າແຂວງຫຼວງນໍ້າທາ, ທ່ານ ນາງ ລີຊີເສີນ ທີ່ປຶກສາສະຖານທູດຈີນປະຈຳ ສປປ ລາວ, ທ່ານ ກວນ ສິນ ຮອງປະທານເຂດອາ ຊີຕາເວັນອອກສ່ຽງໃຕ້, ພ້ອມຜູ້ຕາງໜ້າບໍລິສັດ Chan An Automobile, ບັນດາແຂກຖືກເຊີນເຂົ້າ ຮ່ວມ.

ກຸ່ມບໍລິສັດ ສຽນເສີງ ຈຳກັດ ສະໜັບສະໜູນທີມນັກກິລາເຕະບານ ທີມຍິງ-ຊາຍ ແລະ ຟຸດຊໍ ເຈົ້າພາບນະຄອນຫຼວງວຽງຈັນ (ນວ) 500 ລ້ານກີບ ກຽມເຂົ້າຮ່ວມສ້າງຜົນງານໃນການແຂ່ງຂັນງານມະຫະກຳກິລາແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນ ເກມ 2025 ຈະຈັດຂຶ້ນ ລະຫວ່າງວັນທີ 15-25 ພະຈິກ 2025 ນີ້.

ສະຫາຍ ຄຳເກິ່ງ ສຸດທິເດດ ກຳມະການພັກແຂວງ ປະທານສະຫະພັນກຳມະບານແຂວງສະຫວັນນະເຂດ ໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ກ່ຽວກັບບົດລາຍງານການເມືອງຂອງຄະນະບໍລິຫານງານສະຫະພັນ ກໍາມະບານແຂວງສະໄໝທີ VIII ຕໍ່ກອງປະຊຸມໃຫຍ່ຜູ້ແທນສະຫະພັນກຳມະບານແຂວງສະຫວັນນະເຂດຄັ້ງທີ IX ໃນໂອກາດທີ່ເຂົ້າຮ່ວມກອງປະຊຸມໃຫຍ່ຜູ້ແທນກໍາມະບານທົ່ວປະເທດ ຄັ້ງທີ IX ໂດຍສະຫາຍໄດ້ໃຫ້ຮູ້ວ່າ:

​ ຄວາມປອດໄພ ແລະ ສຸຂະພາບແຮງງານຖືເປັນສິ່ງສຳຄັນຕໍ່ຊາວຜູ້ອອກແຮງງານລາວ ຊຶ່ງພວກເຂົາເຫຼົ່ານັ້ນໄດ້ນໍາເອົາຜົນປະໂຫຍດອັນມະຫາສານມາໃຫ້ປະເທດຊາດ ຕາມຄຳຂວັນຂອງສາກົນທີ່ວ່າ: ພວກເຮົາບໍ່ສາມາດຖິ້ມຜູ້ໃດໄວ້ຂ້າງຫຼັງ ພວກເຮົາສົ່ງເສີມວຽກເຮັດງານທຳທີ່ມີຄຸນຄ່າ ແລະ ເປັນທຳຕໍ່ໝົດທຸກຄົນ.

ຂະແໜງຊົນລະປະທານ ພະແນກກະສິກຳ ແລະ ສິແວດລ້ອມແຂວງສະຫວັນນະເຂດ ຈັດກອງປະຊຸມເຜີຍແຜ່ລະບຽບການຄຸ້ມຄອງກຸ່ມຜູ້ນໍາໃຊ້ນໍ້າຊົນລະປະທານ ທົ່່ວເມືອງຂຶ້ນ ໃນວັນທີ 24 ຕຸລາຜ່ານມາ ທີ່ຫ້ອງວ່າການປົກຄອງເມືອງ ໂດຍພາຍໃຕ້ການເປັນປະທານ ຂອງທ່ານ ສຸພາລັກ ອາດບັນດິດ ຄະນະພັກ-ຄະນະພະແນກກະສິກຳ ແລະ ສິ່ງແວດລ້ອມແຂວງ.

ເມື່ອບໍ່ດົນມານີ້ ທີ່່ສະໂມສອນເມືອງຫຼວງນໍ້າທາ, ທ່ານ ພິມແກ້ວ ທໍາມະສິນ ກໍາມະການພັກແຂວງ ຫົວໜ້າພະແນກກະສິກຳ ແລະ ສິ່ງແວດລ້ອມແຂວງຫຼວງນໍ້າທາ ພ້ອມດ້ວຍຄະນະ ໄດ້ລົງຊຸກຍູ້ວຽກງານປູກພືດລະດູແລ້ງຢູ່ເມືອງຫຼວງນ້ຳທາ ໂດຍມີ ທ່ານ ບຸນຄົງ ພິມມະສອນ ກໍາມະການພັກແຂວງ ເລຂາຄະນະບໍລິຫານງານພັກເມືອງ ສະມາຊິກສະພາປະຊາຊົນແຂວງ, ມີພາກສ່ວນກ່ຽວຂ້ອງເຂົ້າຮ່ວມ.

ໃນໄລຍະຜ່ານມາ ຄະນະບໍລິຫານງານສະຫະພັນກໍາມະບານແຂວງສາລະວັນ ໄດ້ເອົາໃຈໃສ່ຈັດຕັ້ງປະຕິບັດວຽກງານປຸກລະດົມຂົນຂວາຍ, ໂຄສະນາສຶກສາອົບຮົມການເມືອງ-ແນວຄິດ ເປັນວຽກງານຍຸດທະສາດ. ສະຫາຍ ຈິດຕະກອນ ສາຍສະໝຸດປະທານສະຫະພັນກໍາມະບານແຂວງສາລະວັນ ໄດ້ລາຍງານຕໍ່ກອງປະຊຸມໃຫຍ່ຜູ້ແທນກໍາມະບານທົ່ວປະເທດ ຄັ້ງທີ IX ໃນຫົວຂໍ້: “ສ້າງການຫັນປ່ຽນໃໝ່ຢ່າງແຂງແຮງ ເລິກເຊິ່ງ ຮອບດ້ານ ໃນວຽກງານປຸກລະດົມຂົນຂວາຍ, ໂຄສະນາສຶກສາອົບຮົມ ໃຫ້ແກ່ສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານ” ໃນວັນທີ 27 ຕຸລາ ນີ້ ວ່າ: ສະຫະພັນກໍາມະບານແຂວງສາລະວັນ ມີການຈັດຕັ້ງກໍາມະບານທັງໜົດ 336 ພາກສ່ວນການຈັດຕັ້ງກໍາມະບານ ຊຶ່ງປະກອບມີ 13 ສະຫະພັນກໍາມະບານ, ໃນນັ້ນມີ 8 ສະຫະພັນກຳມະບານເມືອງ, 5 ສະຫະພັນກຳມະບານພະແນກການ, ມີ 40 ກຳມະບານຮາກຖານອ້ອມຂ້າງແຂວງ, ປັດຈຸບັນມີສະມາຊິກກຳມະບານທັງໝົດ 8,580 ຄົນ ຍິງ 4,376 ຄົນ, ສະມາຊິກກຳມະບານເປັນພະນັກງານ-ລັດຖະກອນ 7,547 ຄົນ, ເປັນນັກສຶກສາ ແລະ ກໍາມະກອນຈໍານວນ 1,033 ຄົນ, ມີຄະນະບໍລິຫານງານໃນທົ່ວແຂວງ ມີ 221 ຄົນ ຍິງ 55ຄົນ, ໃນນີ້ ຄະນະບໍລິຫານງານສະຫະພັນກຳມະບານແຂວງ 33 ຄົນ ຍິງ 12 ຄົນ, ມີພະນັກງານກໍາມະບານອາຊີບທັງໜົດ 65 ຄົນ ຍິງ 33 ຄົນ, ໃນນີ້ ປະຈໍາການຢູ່ສະຫະພັນກໍາມະບານແຂວງ 17 ຄົນ ຍິງ 8 ຄົນ, ປະກອບມີ 4 ຂະແໜງການ ຂຶ້ນກັບ ຄື: ຂະແໜງບໍລິຫານ, ຈັດຕັ້ງ-ກວດກາ ແລະ ຂະບວນການ, ໂຄສະນາອົບຮົມ-ຂ່າວສານ ແລະ ປົກປ້ອງແຮງງານ.

ຂ່າວດີມີບໍລິການລົດເມໂດຍບໍ່ເສຍຄ່າ ໃນງານບຸນພະທາດຫຼວງວຽງຈັນປະຈຳປີ 2025 ໃນລະຫວ່າງວັນທີ 1-5 ພະຈິກ 2025 ເລີ່ມແຕ່ເວລາ 17:00 ໂມງ ຫາ 22:30 ໂມງ * ຊຶ່ງຈຸດບໍລິການເຊື່ອມຕໍ່ລົດເມ BRT ວິວມໍ-ທາດຫຼວງ: 1. ສາຍທາງ: 21 ດົງໂດກ-ວິວມໍ 2. ສາຍທາງ: 23 ທ່າງ່ອນ-ວິວມໍ 3. ສາຍທາງ: 29 ດົງໂດກ-ວິວມໍ

ງານບຸນຊ່ວງເຮືອປະຈໍາປີ 2025 ຂອງແຂວງວຽງຈັນ ໄດ້ຈັດຂຶ້ນທີ່ທ່ານ້ຳບ້ານເກິນກາງ (ຫາດຊາຍທຽມ) ເມືອງທຸລະຄົມ ມີກໍານົດຄົບງັນ 7 ວັນ. ໃນນັ້ນ, ວັນທີ 25 ຕຸລາ 2025 ເປັນການແຂ່ງຂັນເຮືອກິລາ ປະເພດ 12 ສີພາຍ,​ ມີເຮືອເຂົ້າຮ່ວມຈໍານວນ 20 ລໍາ, ສໍາລັບວັນທີ 26 ຕຸລາ 2025 ເປັນມື້ເປີດງານບຸນ ແລະ ແຂ່ງຂັນຊ່ວງເຮືອຍາວປະເພນີ ປະເພດ 55 ສີພາຍ ມີເຮືອເຂົ້າຮ່ວມແຂ່ງຂັນຈໍານວນ 13 ລໍາ.

ໃນວັນທີ 26 ຕຸລານີ້, ແຂວງຄໍາມ່ວນ ຮ່ວມກັບ ເມືອງບົວລະພາ ແລະ ສະມາຄົມຂີ່ລົດຖີບພາຍໃນແຂວງໄດ້ຈັດກິດຈະກໍາຂີ່ລົດຖີບເພື່ອສຸຂະພາບ ແລະ ສະຫຼອງຫີນໜາມໜໍ່ເຂົ້າເປັນມໍລະດົກໂລກທາງທໍາມະຊາດແຫ່ງທໍາອິດຂອງ ສປປ ລາວ (ໃນວັນທີ 13 ກໍລະກົດ 2025) ແລະ ເປັນມໍລະດົກໂລກທາງທໍາມະຊາດ ຮ່ວມຊາຍແດນແຫ່ງທໍາອິດ ລະຫວ່າງ ອຸທິຍານແຫ່ງຊາດຫີນໜາມໜໍ່ ແລະ ອຸທິຍານແຫ່ງຊາດ ຟອງ ຫຍ່າ ແກບາງ ສສ ຫວຽດນາມ ຊຶ່ງກິດຈະກໍາດັ່ງກ່າວ ໄດ້ຈັດຂຶ້ນຢູ່ທີ່ໂຮງຮຽນມັດທະຍົມຕອນຕົ້ນຕາຫຼອງ ເມືອງບົວລະພາ ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ມີການນໍາຂັ້ນແຂວງ, ຂັ້ນເມືອງ, ສະມາຄົມຂີ່ລົດຖີບຂອງແຂວງ, ມີນັກຂີ່ລົດຖີບຈາກພາກສ່ວນບໍລິສັດ, ລັດວິສາຫະກິດ, ຕ່າງແຂວງ ແລະ ຕ່າງປະເທດເຂົ້າຮ່ວມ.