ທ່ານ ສຸກສະຫວັນ ສຸລິວົງ ຮັກສາການຫົວໜ້າຫ້ອງການກະຊວງ ຖວທ ກ່າວວ່າ: ການຈັດກິດຈະກຳຄັ້ງນີ້ ເພື່ອເປັນການສ້າງຂະບວນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນຊຶ່ງຕົ້ນໄມ້ທີ່ນຳມາປູກມີຕົ້ນໄມ້ປະດັບ (ຕົ້ນຈຳປາ) ແລະ ຕົ້ນໄມ້ອຸດສາຫະກຳ (ໄມ້ດູ່) ເພື່ອເພີ່ມພື້ນທີ່ສີຂຽວໃຫ້ມີຄວາມຮົ່ມເຢັນໃຫ້ໂລກ ກໍຄືປະເທດລາວ ເນື່ອງຈາກຕົ້ນໄມ້ມີຄວາມສຳຄັນຫຼາຍຕໍ່ສິ່ງທີ່ມີຊີວິດໃນໂລກ ເປັນຕົ້ນສັດສາວາສິ່ງ ລວມເຖິງມະນຸດເຮົາ, ຕົ້ນໄມ້ແມ່ນສິ່ງແວດລ້ອມໜຶ່ງເປັນກົນໄກທີ່ເຮັດໃຫ້ໂລກມີອາກາດສົດຊື່ນ ແລະ ມີຄວາມສວຍງາມຮົ່ມເຢັນ. ຮຽກຮ້ອງມາຍັງທຸກພາກສ່ວນໃນທົ່ວສັງຄົມ ຈົ່ງຮ່ວມກັນປູກຕົ້ນໄມ້ໃຫ້ຫຼາຍ ເພື່ອເຮັດໃຫ້ປະເທດຊາດມີຄວາມສວຍສົດງົດງາມ ແລະ ມີພື້ນທີ່ສີຂຽວເພີ່ມຂຶ້ນ.ສິ່ງສຳຄັນຫຼັງຈາກປູກແລ້ວຕ້ອງມີການປົກປັກ ແລະ ບົວລະບັດຮັກສາເຮັດໃຫ້ຕົ້ນໄມ້ທີ່ປູກເຕີບໃຫຍ່ຫຼາຍທີ່ສຸດ ແລະ ໃຫ້ຕາຍໜ້ອຍທີ່ສຸດ.
ຂ່າວ-ພາບ: ມະນີທອນ
ຄໍາເຫັນ