 |
ໂດຍໃຫ້ກຽດເປັນປະທານ ຂອງ ສະຫາຍ ທອງສະຫວັນ ພົມວິຫານ ກໍາມະການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ຊຶ່ງມີບັນດາຄະນະພັກ, ຄະນະນຳ, ຄະນະໜ່ວຍພັກ, ຄະນະກົມ, ຄະນະພະແນກ ແລະ ພະນັກງານ-ລັດຖະກອນ ຂອງກະຊວງການຕ່າງປະເທດ ເຂົ້າຮ່ວມຮັບຟັງ.
ໃນງານດັ່ງກ່າວ, ສະຫາຍ ພົງສະຫວັນ ສີສຸລາດ ກຳມະການປະຈຳພັກກະຊວງ ຮອງລັດຖະມົນຕີກະຊວງການຕ່າງປະເທດ ໄດ້ເປັນກຽດດຳເນີນການປາຖະກະຖາ 3 ເນື້ອໃນເອກະສານສຳຄັນ ເພື່ອຫວນຄືນມູນເຊື້ອຜົນງານຂອງພັກຕະຫຼອດໄລຍະ 71 ປີ, ການກໍາເນີດ ແລະ ການຂະຫຍາຍຕົວຂອງສະຫະພັນກໍາມະບານລາວ ຄົບຮອບ 70 ປີ, ມູນເຊື້ອການຕໍ່ສູ້ພິລະອາດຫານຂອງປະຊາຊົນຕະຫຼອດ 80 ປີຜ່ານມາ ເພື່ອເປັນການຜັນຂະຫຍາຍໃຫ້ສະມາຊິກພະນັກງານທົ່ວກະຊວງການຕ່າງປະເທດໄດ້ຮັບຮູ້ ແລະ ເຊື່ອມຊຶມຝັງເລິກເຂົ້າແນວຄິດຈິດໃຈ, ເສີມຂະຫຍາຍເຂົ້າໃນອຸດົົົມການແຫ່ງຄວາມຮັກ ແລະ ພັດທະນາຊາດຢ່າງດູດດື່ມ. ພ້ອມທັງເປັນການລະນຶກເຖິງຄຸນງາມຄວາມດີ ແລະ ນໍ້າໃຈເສຍສະຫຼະອັນສູງສົ່ງຂອງບັນດານັກຮົບປະຕິວັດ ແລະ ປະຊາຊົນລາວບັນດາເຜົ່າທີ່ໄດ້ອຸທິດເລືອດເນື້ອ, ຢາດເຫື່ອ ແລະ ຊີວິດເພື່ອພາລະກິດຕໍ່ສູ້ປົດປ່ອຍຊາດໃນເມື່ອກ່ອນກໍຄືພາລະກິດປົກປັກຮັກສາ ແລະ ສ້າງສາປະເທດຊາດໃນປັດຈຸບັນ.
 |
ເພື່ອເປັນການເສີມຂະຫຍາຍ ແລະ ນຳເອົາແນວທາງຂອງພັກໂດຍສະເພາະມະຕິການເມືອງກອງປະຊຸມໃຫຍ່ ຄັ້ງທີ XII ຂອງພັກ ໃຫ້ນໍາໄປສູ່ການເຄື່ອນໄຫວລົງເລິກວຽກງານຕົວຈິງ ສະຫາຍ ທອງສະຫວັນ ພົມວິຫານ ໄດ້ລົງເລິກຜັນຂະຫຍາຍ ແລະ ຍົກໃຫ້ເຫັນກ່ຽວກັບການສ້າງຄວາມຮັບຮູ້-ເຂົ້າໃຈອັນຖືກຕ້ອງ, ເລິກເຊິ່ງ ແລະ ເປັນເອກະພາບຕໍ່ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກໃຫ້ແກ່ບັນດາຄະນະພັກ, ຄະນະນໍາ ແລະ ຖັນແຖວພະນັກງານສະມາຊິກພັກ-ລັດຖະກອນຂອງກະຊວງການຕ່າງ ປະເທດສາມາດກຳແໜ້ນ ແລະ ສືບຕໍ່ຈັດຕັ້ງຜັນຂະຫຍາຍໃຫ້ປະກົດຜົນເປັນຮູບປະທຳ, ທີ່ສອດຄ່ອງກັບສະພາບການຕົວຈິງ ແລະ ໄດ້ຮັບຜົນດີ. ນອກຈາກນີ້, ສະຫາຍ ຍັງໄດ້ກ່າວເຖິງການສ້າງຄວາມຮັບຮູ້-ເຂົ້າໃຈຢ່າງເປັນເອກະພາບກ່ຽວກັບໜ້າທີ່ຄວາມຮັບຜິດຊອບຂອງກະຊວງການຕ່າງປະເທດໃນການຈັດຕັ້ງປະຕິບັດມະຕິວ່າດ້ວຍການສ້າງເສດ ຖະກິດເອກະລາດເປັນເຈົ້າຕົນເອງໃນໄລຍະໃໝ່ສະບັບເລກທີ 04/ກມສພ, ລົງວັນທີ11 ເມສາ 2024 ເພື່ອຈັດຕັ້ງປະຕິບັດໃຫ້ໄດ້ຮັບຜົນດີ.
ໃນຕອນທ້າຍຂອງການບັນຍາຍ, ສະຫາຍໄດ້ຮຽກຮ້ອງມາຍັງຄະນະພັກ-ຄະນະນຳ, ຄະນະກົມ, ສະມາຊິກພັກ, ພະນັກງານທັງໝົດ ຂອງກະຊວງການຕ່າງປະເທດ ຈົ່ງພ້ອມກັນເສີມຂະຫຍາຍມູນເຊື້ອອັນດີງາມ ຂອງພັກ ເປັນຕົ້ນແມ່ນບົດຮຽນການນໍາພາຂອງພັກໃນແຕ່ລະໄລຍະ, ພ້ອມກັນນັ້ນ ກໍພ້ອມກັນຖອດຖອນບົດຮຽນ ຈາກບັນດາຂໍ້ຂາດຕົກບົກພ່ອງ ໃນໄລຍະຜ່ານມາ ເພື່ອປັບປຸງປ່ຽນແປງການນໍາພາຂອງພັກໃນໄລຍະໃໝ່ໃຫ້ສອດຄ່ອງ, ພ້ອມກັນສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ເພື່ອຮັກສາບົດບາດກໍາອໍານາດຂອງພັກ ແລະ ນໍາພາວຽກງານການຕ່າງປະທດ ໄປສູ່ຈຸດໝາຍ.
ຂ່າວ: ກະຊວງການຕ່າງປະເທດ
ຄໍາເຫັນ