ໃນພິທີ ທ່ານ ສໍລະພົງ ຈັນໂທ ຫົວໜ້າຫ້ອງການສາທາລະນະສຸກເມືອງ ໄດ້ລາຍງານການຈັດຕັ້ງປະຕິບັດວຽກງານຕ້ານ ແລະ ຄວບຄຸມພະຍາດລະບາດ ປະຈຳປີ2024 ແລະ ທິດທາງແຜນການ 2025. ຈາກນັ້ນ, ທ່ານ ຮອງເຈົ້າເມືອງແກ່ນທ້າວ ໄດ້ກ່າວເປີດຂະບວນການອະນາໄມວ່າ: ພະຍາດລະບາດຕາມລະດູການເປັນພະຍາດທີ່ອັນຕະລາຍຮ້າຍແຮງຕໍ່ສຸຂະພາບ ແລະ ຊີວິດຂອງຄົນເຮົາຫຼາຍພໍສົມຄວນ. ການເປີດຂະບວນການອະນາໄມເພື່ອປ້ອງກັນພະຍາດໄຂ້ຍຸງລາຍຄັ້ງນີ້, ແມ່ນມີຄວາມໜາຍຄວາມສຳຄັນຢ່າງຍິ່ງຕໍ່ກັບການເຮັດສຸຂະອະນາໄມ, ການສົ່ງເສີມຮັກສາສຸຂະພາບ, ຂອງປະຊາຊົນບັນດາເຜົ່າຢູ່ພາຍໃນເມືອງ. ພ້ອມກັນນັ້ນ, ບັນດາຄະະນະກຳມະການຮັກສາສຸຂະພາບຂັ້ນເມືອງ, ນາຍບ້ານ, ພໍ່ແມ່ປະຊົນພາຍໃນບ້ານຈະໄດ້ພ້ອມກັນອະນາໄມລວມຂອບເຂດຄວາມຮັບຜິດຊອບຂອງຕົນ.
ທ່ານຮອງເຈົ້າເມືອງ ຍັງໄດ້ຮຽກຮ້ອງມາຍັງບັນດາຄະນະກໍາມະການຮັກສາສຸຂະພາບຂັ້ນເມືອງ, ນາຍບ້ານ, ພໍ່ແມ່ປະຊາຊົນຈົ່ງສຸມສະຕິປັນຍາ ແລະ ເຊີດຊູຄວາມຮັບຜິດຊອບຂອງຕົນເຂົ້າໃນການຕ້ານພະຍາດໄຂ້ເລືອດອອກ ດ້ວຍການປະຕິບັດ 5 ປໍ.
(ແຫຼ່ງຂ່າວ: ແກ່ນທ້າວ)
ຄໍາເຫັນ