ກອງປະຊຸມ, ຜູ້ເຂົ້າຮ່ວມໄດ້ຮັບຟັງການຜ່ານຮ່າງບົດລາຍງານການເມືອງ ທັງ 2 ພາກ, ຮ່າງແຜນພັດທະນາແມ່ຍິງແຂວງ ໄລຍະ 5 ປີ(2026-2030), ຮ່າງບົດສຳຫຼວດການນໍາພາລວມຂອງຄະນະບໍລິຫານງານ ສະຫະພັນແມ່ຍິງແຂວງ ຕະຫຼອດໄລຍະ 5 ປີຜ່ານມາ ຄະນະສະຫະພັນແມ່ຍິງແຕ່ລະຂັ້ນ ໄດ້ເອົາໃຈໃສ່ວຽກງານສຶກສາອົບຮົມການເມືອງ-ແນວຄິດ ໃຫ້ຖັນແຖວ ສະມາຊິກສະຫະພັນແມ່ຍິງ, ແມ່ຍິງລາວບັນດາເຜົ່າ ດ້ວຍການປຸກລະດົມແມ່ຍິງເຂົ້າຮ່ວມຄົ້ນຄວ້າເຊື່ອມຊຶມແນວທາງ, ແຜນນະໂຍບາຍ, ມະຕິກອງປະຊຸມໃຫຍ່ ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ, ມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ VIII, ລັດຖະທຳມະນູນ, ກົດໝາຍ, ມູນເຊື້ອຂອງຊາດ, ຂອງພັກ, ວັນປະຫວັດສາດສໍາຄັນຕ່າງໆ ອັນພົ້ນເດັ່ນແມ່ນ ໄດ້ໂຄສະນາເຜີຍແຜ່ ຂໍ້ມູນຂ່າວສານທີ່ເປັນປະໂຫຍດໃຫ້ແກ່ແມ່ຍິງ ແລະ ຄອບຄົວ ຜ່ານສື່ ແລະ ໃນລາຍການຄວນຮູ້ຄູ່ແມ່ຍິງ ອອກອາກາດທາງສະຖານີວິທະຍຸແຂວງໄຊສົມບູນ, ຜ່ານລະບົບໂທລະໂຄ່ງ, ໄດ້ສຳເລັດການດຳເນີນກອງປະຊຸມໃຫຍ່ສະຫະພັນແມ່ຍິງແຕ່ລະຂັ້ນ, ວຽກງານປົກປ້ອງສິດຜົນປະໂຫຍດຂອງແມ່ຍິງ-ເດັກ, ສົ່ງເສີມຄວາມກ້າວໜ້າຂອງແມ່ຍິງ ແລະ ສົ່ງເສີມຄວາມສະເໝີພາບຍິງ-ຊາຍ ແລະ ແມ່-ເດັກ, ໄດ້ໃຫ້ຄໍາປຶກສາປົກປ້ອງສິດຜົນປະໂຫຍດຂອງແມ່ຍິງ ແລະ ເດັກ, ຄະນະສະຫະພັນແມ່ຍິງແຕ່ລະຂັ້ນໄດ້ຊຸກຍູ້ ກຸ່ມທ້ອນເງິນໄດ້ປະຕິບັດຢູ່ຂັ້ນບ້ານ, ບັນດາເມືອງ ແລະ ບັນດາໜ່ວຍອ້ອມຂ້າງແຂວງ.
ຈາກນັ້ນ ຜູ້ແທນສົມບູນ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະບໍລິຫານງານສະຫະພັນແມ່ຍິງ ແຂວງໄຊສົມບູນ ຊຸດໃໝ່ ຊຶ່ງມີຜູ້ສະໝັກທັງໝົດ 25 ສະຫາຍ, ເລືອກເອົາ 21 ສະຫາຍ. ກອງປະຊຸມຄັ້ງປະຖົມມະລຶກ ໄດ້ເປັນເອກະສັນເລືອກເອົາ ສະຫາຍນາງ ບຸນທະວີ ສິງວິໄລ ເປັນປະທານ, ສະຫາຍ ນາງ ຮົວຢ່າງ ໄຟດ່າຢ່າງ ເປັນຮອງປະທານ ທັງເປັນປະທານກວດກາ, ສະຫາຍ ນາງ ພິຕາວັນ ແກ້ວວິໄລ ເປັນຮອງປະທານ ແລະ ສະຫາຍ ນາງ ເນົາວະລັດ ປານທອງຄໍາ ເປັນຮອງປະທານກວດກາ. ພ້ອມນີ້ ຍັງໄດ້ເລືອກເອົາຜູ້ແທນສົມບູນ ຈຳນວນ 9 ສະຫາຍ ແລະ ສໍາຮອງ 2 ສະຫາຍ ໄປຮ່ວມກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ IX ອີກດ້ວຍ.
(ຂ່າວ: ຄຳໝັ້ນ ພຽງພິລາ)
ดูข้อมูลเชิงลึกและโฆษณา
ความรู้สึกทั้งหมด
33
ຄໍາເຫັນ