ໃນວັນທີ 10 ກຸມພາຜ່ານມາ, ອໍານາດການປົກຄອງແຂວງຄໍາມ່ວນຮ່ວມກັບກອງບັນຊາການທະຫານແຂວງຈັດກິດຈະກໍາຂີ່ລົດຖີບເພື່ອສຸຂະພາບ ທັງເປັນການສ້າງຂະບວນການເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວຄົບຮອບ 75 ປີ ແລະ ວັນສ້າງຕັ້ງກອງບັນຊາການທະຫານແຂວງຄໍາມ່ວນຄົບຮອບ 65 ປີຂຶ້ນຢູ່ທີ່ເດີ່ນກອງບັນຊາການທະຫານແຂວງ ໂດຍໃຫ້ກຽດເຂົ້າຮ່ວມຂອງທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ທ່ານ ບຸນມີ ພິມມະສອນ ປະທານສະພາປະຊາຊົນແຂວງ, ທ່ານ ພົນຈັດຕະວາ ສົມແຄນອັບປະສອນ ຫົວໜ້າການເມືອງ ກອງບັນຊາການທະຫານແຂວງ, ມີບັນດາຄະນະການນໍາຂອງແຂວງ,ບັນດານັກຂີ່ລົດຖີບຈາກ 3 ສະໂມສອນຄື: ສະໂມສອນ ລູກສີໂຄດ, ສະໂມສອນນ້ອງໃໝ່, ສະໂມສອນ ເຊົາຣີດເດີ້ແລະ ມວນຊົນເຂົ້າຮ່ວມ.
ການຈັດກິດຈະກໍາຄັ້ງນີ້, ໄດ້ເລີ້ມປ່ອຍຂະບວນຂີ່ລົດຖີບໃນເວລາ 7 ໂມງເຊົ້າ ອອກຈາກກອງບັນຊາການທະຫານແຂວງໄປຫາວົງວຽນຫຼັກສອງ - ລ້ຽວຂວາໄປທາງຫ້ອງວ່າການແຂວງໄປຮອດສີ່ແຍກໄຟແດງຮ້ານອາຫານທ່າແຂກໃໝ່ - ລ້ຽວຊ້າຍໄປຮອດສີ່ແຍກໄຟແດງພະແນກສຶກສາທິການ ແລະ ກິລາແຂວງແລ້ວມຸ້ງໜ້າໄປຮອດວັດພະທາດສີໂຄດຕະບອງ. ຫຼັງຈາກນັ້ນລ້ຽວກັບຄືນມາຕາມເສັ້ນທາງບ້ານເກົ້າລ້ຽວ - ຈອມແຈ້ງຜ່ານຮ້ານອາຫານເວສຕາຈົນ - ຫໍໄຫວ້ມູນເຊື້ອ 21 ມີນາ ແລ້ວລ້ຽວຂວາມຸ້ງໜ້າມາຕາມຖະໜົນກຸວໍລະວົງຜ່ານວົງວຽນຫຼັກສອງ ແລ້ວເຂົ້າສູ່ ກອງບັນຊາການທະຫານແຂວງເປັນອັນສໍາເລັດກິດຈະກໍາຂີ່ລົດຖີບໃນຄັ້ງນີ້.
(ຂ່າວ-ພາບ : ແດງສະຫວັດ ແສນພານິດ).
ການຈັດກິດຈະກໍາຄັ້ງນີ້, ໄດ້ເລີ້ມປ່ອຍຂະບວນຂີ່ລົດຖີບໃນເວລາ 7 ໂມງເຊົ້າ ອອກຈາກກອງບັນຊາການທະຫານແຂວງໄປຫາວົງວຽນຫຼັກສອງ - ລ້ຽວຂວາໄປທາງຫ້ອງວ່າການແຂວງໄປຮອດສີ່ແຍກໄຟແດງຮ້ານອາຫານທ່າແຂກໃໝ່ - ລ້ຽວຊ້າຍໄປຮອດສີ່ແຍກໄຟແດງພະແນກສຶກສາທິການ ແລະ ກິລາແຂວງແລ້ວມຸ້ງໜ້າໄປຮອດວັດພະທາດສີໂຄດຕະບອງ. ຫຼັງຈາກນັ້ນລ້ຽວກັບຄືນມາຕາມເສັ້ນທາງບ້ານເກົ້າລ້ຽວ - ຈອມແຈ້ງຜ່ານຮ້ານອາຫານເວສຕາຈົນ - ຫໍໄຫວ້ມູນເຊື້ອ 21 ມີນາ ແລ້ວລ້ຽວຂວາມຸ້ງໜ້າມາຕາມຖະໜົນກຸວໍລະວົງຜ່ານວົງວຽນຫຼັກສອງ ແລ້ວເຂົ້າສູ່ ກອງບັນຊາການທະຫານແຂວງເປັນອັນສໍາເລັດກິດຈະກໍາຂີ່ລົດຖີບໃນຄັ້ງນີ້.
(ຂ່າວ-ພາບ : ແດງສະຫວັດ ແສນພານິດ).
ຄໍາເຫັນ