ງານບຸນອອກພັນສາປະວໍລະນາເປັນປະເພນີທີ່ຈັດຢູ່ໃນຮີດສິບສອງຂອງລາວຊຶ່ງກົງກັບມື້ຂຶ້ນ15ຄໍ່າເດືອນ11ລາວ.ເພື່ອເປັນການເສີມຂະຫຍາຍມູນເຊື້ອແລະອະນຸລັກຮັກສາຮີດຄອງປະເພນີອັນດີງາມຂອງຊາດໄວ້ໃຫ້ ຍືນຍົງຄູ່ກັບປະຊາຊົນລາວກໍຄືປະຊາຊົນຊາວເມືອງທ່າແຂກຕະຫຼອດໄປ.
ທ່ານແກ້ວລັນດອນຈັນທະປານີເຈົ້າເມືອງທ່າແຂກທັງເປັນຄະນະປະທານຈັດງານບຸນປະເພນີອອກພັນສາປະວໍລະນາແລະຊ່ວງເຮືອປະຈໍາປີ2023 ໄດ້ລາຍງານໃຫ້ຮູ້ໃນວັນທີ 25 ຕຸລາຜ່ານມາວ່າ: ການຈັດງານບຸນປະເພນີອອກພັນສາປະວໍລະນາແລະຊ່ວງເຮືອໃນປີນີ້ຕິດພັນກັບການຫ້າງຫາກະກຽມໃຫ້ແກ່ການເປີດປີທ່ອງທ່ຽວລາວ 2024 ທີ່ຈະມາເຖິງນີ້. ໂດຍປະຕິບັດຕາມຮີດຄອງປະເພນີ ທັງເປັນການຟື້ນຟູເສດຖະກິດຊຸກຍູ້ການທ່ອງທ່ຽວຂອງແຂວງກໍຄືຂອງເມືອງທ່າແຂກໃຫ້ມີບັນຍາກາດຄຶກຄື້ນຂຶ້ນກວ່າເກົ່າຈຶ່ງໄດ້ມີການວາງແຜນກະກຽມງານບຸນນີ້ຂຶ້ນ ໂດຍໄດ້ມີການປະຊຸມ, ແຕ່ງຕັ້ງອະນຸກຳມະການຮັບຜິດຊອບວຽກງານຕ່າງໆ.ມາຮອດປັດຈຸບັນການຫ້າງຫາກະກຽມໄດ້ມີຄວາມພ້ອມຮອບດ້ານ ແລະ ງານບຸນຈະໄດ້ຈັດຂຶ້ນໃນລະຫວ່າງວັນທີ 27-29 ຕຸລານີ້. ພາຍໃນງານໄດ້ມີຫຼາຍກິດຈະກຳເປັນຕົ້ນ: ກິດຈະກຳທາງສາສະໜາແລະຮີດຄອງປະເພນີໃສ່ບາດຖວາຍສັງຄະທານ, ໃສ່ບາດຢູ່ຫໍຫຼັກເມືອງ, ໄຫຼເຮືອໄຟ, ການແຂ່ງຂັນຊ່ວງເຮືອ, ການວາງສະແດງຈຳໜ່າຍສິນຄ້າ, ສະແດງສິລະປະ-ວັນນະຄະດີໃນທຸກໆຄໍ່າຄືນຈະໄດ້ມີການຄົບງັນຕາມຮີດຄອງປະເພນີ.
ສຳລັບກິດຈະກຳການແຂ່ງຂັນຊ່ວງເຮືອໃນປີນີ້ມີເຮືອເຂົ້າຮ່ວມແຂ່ງຂັນທັງໝົດ22ລໍາ, ມີ35ສີພາຍ, 55ສີພາຍ,ການແຂ່ງຂັນຊ່ວງເຮືອມິດຕະພາບລາວ-ໄທເພື່ອສ້າງມິດຕະພາບລະຫວ່າງສອງປະເທດກໍຄືສອງແຂວງຄຳມ່ວນສປປ ລາວ ກັບຈັງຫວັດນະຄອນພະນົມຣາຊະອານາຈັກໄທ.ຕະຫຼອດການຈັດງານບຸນຍັງມີຫ້າງຮ້ານທັງພາຍໃນແລະຕ່າງປະເທດເຂົ້າຮ່ວມວາງສະແດງເກືອບ 300 ຮ້ານໂດຍເນັ້ນສົ່ງເສີມຜະລິດຕະພັນໃຫ້ກາຍເປັນສິນຄ້າທີ່ພົ້ນເດັ່ນຂອງທ້ອງຖິ່ນເພື່ອສົ່ງເສີມຫົວໜ່ວຍທຸລະກິດໃຫ້ມີການແລກປ່ຽນສິນຄ້າ ທັງເປັນການພົບປະຊຶ່ງກັນ ແລະ ກັນ. ທຽບໃສ່ປີຜ່ານມາມີພຽງ 112 ຮ້ານ, ພາຍໃນງານມີກິດຈະກຳໄຫຼເຮືອໄຟ ຊຶ່ງມີເຮືອໄຟຈຳນວນ3 ລໍາ ແລະ ການລອຍກະໂທງສາຍປະມານ 2.500 ດວງແລະມີການສະແດງສິລະປະ-ວັນນະຄະດີ, ຂັບລໍາຜະຫຍາມະຫາໄຊທີ່ເປັນຂັບລໍາທ້ອງຖິ່ນຂອງແຂວງຄໍາມ່ວນເພື່ອສ້າງບັນຍາກາດໃນງານບຸນໃຫ້ມີຄວາມເບີກບານມ່ວນຊື່ນທັງເປັນການອະນຸລັກຮັກສາຮີດຄອງປະເພນີມູນເຊື້ອວັດທະນະທຳອັນດີງາມຂອງຊາດທີ່ເຄີຍສືບທອດກັນມາແຕ່ບູຮານນະການ.
ໂອກາດນີ້, ທ່ານເຈົ້າເມືອງທ່າແຂກໄດ້ຮຽກຮ້ອງມາຍັງການຈັດຕັ້ງ, ພໍ່ແມ່ປະຊາຊົນກໍຄືສັງຄົມເອົາໃຈໃສ່ປົກປັກຮັກສາອາຄານສະຖານທີ່, ເຮືອນຊານຂອງຕົນເອງ ພ້ອມທັງປະຕິບັດລະບຽບຫຼັກການໃນການເຂົ້າຮ່ວມງານເພື່ອຄວາມສະຫງົບ, ຄວາມເປັນລະບຽບຮຽບຮ້ອຍ ພ້ອມກັນເປັນເຈົ້າພາບທີ່ດີໃນການປະຕິບັດຮີດຄອງປະເພນີຂອງຊາດລາວ ເພື່ອຕ້ອນຮັບນັກທ່ອງທ່ຽວຈາກຕ່າງແຂວງ ແລະ ຕ່າງປະເທດທີ່ເຂົ້າມາທ່ຽວຊົມໃນງານດັ່ງກ່າວ. ຂ່າວ-ພາບ: ກອງຄຳ
ທ່ານແກ້ວລັນດອນຈັນທະປານີເຈົ້າເມືອງທ່າແຂກທັງເປັນຄະນະປະທານຈັດງານບຸນປະເພນີອອກພັນສາປະວໍລະນາແລະຊ່ວງເຮືອປະຈໍາປີ2023 ໄດ້ລາຍງານໃຫ້ຮູ້ໃນວັນທີ 25 ຕຸລາຜ່ານມາວ່າ: ການຈັດງານບຸນປະເພນີອອກພັນສາປະວໍລະນາແລະຊ່ວງເຮືອໃນປີນີ້ຕິດພັນກັບການຫ້າງຫາກະກຽມໃຫ້ແກ່ການເປີດປີທ່ອງທ່ຽວລາວ 2024 ທີ່ຈະມາເຖິງນີ້. ໂດຍປະຕິບັດຕາມຮີດຄອງປະເພນີ ທັງເປັນການຟື້ນຟູເສດຖະກິດຊຸກຍູ້ການທ່ອງທ່ຽວຂອງແຂວງກໍຄືຂອງເມືອງທ່າແຂກໃຫ້ມີບັນຍາກາດຄຶກຄື້ນຂຶ້ນກວ່າເກົ່າຈຶ່ງໄດ້ມີການວາງແຜນກະກຽມງານບຸນນີ້ຂຶ້ນ ໂດຍໄດ້ມີການປະຊຸມ, ແຕ່ງຕັ້ງອະນຸກຳມະການຮັບຜິດຊອບວຽກງານຕ່າງໆ.ມາຮອດປັດຈຸບັນການຫ້າງຫາກະກຽມໄດ້ມີຄວາມພ້ອມຮອບດ້ານ ແລະ ງານບຸນຈະໄດ້ຈັດຂຶ້ນໃນລະຫວ່າງວັນທີ 27-29 ຕຸລານີ້. ພາຍໃນງານໄດ້ມີຫຼາຍກິດຈະກຳເປັນຕົ້ນ: ກິດຈະກຳທາງສາສະໜາແລະຮີດຄອງປະເພນີໃສ່ບາດຖວາຍສັງຄະທານ, ໃສ່ບາດຢູ່ຫໍຫຼັກເມືອງ, ໄຫຼເຮືອໄຟ, ການແຂ່ງຂັນຊ່ວງເຮືອ, ການວາງສະແດງຈຳໜ່າຍສິນຄ້າ, ສະແດງສິລະປະ-ວັນນະຄະດີໃນທຸກໆຄໍ່າຄືນຈະໄດ້ມີການຄົບງັນຕາມຮີດຄອງປະເພນີ.
ສຳລັບກິດຈະກຳການແຂ່ງຂັນຊ່ວງເຮືອໃນປີນີ້ມີເຮືອເຂົ້າຮ່ວມແຂ່ງຂັນທັງໝົດ22ລໍາ, ມີ35ສີພາຍ, 55ສີພາຍ,ການແຂ່ງຂັນຊ່ວງເຮືອມິດຕະພາບລາວ-ໄທເພື່ອສ້າງມິດຕະພາບລະຫວ່າງສອງປະເທດກໍຄືສອງແຂວງຄຳມ່ວນສປປ ລາວ ກັບຈັງຫວັດນະຄອນພະນົມຣາຊະອານາຈັກໄທ.ຕະຫຼອດການຈັດງານບຸນຍັງມີຫ້າງຮ້ານທັງພາຍໃນແລະຕ່າງປະເທດເຂົ້າຮ່ວມວາງສະແດງເກືອບ 300 ຮ້ານໂດຍເນັ້ນສົ່ງເສີມຜະລິດຕະພັນໃຫ້ກາຍເປັນສິນຄ້າທີ່ພົ້ນເດັ່ນຂອງທ້ອງຖິ່ນເພື່ອສົ່ງເສີມຫົວໜ່ວຍທຸລະກິດໃຫ້ມີການແລກປ່ຽນສິນຄ້າ ທັງເປັນການພົບປະຊຶ່ງກັນ ແລະ ກັນ. ທຽບໃສ່ປີຜ່ານມາມີພຽງ 112 ຮ້ານ, ພາຍໃນງານມີກິດຈະກຳໄຫຼເຮືອໄຟ ຊຶ່ງມີເຮືອໄຟຈຳນວນ3 ລໍາ ແລະ ການລອຍກະໂທງສາຍປະມານ 2.500 ດວງແລະມີການສະແດງສິລະປະ-ວັນນະຄະດີ, ຂັບລໍາຜະຫຍາມະຫາໄຊທີ່ເປັນຂັບລໍາທ້ອງຖິ່ນຂອງແຂວງຄໍາມ່ວນເພື່ອສ້າງບັນຍາກາດໃນງານບຸນໃຫ້ມີຄວາມເບີກບານມ່ວນຊື່ນທັງເປັນການອະນຸລັກຮັກສາຮີດຄອງປະເພນີມູນເຊື້ອວັດທະນະທຳອັນດີງາມຂອງຊາດທີ່ເຄີຍສືບທອດກັນມາແຕ່ບູຮານນະການ.
ໂອກາດນີ້, ທ່ານເຈົ້າເມືອງທ່າແຂກໄດ້ຮຽກຮ້ອງມາຍັງການຈັດຕັ້ງ, ພໍ່ແມ່ປະຊາຊົນກໍຄືສັງຄົມເອົາໃຈໃສ່ປົກປັກຮັກສາອາຄານສະຖານທີ່, ເຮືອນຊານຂອງຕົນເອງ ພ້ອມທັງປະຕິບັດລະບຽບຫຼັກການໃນການເຂົ້າຮ່ວມງານເພື່ອຄວາມສະຫງົບ, ຄວາມເປັນລະບຽບຮຽບຮ້ອຍ ພ້ອມກັນເປັນເຈົ້າພາບທີ່ດີໃນການປະຕິບັດຮີດຄອງປະເພນີຂອງຊາດລາວ ເພື່ອຕ້ອນຮັບນັກທ່ອງທ່ຽວຈາກຕ່າງແຂວງ ແລະ ຕ່າງປະເທດທີ່ເຂົ້າມາທ່ຽວຊົມໃນງານດັ່ງກ່າວ. ຂ່າວ-ພາບ: ກອງຄຳ
ຄໍາເຫັນ