 |
ຊຸດຝຶກອົບຮົມຄັ້ງນີ້, ຈະໄດ້ດຳເນີນໄປຮອດວັນທີ 12 ສິງຫາ 2025 ຊຶ່ງຈະໄດ້ມີການຖ່າຍທອດດົນຕີພື້ນເມືອງ ແລະ ດົນຕີພື້ນບ້ານ ຈາກນັກວິທະຍາກອນທີ່ມາຈາກ ສະໂມສອນດົນຕີລາວດ່ານຊ້າງ ນະຄອນຫຼວງວຽງຈັນ ຮ່ວມກັບ ສູນວັດທະນະທຳ ແຂວງຄຳມ່ວນ ຄື: ດົນຕີພື້ນເມືອງ ປະກອບມີ: ແຄນ, ລະນາດເອກ, ລະນາດທຸ້ມ, ຂິມ, ຂຸ່ຍ, ຊໍອູ້, ຊໍອີ້, ຄ້ອງວົງນ້ອຍ, ຄ້ອງວົງໃຫຍ່, ກອງຕະໂພນ. ສ່ວນດົນຕີພື້ນບ້ານ ປະກອບມີ: ກອງຫາງ, ກອງຕຸ້ມ, ກະຈັບປີ່ (ພິນ), ກີ່ຕ້າເບສ, ໂຫວດ ແລະ ປີ່ຜູ້ໄທ. ທັງນີ້ ກໍ່ເພື່ອແນໃສ່ສ້າງໃຫ້ສຳມະນາກອນ ໄດ້ຮຽນຮູ້ກ່ຽວກັບດົນຕີພື້ນເມືອງ-ດົນຕີພື້ນບ້ານ ເພື່ອການສະແດງຮັບໃຊ້ໃນງານສຳຄັນຕ່າງໆ ທັງເປັນສ່ວນໜຶ່ງໃນການອະນຸລັກຮັກສາ ແລະ ສືບທອດສິລະປະວັດທະນະທຳ, ສຽງແຄນລາວ ໃຫ້ມີຄວາມຍືນຍົງຕະຫຼອດໄປ.
 |
ທ່ານ ແກ້ວອຸດອນ ບຸດສິງຂອນ ກ່າວວ່າ: ການຈັດຝຶກອົບຮົມໃນຄັ້ງນີ້, ເປັນຄັ້ງປະຫວັດສາດ ທີ່ຈະສ້າງຮຸ່ນສືບທອດທີ່ເປັນຂະບວນການ ໂດຍມີອາຈານລະດັບຊາດມາສິດສອນ ຊຶ່ງລົງເລິກເຄື່ອງດົນຕີພື້ນເມືອງ, ເຄື່ອງດົນຕີພື້ນບ້ານ. ສະນັ້ນ ຈິ່ງຮຽກຮ້ອງມາຍັງທຸກທ່ານ ຈົ່ງພ້ອມກັນເອົາໃຈໃສ່ ຕັ້ງໃຈໃນການຮຽນຮູ້, ລົງມືປະຕິບັດ ຕາມການສິດສອນຂອງຄູ-ອາຈານ ແລະ ເຊື່ອໝັ້ນວ່າ: ບັນດາທ່ານຈະສາມາດຮຽນຮູ້, ສາມາດນຳໃຊ້ເຄື່ອງດົນຕີພື້ນເມືອງ-ພື້ນບ້ານ ນຳໄປເຜີຍແຜ່ສູ່ມວນຊົນ ແລະ ເປັນກຳລັງແຮງໜຶ່ງຂອງສັງຄົມ ໃນການຟື້ນຟູ, ອະນຸລັກ, ສົ່ງເສີມວັດທະນະທຳອັນດີງາມຂອງລາວເຮົາ ທັງເປັນການສ້າງມົນສະເໜ່ໃຫ້ແກ່ນັກທ່ອງທ່ຽວ ເພື່ອດຶງດູດເອົານັກທ່ອງທ່ຽວເຂົ້າມາທ່ຽວແຂວງຄຳມ່ວນໃຫ້ນັບມື້ຫຼາຍຂຶ້ນ.
 |
(ຂ່າວ-ພາບ: ກອງຄໍາ)
ຄໍາເຫັນ