ຜ່ານການຈັດຕັ້ງປະຕິບັດຕົວຈິງໄດ້ 11,865 ເຮັກຕາ (ຫຼຸດແຜນການປີທີ່ວາງໄວ້ 2,321 ເຮັກຕາ) ຫຼື ເທົ່າກັບ 84% ຂອງເນື້ອທີ່ແຜນການທັງໝົດ. ໃນນັ້ນ, ນາຫວ່ານປະຕິບັດໄດ້ 5,570 ເຮັກຕາ, ນາດໍາປະຕິບັດໄດ້ 6,295 ເຮັກຕາ, ເນື້ອທີ່ປູກເຂົ້າເພື່ອເປັນສະບຽງອາຫານປະຕິບັດໄດ້ 3,877 ເຮັກຕາ (ຫຼຸດແຜນການທີ່ວາງໄວ້ 819 ເຮັກຕາ) ຫຼື ເທົ່າກັບ 82.55% ຂອງເນື້ອທີ່ແຜນການ ແລະ ເນື້ອທີ່ປູກເຂົ້າເພື່ອເປັນສິນຄ້າປະຕິບັດໄດ້ 7,988 ເຮັກຕາ (ຫຼຸດແຜນການທີ່ວາງໄວ້ 1,508 ຮັກຕາ) ຫຼື ເທົ່າກັບ 84.17% ຂອງເນື້ອທີ່ແຜນການ.
ມາຮອດປັດຈຸບັນ ທົ່ວແຂວງສາມາດເກັບກ່ຽວເຂົ້ານາແຊງໄດ້ແລ້ວ 7,813 ເຮັກຕາ ເທົ່າກັບ 65.85% ຂອງເນື້ອທີ່ເກັບກ່ຽວຕົວຈິງໃນທົ່ວແຂວງ. ໃນນັ້ນ, ເຂົ້າທີ່ປູກເປັນສະບຽງອາຫານເກັບກ່ຽວໄດ້ແລ້ວ 2,565 ເຮັກຕາ ເທົ່າກັບ 66.15%; ເຂົ້າທີ່ປູກເປັນສິນຄ້າເກັບກ່ຽວໄດ້ 5,247 ເຮັກຕາ ເທົ່າກັບ 65.69% ຊຶ່ງໃນການເກັບກ່ຽວເຂົ້າສ່ວນຫຼາຍແມ່ນນໍາໃຊ້ກົນຈັກເຂົ້າໃນການຜະລິດ. ສ່ວນວ່າສາຍເຫດທີ່ພາໃຫ້ເນື້ອທີ່ການປູກເຂົ້າບໍ່ໄດ້ຕາມແຜນການທີ່ວາງໄວ້ນັ້ນຍ້ອນລະບົບນໍ້າບໍ່ທົ່ວເຖິງ ຊຶ່ງເກີດມາຈາກການເປ້ເພຂອງລະບົບຫົວງານຊົນລະປະທານ. ສະນັ້ນ, ຈິ່ງເຮັດໃຫ້ເນື້ອທີ່ການປູກເຂົ້າຫຼຸດລົງ. ປັດຈຸບັນຊາວນາແມ່ນໄດ້ຂຸ້ນຂ່ຽວເກັບກ່ຽວເຂົ້ານາຂອງຕົນເອງເພື່ອໃຫ້ແລ້ວກ່ອນລະດູຝົນທີ່ຈະມາເຖິງ ຄາດວ່າການເກັບກ່ຽວເຂົ້ານາແຊງຈະໃຫ້ສໍາເລັດ 100% ໃນຕົ້ນເດືອນມິຖຸນາ 2025 ນີ້. ໃນນັ້ນ, ເມືອງທີ່ສໍາເລັດການເກັບກ່ຽວແລ້ວ 100% ປະກອບມີເມືອງທ່າແຂກ, ເມືອງຫີນບູນ ແລະ ເມືອງຄູນຄໍາ .
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ