ຜະລິດຕະພັນເຜົ່າເມີ້ຍ ມີຄວາມງາມທີ່ເປັນເອກະລັກໄດ້ຮັບຄວາມນິຍົມຈາກສັງຄົມ

ການເຂົ້າຮ່ວມງານຄັ້ງນີ້ຖືເປັນຄັ້ງທີ 3 ຊຶ່ງໄດ້ນໍາເອົາຜະລິດຕະພັນເຜົ່າເມີ້ຍປະກອບມີ້, ສິ້ນ, ເສື້ອ, ແຜ່ນແພ, ກະເປົາ, ເສື້ອຜ້າຍິງ-ຊາຍ, ຜ້າບ່ຽງ ແລະ ຊຸດເມີ້ນດັ້ງເດີມ ລາຄາເລີ່ມຕົ້ນ 150,000 ກີບຈົນຮອດ 3,800,000 ກີບ ຊຶ່ງໄດ້ເລີ່ມວາງຂາຍນັບແຕ່ວັນທີ 31 ຕຸລາເປັນຕົ້ນມາຈົນແລ້ວງານບຸນ,ກຸ່ມຫັດຖະກຳຕໍ່າຫູກ-ທໍໄໝລາຍເຜົ່າເມີ້ຍດັ້ງເດີມເຮືອນລໍມະນີມີສະມາຊິກ 100 ກວ່າຄອບຄົວກະຈາຍໄປແຕ່ລະບ້ານຊຶ່ງມີຢູ່ເມືອງຄຳເກີດ, ເມືອງບໍລິຄັນ ແລະ ເມືອງປາກຊັນໄດ້ຮັບການສ້າງຕັ້ງໃນປີ 2017 ແລະ ໄດ້ຮັບໃບຢັ້ງຢືນຜະລິດຕະພັນໂອດັອບໃນປີ 2019 ມາຮອດປັດຈຸບັນເຫັນວ່າສັງຄົມໄດ້ໃຫ້ຄວາມສົນໃຈນິຍົມຊົມຊອບເປັນຈຳນວນຫຼາຍລູກຄ້າສ່ວນໃຫຍ່ມາຈາກທົ່ວປະເທດທັງພາກເໜືອ, ພາກກາງ ແລະ ພາກໃຕ້ ໂດຍສະເພາະຊາວແຂວງບໍລິຄຳໄຊໄດ້ນໍາໃຊ້ຜະລິດຕະພັນຂອງຕົນຫຼາຍຂຶ້ນ ຊຶ່ງທາງແຂວງໄດ້ມີການກຳນົດໃຫ້ຊຸດເຜົ່າເມີ້ຍເປັນຊຸດປະຈຳແຂວງໃນປີ 2024 ປັດຈຸບັນກຳລັງຂຶ້ນແຜນຈະກຳນົດເອົາຊຸດເຜົ່າເມີ້ຍ ເປັນຊຸດລາຊະການອີກໜຶ່ງວັນຂອງແຂວງ ພ້ອມນັ້ນທາງແຂວງຍັງໄດ້ມີນະໂຍບາຍຊຸກຍູ້ດ້ານການຕະຫຼາດ, ສະໜອງງົບປະມານທຶນກູ້ຢືມດອກເບ້ຍຕໍ່າໃຫ້ກຸ່ມຫັດຖະກຳໂອດັອບ, ພວກເຮົາໄດ້ມີຮ້ານຈໍາໜ່າຍຢູ່ແຂວງບໍລິຄຳໄຊ ແລະ ຈຳໜ່າຍຜ່ານຊ່ອງທາງອອນລາຍ.

ໃນອະນາຄົດມີແຜນຂະຫຍາຍຕະຫຼາດອອກໄປຕ່າງແຂວງໃຫ້ຫຼາຍຂຶ້ນ ໂດຍການເປີດແຟນຊາຍ.ສຳລັບລູກຄ້າທ່ານໃດທີ່ມີຄວາມສົນໃຈສາມາດຕິດຕໍ່ພົວພັນໄດ້ທີ່ເຟສບຸກ ສູນຈຳໜ່າຍຜະລິດຕະພັນເຜົ່າເມີ້ຍເຮືອນລໍມະນີ.