ກອງປະຊຸມປະເມີນທ້າຍໂຄງການສ້າງຄວາມສາມາດໃນການຄຸ້ມຄອງທີ່ດິນກະສິກຳ ຈັດຂຶ້ນໃນວັນທີ 24 ຕຸລານີ້, ທີ່ໂຮງແຮມທ່າແຂກໃໝ່ແຂວງຄໍາມ່ວນ ໂດຍມີທ່ານ ກອງແກ້ວ ພະຈອມພົນ ຮອງຫົວໜ້າກົມຄຸ້ມຄອງ ແລະ ພັດທະນາທີ່ດິນກະສິກຳ ກະຊວງກະສິກຳ ແລະ ປ່າໄມ້, ທ່ານ ສີລາ ຈັນທະລາວົງ ຮອງຫົວໜ້າພະແນກກະສິກຳ ແລະ ປ່າໄມ້ແຂວງຄຳມ່ວນ, ທ່ານ ນາງ ເລນາ ວິໄລເພັດ ຫົວໜ້າຜູ້ບໍລິຫານໂຄງການ, ມີບັນດາພະແນກການ, ຂະແໜງການກ່ຽວຂ້ອງຂັ້ນແຂວງ, ຂັ້ນເມືອງ ເຂົ້າຮ່ວມ.
ທ່ານ ກອງແກ້ວ ພະຈອມພົນ ໄດ້ກ່າວເປີດກອງປະຊຸມ ຊຶ່ງມີເນື້ອໃນບາງຕອນວ່າ: ໂຄງການສ້າງຄວາມສາມາດໃນການຄຸ້ມຄອງທີ່ດິນກະສິກຳ ແມ່ນໄດ້ຮັບທຶນສະໜັບໜູນ ຈາກສະຫະພາບເອີຣົບ (EU) ໂດຍຜ່ານອົງການບ້ານຈຸດສຸມສາກົນ (VFI) ໄລຍະເວລາການຈັດຕັ້ງປະຕິບັດ 3 ປີ (2021-2023) ຊຶ່ງກ່ຽວຂ້ອງກັບຫຼາຍຂະແໜງການ ໂດຍສະເພາະແມ່ນສອງເມືອງເປົ້າໝາຍຄື: ເມືອງມະຫາໄຊ ແລະ ຍົມມະລາດ ໃນຈໍານວນ 12 ບ້ານເປົ້າໝາຍຂອງໂຄງການ. ຊຶ່ງການຈັດຕັ້ງປະຕິບັດໂຄງການ ແມ່ນເພື່ອສົ່ງເສີມຄວາມຮູ້, ຄວາມສາມາດ ແລະ ທັກສະຂອງພະນັກງານວິຊາການພາກສ່ວນທີ່ກ່ຽວຂ້ອງ ໃນລະດັບສູນກາງ ແລະ ທ້ອງຖິ່ນ,ໂດຍກິດຈະກໍາຫຼັກ ໃນການຝຶກອົບຮົມຫົວຂໍ້ຕ່າງໆ ທີ່ກ່ຽວຂ້ອງກັບການຄຸ້ມຄອງ, ສິດທິໃນການຄອບຄອງ ແລະ ນຳໃຊ້ທີ່ດິນຂອງປະຊາຊົນເປັນຕົ້ນ: ສິດໃນການນໍາໃຊ້ທີ່ດິນກະສິກໍາຕາມປະເພນີ, ສັນຍາກະສິກໍາ, ການລົງທຶນແບບມີຄວາມຮັບຜິດຊອບ, ການປູກຈິດສໍານຶກກ່ຽວກັບການອະນຸລັກທີ່ດິນ, ທັກສະໃນການເປັນຜູ້ອໍານວຍຄວາມສະດວກທີ່ຫຼາກຫຼາຍ, ການຂຶ້ນທະບຽນທີ່ດິນ ແລະ ການນໍາໃຊ້ດິນລວມໝູ່,ການມີສ່ວນຮ່ວມຂອງຍິງ-ຊາຍຕໍ່ກັບການນໍາໃຊ້ທີ່ດິນໃຫ້ກັບພະນັກງານທີ່ກ່ຽວຂ້ອງຂັ້ນແຂວງ ແລະ ເມືອງ.
ໃນກອງປະຊຸມຄັ້ງນີ້ ແມ່ນໄດ້ຮັບຟັງການນໍາສະເໜີລາຍງານ ກ່ຽວກັບຜົນໄດ້ຮັບຈາກການຈັດຕັ້ງປະຕິບັດໂຄງການ (ໃນໄລຍະ 3 ປີ ຜ່ານມາ), ລາຍງານຜົນໄດ້ຮັບຈາກຜູ້ປະເມີນພາຍນອກ, ຜົນການປະເມີນຈາກການລົງເຜີຍແຜ່ຢູ່ຂັ້ນບ້ານ ແລະ ຈະໄດ້ມີການສົນທະນາແລກປ່ຽນຄໍາຄິດເຫັນ ຈາກຜູ້ເຂົ້າຮ່ວມກອງປະຊຸມທັງໝົດ ເພື່ອເປັນຂໍ້ມູນ ໃນການປັບປຸງແກ້ໄຂໃນຕໍ່ໜ້າ ໃຫ້ດີຂຶ້ນກວ່າເກົ່າ ພ້ອມທັງນໍາສະເໜີແຜນ ໃນໄລຍະ 3 ເດືອນ ທ້າຍປີ ກ່ອນຈະສິ້ນສຸດໂຄງການ ແລະ ແຜນສືບຕໍ່ໂຄງການໃນຂັ້ນຕໍ່ໄປ. ໂອກາດນີ້ ທ່ານຮອງຫົວໜ້າກົມຄຸ້ມຄອງ ແລະ ພັດທະນາທີ່ດິນກະສິກຳ ຍັງໄດ້ຮຽກຮ້ອງມາຍັງບັນດາທ່ານທີ່ເຂົ້າຮ່ວມ ຈົ່ງພ້ອມກັນຄົ້ນຄວ້າປຶກສາຫາລື, ແລກປ່ຽນຂໍ້ມູນ ເພື່ອແນໃສ່ເຮັດໃຫ້ວຽກງານດັ່ງກ່າວ ໃຫ້ມີຄວາມເຊື່ອມໂຍງກັນ, ມີຄວາມຊັດເຈນສູງ ເພື່ອນໍາໄປເຜີຍແຜ່ໃຫ້ປະຊາຊົນໄດ້ມີຄວາມເຂົ້າໃຈຢ່າງລະອຽດຈະແຈ້ງໃນຕໍ່ໜ້າ.(ພາບ-ຂ່າວ: ກອງຄຳ) 2322 6776
ທ່ານ ກອງແກ້ວ ພະຈອມພົນ ໄດ້ກ່າວເປີດກອງປະຊຸມ ຊຶ່ງມີເນື້ອໃນບາງຕອນວ່າ: ໂຄງການສ້າງຄວາມສາມາດໃນການຄຸ້ມຄອງທີ່ດິນກະສິກຳ ແມ່ນໄດ້ຮັບທຶນສະໜັບໜູນ ຈາກສະຫະພາບເອີຣົບ (EU) ໂດຍຜ່ານອົງການບ້ານຈຸດສຸມສາກົນ (VFI) ໄລຍະເວລາການຈັດຕັ້ງປະຕິບັດ 3 ປີ (2021-2023) ຊຶ່ງກ່ຽວຂ້ອງກັບຫຼາຍຂະແໜງການ ໂດຍສະເພາະແມ່ນສອງເມືອງເປົ້າໝາຍຄື: ເມືອງມະຫາໄຊ ແລະ ຍົມມະລາດ ໃນຈໍານວນ 12 ບ້ານເປົ້າໝາຍຂອງໂຄງການ. ຊຶ່ງການຈັດຕັ້ງປະຕິບັດໂຄງການ ແມ່ນເພື່ອສົ່ງເສີມຄວາມຮູ້, ຄວາມສາມາດ ແລະ ທັກສະຂອງພະນັກງານວິຊາການພາກສ່ວນທີ່ກ່ຽວຂ້ອງ ໃນລະດັບສູນກາງ ແລະ ທ້ອງຖິ່ນ,ໂດຍກິດຈະກໍາຫຼັກ ໃນການຝຶກອົບຮົມຫົວຂໍ້ຕ່າງໆ ທີ່ກ່ຽວຂ້ອງກັບການຄຸ້ມຄອງ, ສິດທິໃນການຄອບຄອງ ແລະ ນຳໃຊ້ທີ່ດິນຂອງປະຊາຊົນເປັນຕົ້ນ: ສິດໃນການນໍາໃຊ້ທີ່ດິນກະສິກໍາຕາມປະເພນີ, ສັນຍາກະສິກໍາ, ການລົງທຶນແບບມີຄວາມຮັບຜິດຊອບ, ການປູກຈິດສໍານຶກກ່ຽວກັບການອະນຸລັກທີ່ດິນ, ທັກສະໃນການເປັນຜູ້ອໍານວຍຄວາມສະດວກທີ່ຫຼາກຫຼາຍ, ການຂຶ້ນທະບຽນທີ່ດິນ ແລະ ການນໍາໃຊ້ດິນລວມໝູ່,ການມີສ່ວນຮ່ວມຂອງຍິງ-ຊາຍຕໍ່ກັບການນໍາໃຊ້ທີ່ດິນໃຫ້ກັບພະນັກງານທີ່ກ່ຽວຂ້ອງຂັ້ນແຂວງ ແລະ ເມືອງ.
ໃນກອງປະຊຸມຄັ້ງນີ້ ແມ່ນໄດ້ຮັບຟັງການນໍາສະເໜີລາຍງານ ກ່ຽວກັບຜົນໄດ້ຮັບຈາກການຈັດຕັ້ງປະຕິບັດໂຄງການ (ໃນໄລຍະ 3 ປີ ຜ່ານມາ), ລາຍງານຜົນໄດ້ຮັບຈາກຜູ້ປະເມີນພາຍນອກ, ຜົນການປະເມີນຈາກການລົງເຜີຍແຜ່ຢູ່ຂັ້ນບ້ານ ແລະ ຈະໄດ້ມີການສົນທະນາແລກປ່ຽນຄໍາຄິດເຫັນ ຈາກຜູ້ເຂົ້າຮ່ວມກອງປະຊຸມທັງໝົດ ເພື່ອເປັນຂໍ້ມູນ ໃນການປັບປຸງແກ້ໄຂໃນຕໍ່ໜ້າ ໃຫ້ດີຂຶ້ນກວ່າເກົ່າ ພ້ອມທັງນໍາສະເໜີແຜນ ໃນໄລຍະ 3 ເດືອນ ທ້າຍປີ ກ່ອນຈະສິ້ນສຸດໂຄງການ ແລະ ແຜນສືບຕໍ່ໂຄງການໃນຂັ້ນຕໍ່ໄປ. ໂອກາດນີ້ ທ່ານຮອງຫົວໜ້າກົມຄຸ້ມຄອງ ແລະ ພັດທະນາທີ່ດິນກະສິກຳ ຍັງໄດ້ຮຽກຮ້ອງມາຍັງບັນດາທ່ານທີ່ເຂົ້າຮ່ວມ ຈົ່ງພ້ອມກັນຄົ້ນຄວ້າປຶກສາຫາລື, ແລກປ່ຽນຂໍ້ມູນ ເພື່ອແນໃສ່ເຮັດໃຫ້ວຽກງານດັ່ງກ່າວ ໃຫ້ມີຄວາມເຊື່ອມໂຍງກັນ, ມີຄວາມຊັດເຈນສູງ ເພື່ອນໍາໄປເຜີຍແຜ່ໃຫ້ປະຊາຊົນໄດ້ມີຄວາມເຂົ້າໃຈຢ່າງລະອຽດຈະແຈ້ງໃນຕໍ່ໜ້າ.(ພາບ-ຂ່າວ: ກອງຄຳ) 2322 6776
ຄໍາເຫັນ