 |
ທ່ານ ວັນໄຊ ພອງສະຫວັນ ໄດ້ກ່າວໄຂກອງປະຊຸມວ່າ: ກອງປະຊຸມຈະໄດ້ພ້ອມກັນຄົ້ນຄວ້າ, ປຶກສາຫາລືບັນຫາທີ່ພົວພັນເຖິງເນື້ອໃນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ, ເປັນຕົ້ນ ແມ່ນຮ່າງລາຍງານການເມືອງ, ການຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຜູ້ແທນຄັ້ງທີ X ຂອງອົງຄະນະພັກແຂວງ, ຕີລາຄາໝາກຜົນແຫ່ງການຈັດຕັ້ງປະຕິບັດວຽກງານໃນແຕ່ລະດ້ານ, ສາເຫດທີ່ພາໃຫ້ມີຜົນສໍາເລັດ ແລະ ຂໍ້ຄົງຄ້າງ, ບົດຮຽນທີ່ຖອດຖອນໄດ້ ລວມເຖິງທິດທາງຄາດໝາຍສູ້ຊົນ ແລະ ວຽກງານຈຸດສຸມແຕ່ລະດ້ານໃນ 5 ປີຕໍ່ໜ້າ (2026-2030) ແລະ ຮ່າງແຜນພັດທະນາເສດຖະກິດ-ສັງຄົມ 5 ປີ ຂອງກອງປະຊຸມໃຫ່ຍອົງຄະນະພັກແຂວງຄັ້ງທີ XI, ຊຶ່ງໄດ້ສະຫຼຸບຕີລາຄາລວມ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 2021-2025, ບົດບາດ, ຄວາມສໍາຄັນຂອງແຜນການ 5 ປີ, ທິດທາງລວມ, ເປົ້າໝາຍ, ຄາດໝາຍ ແລະ ແຜນວຽກຈຸດສຸມ ຂອງແຜນພັດທະນາ ເສດຖະກີດ-ສັງຄົມ 5 ປີ 2026-2030, ພ້ອມດຽວກັນນີ້ ທ່ານກໍໄດ້ສະເໜີໃຫ້ບັນດາ ຜູ້ເຂົ້າຮ່ວມກອງປະຊຸມ, ພ້ອມກັນສຸມສະຕິປັນຍາ, ຫົວຄິດປະດິດສ້າງດ້ວຍຄວາມຮັບຜິດຊອບ, ການປະກອບຄໍາເຫັນ, ລົງເລິກເຈາະຈົງເຂົ້າບັນຫາ, ຖືກຕ້ອງ, ຕົວຈິງ, ພາວະວິໄສ, ວິທະຍາສາດຢູ່ໃນຂອບເຂດຄວາມຮັບຜິດຊອບຂອງຄະນະພັກຂັ້ນຕ່າງໆ, ໃຫ້ສອດຄ່ອງກັບຕົວຈິງ, ເພື່ອເຮັດໃຫ້ເອກະສານມີເນື້ອໃນຄົບຖ້ວນ, ສົມບູນ ແລະ ສາມາດຈັດຕັ້ງປະຕິບັດໄດ້.
(ຂ່າວ-ພາບ: ກອງຄໍາ)
ຄໍາເຫັນ