 |
ໃນພິທີທ່ານ ໄຊຊະນະ ໂຄດພູທອນ ໄດ້ໄຕ້ທຽນໄຊບູຊາຖວາຍສະຣິຣະສັງຂານຍາທ່ານໃຫຍ່ ມະຫາ ໜູໄຕ ແກ້ວມະນີໄຊຢູ່ຕໍ່ໜ້າຫໍ່ພະເມມ ແລະ ຖວາຍປັດໃຈ. ຈາກນັ້ນ, ພະສົງສັມມະເນນກໍໄດ້ພ້ອມກັນສູດອະພິທັມເພື່ອບໍາເພັນກຸສົນໃຫ້ແກ່ຍາທ່ານໃຫຍ່ ຊຶ່ງການຖວາຍບໍາເພັນກຸສົນແມ່ນຈະໄດ້ຈັດຂຶ້ນທຸກໆຕອນແລງຈົນຮອດວັນທີ 25 ເມສາ 2026 ຊຶ່ງເປັນມື້ຊາປະນະກິດ ສະຣິຣະສັງຂານ.
 |
ຖ້າຫາກພາກສ່ວນໃດມີຈຸດປະສົງຢາກເປັນເຈົ້າພາບສູດອະພິທໍາບໍາເພັນກຸສົນໃນແຕ່ລະວັນ ແມ່ນໃຫ້ປະສານສົມທົບລາຍລະອຽດຕ່າງໆ ກັບຄະນະກໍາມະການຮັບຜິດຊອບເພີ້ມຕື່ມຄື: ພະອາຈານ ພອນປະເສີດ ຈັນທະຄໍາ ເບີໂທລະສັບ 020-96169358 ແລະ ພະອາຈານ ຄອນສະຫວັນ ພິມມະສອນ ເບີໂທລະສັບ 020-92988929.
 |
ສ່ວນວ່າພະສົງ, ບຸກຄົນ, ນິຕິບຸກຄົນ, ການຈັດຕັ້ງທີ່ຈະມາຮ່ວມພິທີຊາປະນະກິດສາຣິຣະສັງຂານ ແມ່ນສາມາດເຂົ້າຮ່ວມໄດ້, ສ່ວນໃນການເຂົ້າຮ່ວມງານສໍາລັບພະສົງສໍາມະເນນແມ່ນໃຫ້ຄຸມຜ້າສີສົ້ມ, ມັດເອິກໃຫ້ເປັນປະຣິມົນທົນ, ສ່ວນບຸກຄົນແມ່ນໃຫ້ໃສ່ຊຸດຂາວຕາມປະເພນີອັນດີງາມຂອງຊາດ .
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ