ວັນທີ 9 ມັງກອນ ນີ້, ພະແນກແຮງງານ ແລະ ສະຫວັດດີການສັງຄົມ (ຮສສ) ແຂວງຄໍາມ່ວນ ໄດ້ຈັດພິທີມອບ-ຮັບ ເງິນນະໂຍບາຍຕໍ່ຜູ້ມີຜົນງານ ແລະ ຄຸນງາມຄວາມດີໃນພາລະກິດຮັບໃຊ້ການປະຕິວັດຊາດ ປະຊາທິປະໄຕ ຕາມດໍາລັດເລກທີ 272/ລບ ປະຈໍາປີ 2023,ໂດຍໃຫ້ກຽດເຂົ້າຮ່ວມຂອງ ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ມີ ທ່ານ ສີໄຮ ແກ້ວໄກຖິ່ນ ຫົວໜ້າພະແນກ ຮສສ ແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ໂດຍປະຕິບັດຕາມຂໍ້ຕົກລົງຂອງທ່ານລັດຖະມົນຕີກະຊວງແຮງງານ ແລະ ສະຫວັດດີການສັງຄົມສະບັບເລກທີ3516/ຮສສແລະສະບັບເລກທີ3502/ຮສສ ລົງວັນທີ 19 ກັນຍາ 2023 ແລະຂໍ້ຕົກລົງຂອງທ່ານເຈົ້າແຂວງຄໍາມ່ວນ ສະບັບເລກທີ 2270/ຈຂແລະ ສະບັບເລກທີ 2271/ຈຂ ວ່າດ້ວຍການອະນຸມັດຈ່າຍເງິນນະໂຍບາຍອຸດໜູນເທື່ອດຽວແກ່ຜູ້ທີ່ຍັງມີຊີວິດ ແລະ ນະໂຍບາຍອຸດໜູນເທື່ອດຽວຕໍ່ຜູ້ເສຍສະຫຼະຊີວິດຍ້ອນການສູ້ຮົບ ແລະ ຮັບໃຊ້ການສູ້ຮົບ, ປະຈໍາປີ 2023ຈໍານວນ 97 ທ່ານ ຍິງ 17 ທ່ານ, ເປັນເງິນ 1,8 ຕື້ກວ່າກີບ, ໃນນີ້ນະໂຍບາຍອຸດໜູນເທື່ອດຽວຜູ້ທີ່ຍັງມີຊີວິດ ຈໍານວນ 52 ທ່ານ ຍິງ 8 ທ່ານ, ເງິນທີ່ໄດ້ຮັບທັງໝົດ 912 ລ້ານກວ່າກີບ,ອຸດໜູນເທື່ອດຽວແກ່ຜູ້ເສຍສະຫຼະຊີວິດຍ້ອນການສູ້ຮົບ ແລະ ຮັບໃຊ້ການສູ້ຮົບຈໍານວນ 45 ທ່ານ ຍິງ 5 ທ່ານ, ເງິນທີ່ໄດ້ຮັບທັງໝົດ 906 ລ້ານກວ່າກີບ.
ໃຫ້ກຽດມອບເງິນອຸດໜູນນະໂຍບາຍໃນຄັ້ງນີ້ໂດຍ ທ່ານ ວັນໄຊ ພອງສະຫວັນ ພ້ອມດຽວກັນນີ້ທ່ານເຈົ້າແຂວງຄໍາມ່ວນຍັງໄດ້ຮຽກຮ້ອງມາຍັງບັນດາລຸງ-ປ້າ ໃຫ້ເອົາໃຈໃສ່ຊ່ວຍໃນການໂຄສະນາເຜີຍແຜ່ເຊື່ອມຊຶມແນວທາງນະໂຍບາຍຂອງພັກ - ລັດກ່ຽວກັບການປະຕິບັດນະໂຍບາຍຕໍ່ຜູ້ມີຜົນງານແລະຄຸນງາມຄວາມດີ ໃນພາລະກິດການປະຕິວັດຊາດ ປະຊາທິປະໄຕໃຫ້ຖືກຕ້ອງສອດຄ່ອງກັບສະພາບຄວາມເປັນຈິງ, ເອົາໃຈໃສ່ສືບຕໍ່ເປັນຫຼັກແຫຼ່ງເພື່ອຮັກສາມູນເຊື້ອຂອງພວກເຮົາໄວ້ໂດຍສະເພາະມູນເຊື້ອໃນການມີສ່ວນຮ່ວມໃນການປະຕິວັດ, ມູນເຊື້ອອັນດີງາມຂອງບັນດາພໍ່, ແມ່, ປ້າ ແລະ ລຸງ ໃນໄລຍະຜ່ານມາ ເພື່ອໃຫ້ຄົນຮຸ່ນໃໝ່ ຮັບຮູ້ເຂົ້າໃຈ ແລະ ໝູນໃຊ້ເຂົ້າໃນຊີວິດຕົວຈິງຂອງເຂົາເຈົ້າ, ຊ່ວຍຕິດຕາມເປັນຫູເປັນຕາຕໍ່ເຈົ້າໜ້າທີ່ໃນການປ້ອງກັນບັນຫາຢາເສບຕິດ ແລະ ຊ່ວຍສຶກສາອົບຮົມລູກຫຼານ ໃຫ້ຮູ້ຈັກໃນການປູກ-ການລ້ຽງ ທັງນີ້ເພື່ອພັດທະນາຄອບຄົວຕົນເອງໃຫ້ມີຢູ່ມີກິນ ແລະ ຫຼຸດພົ້ນອອກຈາກຄວາມທຸກຍາກເທື່ອລະກ້າວ.
ຂ່າວ : ມະນີວັນ
ໂດຍປະຕິບັດຕາມຂໍ້ຕົກລົງຂອງທ່ານລັດຖະມົນຕີກະຊວງແຮງງານ ແລະ ສະຫວັດດີການສັງຄົມສະບັບເລກທີ3516/ຮສສແລະສະບັບເລກທີ3502/ຮສສ ລົງວັນທີ 19 ກັນຍາ 2023 ແລະຂໍ້ຕົກລົງຂອງທ່ານເຈົ້າແຂວງຄໍາມ່ວນ ສະບັບເລກທີ 2270/ຈຂແລະ ສະບັບເລກທີ 2271/ຈຂ ວ່າດ້ວຍການອະນຸມັດຈ່າຍເງິນນະໂຍບາຍອຸດໜູນເທື່ອດຽວແກ່ຜູ້ທີ່ຍັງມີຊີວິດ ແລະ ນະໂຍບາຍອຸດໜູນເທື່ອດຽວຕໍ່ຜູ້ເສຍສະຫຼະຊີວິດຍ້ອນການສູ້ຮົບ ແລະ ຮັບໃຊ້ການສູ້ຮົບ, ປະຈໍາປີ 2023ຈໍານວນ 97 ທ່ານ ຍິງ 17 ທ່ານ, ເປັນເງິນ 1,8 ຕື້ກວ່າກີບ, ໃນນີ້ນະໂຍບາຍອຸດໜູນເທື່ອດຽວຜູ້ທີ່ຍັງມີຊີວິດ ຈໍານວນ 52 ທ່ານ ຍິງ 8 ທ່ານ, ເງິນທີ່ໄດ້ຮັບທັງໝົດ 912 ລ້ານກວ່າກີບ,ອຸດໜູນເທື່ອດຽວແກ່ຜູ້ເສຍສະຫຼະຊີວິດຍ້ອນການສູ້ຮົບ ແລະ ຮັບໃຊ້ການສູ້ຮົບຈໍານວນ 45 ທ່ານ ຍິງ 5 ທ່ານ, ເງິນທີ່ໄດ້ຮັບທັງໝົດ 906 ລ້ານກວ່າກີບ.
ໃຫ້ກຽດມອບເງິນອຸດໜູນນະໂຍບາຍໃນຄັ້ງນີ້ໂດຍ ທ່ານ ວັນໄຊ ພອງສະຫວັນ ພ້ອມດຽວກັນນີ້ທ່ານເຈົ້າແຂວງຄໍາມ່ວນຍັງໄດ້ຮຽກຮ້ອງມາຍັງບັນດາລຸງ-ປ້າ ໃຫ້ເອົາໃຈໃສ່ຊ່ວຍໃນການໂຄສະນາເຜີຍແຜ່ເຊື່ອມຊຶມແນວທາງນະໂຍບາຍຂອງພັກ - ລັດກ່ຽວກັບການປະຕິບັດນະໂຍບາຍຕໍ່ຜູ້ມີຜົນງານແລະຄຸນງາມຄວາມດີ ໃນພາລະກິດການປະຕິວັດຊາດ ປະຊາທິປະໄຕໃຫ້ຖືກຕ້ອງສອດຄ່ອງກັບສະພາບຄວາມເປັນຈິງ, ເອົາໃຈໃສ່ສືບຕໍ່ເປັນຫຼັກແຫຼ່ງເພື່ອຮັກສາມູນເຊື້ອຂອງພວກເຮົາໄວ້ໂດຍສະເພາະມູນເຊື້ອໃນການມີສ່ວນຮ່ວມໃນການປະຕິວັດ, ມູນເຊື້ອອັນດີງາມຂອງບັນດາພໍ່, ແມ່, ປ້າ ແລະ ລຸງ ໃນໄລຍະຜ່ານມາ ເພື່ອໃຫ້ຄົນຮຸ່ນໃໝ່ ຮັບຮູ້ເຂົ້າໃຈ ແລະ ໝູນໃຊ້ເຂົ້າໃນຊີວິດຕົວຈິງຂອງເຂົາເຈົ້າ, ຊ່ວຍຕິດຕາມເປັນຫູເປັນຕາຕໍ່ເຈົ້າໜ້າທີ່ໃນການປ້ອງກັນບັນຫາຢາເສບຕິດ ແລະ ຊ່ວຍສຶກສາອົບຮົມລູກຫຼານ ໃຫ້ຮູ້ຈັກໃນການປູກ-ການລ້ຽງ ທັງນີ້ເພື່ອພັດທະນາຄອບຄົວຕົນເອງໃຫ້ມີຢູ່ມີກິນ ແລະ ຫຼຸດພົ້ນອອກຈາກຄວາມທຸກຍາກເທື່ອລະກ້າວ.
ຂ່າວ : ມະນີວັນ
ຄໍາເຫັນ