“ເຖິງວ່າສົງຄາມໄດ້ສິ້ນສຸດລົງໄປໄດ້ຫຼາຍທົດສະວັດແລ້ວກໍຕາມ, ແຕ່ປະຊາຊົນລາວ ຍັງສືບຕໍ່ປະເຊີນກັບໄພຂົ່ມຂູ່ຈາກລະເບີດບໍ່ທັນແຕກໃນປາງສົງຄາມ. ການລົງນາມໃນສົນທິສັນຍາສະບັບນີ້ ເປັນພຽງຈຸດເລີ່ມຕົ້ນເສັ້ນທາງຂອງພວກເຮົາເພື່ອກ້າວໄປສູ່ເປົ້າໝາຍສູງສຸດໃນການລຶບລ້າງໄພຂົ່ມຂູ່ຈາກລະເບີດລູກຫວ່ານໃຫ້ໝົດສິ້ນໄປ ແລະ ເປັນການປົດປ່ອຍປະຊາຊົນພ້ອມທັງລູກ-ຫຼານຂອງພວກເຮົາ ໃຫ້ຫຼຸດພົ້ນຈາກຄວາມຢ້ານກົວ ແລະ ໄພຂົ່ມຂູ່ຈາກຄາດຕະກອນງຽບນີ້.”
ຄຳເວົ້າອັນຊົງຄຸນຄ່າທາງປະຫວັດສາດນີ້, ຍັງຄົງເປັນເຂັມທິດໃຫ້ບົດບາດການນຳພາ ແລະ ຄວາມມຸ່ງໝັ້ນອັນໜັກແໜ້ນຂອງ ສປປ ລາວ ຕໍ່ສົນທິສັນຍານີ້.
ໃນຖານະປະທານ 3RC-CCM, ສປປ ລາວ ຂໍຮຽກຮ້ອງໃຫ້ປະຊາຄົມສາກົນເສີມຂະຫຍາຍການຮ່ວມມື ແລະ ຊຸກຍູ້ຄວາມຄືບໜ້າໃນການຈັດຕັ້ງປະຕິບັດສົນທິສັນຍາ ເພື່ອສ້າງໂລກນີ້ໃຫ້ປາສະຈາກໄພຂົ່ມຂູ່ຈາກລະເບີດລູກຫວ່ານ.
ຂໍ້ມູນ: ກະຊວງການຕ່າງປະເທດ
ຄໍາເຫັນ