 |
ສະຫາຍ ບຸນໂຈມ ອຸບົນປະເສີດ ກ່າວໄຂກອງປະຊຸມວ່າ:ພາຍຫຼັງກອງປະຊຸມຄັ້ງປະຖົມມະລືກ ແລະ ສືບຕໍ່ຈາກກອງປະຊຸມຄົບຄະນະບໍລິຫານງານພັກແຂວງຄັ້ງທີ 2 ແລ້ວ ໂດຍມີການແບ່ງວຽກງານຄະນະພັກ ແລະ ຄົ້ນຄວ້າປຶກສາຫາລືເປັນເອກະພາບກ່ຽວກັບແຜນດຳເນີນງານວິທີເຮັດວຽກຂອງຄະນະບໍລິຫານງານ ສະໄໝ ທີ 10 ແລະ ມີຄວາມເປັນເອກະພາບໃນການຈັດຕັ້ງຄົ້ນຄ້ວາເຊື່ອມຊຶມ ຜັນຂະຫຍາຍ ມະຕິກອງປະຊຸມໃຫຍ່ຜູ້ແທນອົງຄະນະພັກ ແຂວງສະຫວັນະເຂດ ສະໄໝທີ 10 ພາຍໃນຄະນະບໍລິຫານງານພັກ ນັບແຕ້ວັນທີ 13 ຫາ 19 ຕຸລາ 2025. ໂດຍເນັ້ນໃຫ້ສະຫາຍໃນຄະນະບໍລິຫານງານພັກແຂວງເອົາໃຈໃສ່ຄົ້ນຄວ້າກຳແໜ້ນເຊື່ອມຊຶຶມ ເພາະພື້ນຖານການຈັດຕັ້ງປະຕິບັດແມ່ນຄະນະພັກທັງໝົດ ຕ້ອງເລີ່ມຕົ້ນຈາກຄະນະພັກມີຄວາມເຂົ້າໃຈເປັນເອກະພາບກ່ຽວກັບວິທີການດຳເນີນ ເພື່ອນຳພາຈັດຕັ້ງປະຕິບັດໃຫ້ສຳເລັດຕາມຄາດໝາຍ.
ໃນກອງປະຊຸມຄັ້ງນີ້, ສະຫາຍເລຂາຄະນະບໍລິຫານງານພັກແຂວງກໍໄດ້ຜ່ານນຫົວຂໍ່ທີ 1 ເອກະສານຍົກສູງບົດບາດການນໍາພາຂອງຄະນະພັກແຕ່ລະຂັ້ນ ສະເໜີເນື້ອໃນມະຕິຕ່າງໆ ຂອງພັກໂດຍສັງເຂບ ກ່ຽວກັບເນື້ອໃນລາຍງານການເມືອງ, ວຽກທີ່ພົນເດັ່ນ ໃນ 5 ປີຜ່ານມາ ແລະ ທິດທາງໃນ 5 ປີຕໍ່ໜ້າ, ຍົກສູງຄວາມສາມາດນໍາພາຂອງພັກ ແລະ ເປັນແບບຢ່າງນໍາໜ້າຂອງພັກ, ສະເໜີແນວຄິດຊີ້ນໍາ, ທັດສະນະຂອງພັກ ຈາກມະຕິຕ່າງໆ ລວມມີ ມະຕິເລກທີ 206/ກມສພ, ລົງວັນທີ 7 ທັນວາ 2020, ມະຕິ 04/ຄບສພ, ລົງວັນທີ 30 ກັນຍາ 2021, ມະຕິ 05/ຄບສພ, ລົງວັນທີ 5 ກັນຍາ 2023. ໃນກອງປະຊຸມ, ສະຫາຍຮອງເລຂາ-ຄະນະປະຈຳ ແລະບັນດາວຽກງານທີ່ກ່ຽວຂ້ອງ ກໍໄດ້ນຳສະເໜີແຕ່ລະວຽກງນຕາມລຳດັບ.ໂດຍລວມມີເອກະສານພື້ນຖານທິດສະດີ ມາກ-ເລນິນ, ແນວຄິດ ໄກສອນ ພົມວິຫານ, ເຜີຍແຜ່ມະຕິຕົກລົງ ວ່າດ້ວຍແຜນດໍາເນີນງານ ແລະ ລະບອບວິທີເຮັດວຽກ ຂອງຄະນະບໍລິຫານງານພັກແຂວງ ສະໄໝທີ X, ມະຕິກອງປະຊຸມວຽກງານການເມືອງ-ແນວຄິດ ທົ່ວປະເທດ ຄັ້ງທີ V ຄັ້ງ ວັນທີ 17-18 ພະຈິກ 2022, ການສ້າງພັກປອດໃສ ເຂັ້ມແຂງ ໜັກແໜ້ນ (ຄໍາແນະນໍາ ເລກທີ 28/ຄຈສພ, ລົງວັນທີ 14 ກຸມພາ 2025), ແນວທາງປ້ອງກັນຊາດ ແລະ ປ້ອງກັນຄວາມສະຫງົບທົ່ວປວງຊົນ ຮອບດ້ານໃນໄລຍະໃໝ່ ຕາມ 4 ເນື້ອໃນ 4 ຄາດໝາຍ, ວຽກງານອົງການຈັດຕັ້ງມະຫາຊົນຂອງພັກ, ຍົກສູງບົດບາດວຽກງານກວດກາພັກ-ກວດກາລັດ, ຕ້ານ ແລະ ສະກັດກັນ ການສໍ້ລາດບັງຫຼວງ. ໂດຍມີການແບ່ງໜ່ວຍຄົ້ນຄ້ວສົົນທະນາ ພ້ອມທັງສ້າງບົດເກັບກ່ຽວຂອງແຕ່ລະໜ່ວຍ. ຫົວຂໍ້ທີ 2 ເພີ່ມທະວີສ້າງແຂວງໃຫ້ເປັນຫົວໜ່ວຍຍຸດທະສາດ ຢ່າງໜັກແໜ້ນ ມະຕິ 25/ກມສພ, ລົງວັນທີ 22 ທັນວາ 2014, ຄໍາສັ່ງ 34/ນຍ, ລົງວັນທີ 23 ສິງຫາ 2016, ຄໍາແນະນໍາ 02/ພນ ລົງວັນທີ 14 ກຸມພາ 2017. ຜ່ານມາດຖານເປັນຫົວໜ່ວຍຍຸດທະສາດ ດ້ານການກໍ່ສ້າງພັກ-ພະນັກງານ; ມາດຖານເປັນຫົວໜ່ວຍຍຸດທະສາດ ດ້ານການປົກຄອງ ແລະ ການບໍລິຫານລັດ ດ້ວຍກົດໝາຍທີ່ສັກສິດ, ມາດຖານເປັນຫົວໜ່ວຍຍຸດທະສາດ ດ້ານການຊຸກດັນການຂະຫຍາຍຕົວຂອງເສດຖະກິດແຫ່ງຊາດ ໂດຍມີຍຸດທະສາດ ແລະ ມີແຜນພັດທະນາ, ມີທິດກຳນົດໃນການຂຸດຄົ້ນ ແລະ ເສີມຂະຫຍາຍທ່າແຮງ ໃນດ້ານຕ່າງໆທີ່ມີຢູ່ພາຍໃນທ້ອງຖິ່ນຂອງຕົນ, ມາດຖານເປັນຫົວໜ່ວຍຍຸດທະສາດດ້ານການເງິນຂອງປະເທດ, ມາດຖານເປັນຫົວໜ່ວຍຍຸດທະສາດ ດ້ານການຄຸ້ມຄອງ, ຂຸດຄົນ ແລະ ນໍາໃຊ້ແຫຼ່ງຊັບພະຍາກອນທຳມະຊາດ, ຊັບສິນຂອງລັດ, ພື້ນຖານໂຄງລ່າງດ້ານເສດຖະກິດ-ສັງຄົມ, ພື້ນຖານວັດຖຸ-ເຕັກນິກ ແລະ ປົກປັກຮັກສາສິ່ງແວດລ້ອມໃຫ້ມີປະສິດທິພາບ ແລະ ຖືກຕ້ອງຕາມກົດໝາຍກຳນົດ ຢ່າງເຂັ້ມງວດ, ມາດຖານເປັນຫົວໜ່ວຍຍຸດທະສາດ ດ້ານການຄຸ້ມຄອງວັດທະນະທຳ-ສັງຄົມ ແລະ ການພັດທະນາຊັບພະຍາກອນມະນຸດ, ມາດຖານເປັນຫົວໜ່ວຍຍຸດທະສາດດ້ານການປ້ອງກັນຊາດ-ປ້ອງກັນຄວາມສະຫງົບ ທີ່ເຂັ້ມແຂງ. ຫົວຂໍ້ທີ 3 ຕັ້ງໜ້າສ້າງເສດຖະກິດເອກະລາດເປັນເຈົ້າຕົນເອງ ມະຕິ 04/ກມສພ, ລົງວັນທີ 11 ເມສາ 2022, ມະຕິ 05/ລບ ລົງວັນທີ 21 ພຶດສະພາ 2024. ຜ່ານເອກະສານຊຸກຍູ້ການຜະລິດພາຍໃນເພື່ອທົດແທນການນໍາເຂົ້າ ແລະ ເປັນສິນຄ້າສົ່ງອອກ ຕາມທ່າແຮງບົ່ມຊ້ອນ. ປົກປັກຮັກສາ, ປັບປຸງສິ່ງແວດລ້ອມ ແລະ ລະບົບນິເວດ ໃຫ້ສົມບູນດີຂຶ້ນຕາມທິດສີຂຽວ, ມີຄວາມຍືນຍົງ ແລະ ນໍາໃຊ້ຊັບພະຍາກອນທຳມະຊາດໃຫ້ເກີດຜົນປະໂຫຍດສູງສຸດ, ປຸງແຕ່ງກະສິກຳ, ອຸດສາຫະກຳທີ່ເປັນຕ່ອງໂສ້ການຜະລິດ ໂດຍການສົ່ງເສີມ ແລະ ພັດທະນາຈຸນລະວິສາຫະກິດ,ວິສາຫະກິດຂະໜາດນ້ອຍ ແລະ ກາງ ໃຫ້ມີຄວາມເຂັ້ມແຂງ ແລະ ສາມາດແຂ່ງຂັນກັບພາກພື້ນ. ສົ່ງເສີມການຜະລິດພະລັງງານໄຟຟ້າໃຫ້ພຽງພໍກັບຄວາມຕ້ອງການຊົມໃຊ້ ທົ່ວສັງຄົມ, ປັບປຸງ ແລະ ສ້າງພື້ນຖານໂຄງລ່າງທາງດ້ານການຄົມມະນາຄົມຂົນສົງ ທີ່ ຈໍາເປັນ ເພື່ອອຳນວຍໃຫ້ປະຊາຊົນຢ່າງສະດວກທົ່ວເຖິງ, ການພັດທະນາແລວທາງເສດຖະກິດຕ່າງໆ (ຍົກລະດັບເສັ້ນທາງຍຸດທະສາດ ໃນການເຊື່ອມໂຍງ-ເຊື່ອມຈອດກັບພາກພື້ນພາກ ແລະ ສາກົນໃຫ້ມີມາດຕະຖານ). ອະນຸລັກ, ປົກປັກຮັກສາ, ສືບທອດ, ຟື້ນຟູ ແລະ ເສີມຂະຫຍາຍມູນເຊື້ອ, ຄຸນຄ່າມໍຣະດົກວັດທະນະທຳອັນດີງາມຂອງຊາດໃຫ້ມີຄວາມຍືນຍົງ ພັດທະນາອະລິຍະທຳທາງດ້ານວັດຖຸ ແລະ ຈິດໃຈໃນສັງຄົມ. ຄຽງຄູ່ກັບການພັດທະນາວຽກງານສື່ສານມວນຊົນຍຸກໃໝ່, ວ່ອງໄວຫັນໄປສູ່ທັນສະໄໝ (ລະບົບເອເລັກໂຕນິກ) ແລະ ພັດທະນາແຫຼ່ງທ່ອງທ່ຽວ, ຍົກລະດັບມາດຕະຖານການບໍລິການ ແລະ ສ້າງສິ່ງດຶງດູດຕາມວົງຈອນການທ່ອງທ່ຽວ ພາຍໃນແຂວງ, ພັດທະນາສີມືແຮງງານ, ຊອກຫາຕະຫຼາດແຮງງານ ແລະ ຕອບສະໜອງແຮງງານ ໃຫ້ແກ່ການພັດທະນາໃຫ້ໄດ້ທັງປະລິມານ, ຄຸນນະພາບ ແລະ ມີລາຍໄດ້ທີ່ສົມເຫດສົມຜົນ. ຫົວຂໍ້ທີ 4 ສຸມໃສ່ແກ້ໄຂຄວາມທຸກຍາກຂອງປະຊາຊົນໃຫ້ໄດ້ໂດຍພື້ນຖານ, ຜ່ານດຳລັດ 348/ລບ, ລົງວັນທີ 16 ພະຈິກ 2017, ກົດໝາຍ ວ່າດ້ວຍການຈັດສັນພູມລຳເນົາ ແລະ ອາຊີບ ເລກທີ 45/ສພຊ, ລົງວັນທີ 15 ມິຖຸນາ 2018. ມາດຖານເມືອງພົ້ນທຸກ, ມາດຖານບ້ານພົ້ນທຸກ, ມາດຖານຄອບຄົວພົ້ນທຸກ ໂດຍມີການອະທິບາຍບັນດາມາດຕະຖານ ແລະ ວິທີແກ້ໄຂ.
(ແລ່ງຂ່າວ: ແຂວງສະຫວັນນະເຂດ
ຄໍາເຫັນ