ໄດ້ຈັດຂຶ້ນໃນວັນທີ 15 ຕຸລານີ້ທີ່ຫ້ອງປະຊຸມອົງການຄຸ້ມຄອງບໍລິຫານເຂດເສດຖະກິດພິເສດ ສາມຫຼ່ຽມຄໍາ, ໂດຍການເປັນປະທານຂອງ ສະຫາຍ ພົນຕີ ສາຍໄຈ ກົມມະສິດ ຮອງເລຂາພັກແຂວງ ຮອງເຈົ້າແຂວງບໍ່ແກ້ວ, ສະຫາຍ ບຸນທອງ ແສງສີກອງ ກຳມະການພັກແຂວງ ເລຂາໜ່ວຍພັກຄະນະຄຸ້ມຄອງເຂດເສດຖະກິດພິເສດແຂວງບໍ່ແກ້ວ. ມີຕາງໜ້າຄະນະຈັດຕັ້ງແຂວງ, ຄະນະກວດກາພັກ-ລັດແຂວງ, ຄະນະໜ່ວຍພັກ, ຕາງໜ້າຄະນະພັກຮາກຖານປ້ອງກັນຄວາມສະຫງົບເຂດ, ສະມາຊິກພັກສົມບູນ-ສຳຮອງ ເຂົ້າຮ່ວມ 39 ສະຫາຍ ຍິງ 5 ສະຫາຍ.
ສະຫາຍ ແກ້ວລາ ນໍລະສິງ ຮອງຫົວໜ້າຄະນະຈັດຕັ້ງແຂວງບໍ່ແກ້ວ ໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 254/ຄປພຂ.ບກ ລົງວັນທີ 11 ມີນາ 2024. ວ່າດ້ວຍການຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023. ໃຫ້ກຽດຂຶ້ນມອບໃບຢັ້ງຍືນຄັ້ງນີ້ໂດຍ ສະຫາຍ ພົນຕີສາຍໄຈ ກົມສະສິດ, ເປັນກຽດຂຶ້ນຮັບໃບຢັ້ງຍືນໂດຍສະຫາຍ ບຸນທອງ ແສງສີກອງ ພ້ອມຄະນະ, ໃນໂອກາດນີ້ ສະຫາຍ ພົນຕີ ສາຍໄຈ ກົມມະສິດ ໄດ້ມີບາງຄຳເຫັນຕໍ່ພິທີ ຊຶ່ງກ່ອນອື່ນສະຫາຍ ໄດ້ຍ້ອງຍໍຊົມເຊີຍ ຕໍ່ຜົນສຳເລັດວຽກງານດ້ານຕ່າງໆທີ່ຍາດມາໄດ້ໃນໄລຍະຜ່ານມາ, ໂດຍສະເພາະແມ່ນວຽກງານການຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ, ສາມາດຮັບຮອງ ແລະ ຢັ້ງຍືນໜ່ວຍພັກຄະນະຄຸ້ມຄອງເຂດເສດຖະກິດພິເສດ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ພ້ອມນີ້ສະຫາຍຍັງໄດ້ເນັ້ນໜັກບາງບັນຫາໃນການປັບປຸງແບບແຜນວິທີເຮັດວຽກ, ແບບແຜນການນຳພາຕິດພັນກັບຂະບວນການຮັກຊາດ ແລະ ພັດທະນາ, ຄະນະພັກ, ສະມາຊິກພັກທຸກສະຫາຍ ຕ້ອງໄດ້ສືບຕໍ່ເອົາໃຈໃສ່ສຶກສາອົບຮົມການເມືອງແນວຄິດ, ເຕົ້າໂຮມຄວາມສາມັກຄີພາຍໃນພາຍນອກໃຫ້ ແໜ້ນແຟ້ນ, ສຶືບຕໍ່ແກ້ໄຂວຽກງານທີ່ຍັງຄົງຄ້າງໃຫ້ທັນສະພາບການ, ຖືເອົາການປັບປຸງ-ກໍ່ສ້າງພັກຕາມ 5 ຫຼັກການ, 3 ທິດນຳ, ຮັບປະກັນ 3 ລັກສະນະ ແລະ ຮັກສາມູນເຊື້ອການເປັນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ຕິດພັນກັບວຽກງານການຄຸ້ມຄອງເຂດເສດຖະກິດພິເສດສາມຫຼ່ຽມຄໍາ ໃຫ້ມີບົດບາດກ້າວໜ້າໜັກແໜ້ນ, ເລິກເຊິ່ງ ທັນສະໄໝ ແລະ ເຕີບໃຫຍ່ຂະຫຍາຍຕົວເປັນກ້າວໆ.
(ຂ່າວ: ແຂວງບໍ່ແກ້ວ)
ຄໍາເຫັນ