 |
ທ່ານ ວໍ ຈ໋ອງ ຮາຍ ໄດ້ຕາງໜ້າໃຫ້ຄະນະກຳມະການປົກຄອງແຂວງເຫງະອານ ກ່າວອວຍພອນໄຊອັນປະເສີດທີ່ເຕັມໄປດ້ວຍໄມຕີຈິດມິດຕະພາບຢ່າງສູງ ມາຍັງຄະນະນຳ; ຄະນະພັກ-ຄະນະບັນຊາ ພ້ອມດ້ວຍພະນັກ ງານ-ນັກຮົບທົ່ວກຳລັງ ປກສ ຈົ່ງມີສຸຂະພາບແຂງແຮງ, ມີພະລານາໄມສົມບູນ ເຮັດສຳເລັດໜ້າທີ່ ທີ່ການຈັດຕັ້ງພັກ-ລັດມອບໝາຍໃຫ້. ພ້ອມນີ້, ກໍໄດ້ຕີລາຄາສູງຕໍ່ການພົວພັນຮ່ວມມືຮອບດ້ານໃນໄລຍະຜ່ານມາລະຫວ່າງແຂວງເຫງະອານ ແລະ ແຂວງທີ່ມີຊາຍແດນຕິດຈອດກັນ ພ້ອມທັງຈະສືບຕໍ່ຮ່ວມມືກັນໃນຕໍ່ໜ້າໃຫ້ເກີດປະໂຫຍດສູງສຸດຕໍ່ປະຊາຊົນສອງຊາດລາວ-ຫວຽດນາມໃຫ້ໝັ້ນຄົງຂະໜົງແກ່ນຕະຫຼອດໄປ.
ໂອກາດດັ່ງກ່າວ, ທ່ານ ພົທ ວັນທອງ ກອງມະນີ ໄດ້ກ່າວຕ້ອນຮັບຢ່າງອົບອຸ່ນ ພ້ອມທັງສະແດງຄວາມຂອບໃຈມາຍັງທ່ານ ວໍ ຈ໋ອງ ຮາຍ ພ້ອມຄະນະ ທີ່ເຫັນໄດ້ຄວາມໝາຍຄວາມສຳຄັນຕໍ່ວັນດັ່ງກ່າວ ແລະ ນໍາເອົາຄວາມຢ້ຽມຢາມຖາມຂ່າວອັນດີມາສູ່ນາຍ ແລະ ພົນຕຳຫຼວດ ທົ່ວກຳລັງ ປກສ ໃນຄັ້ງນີ້, ສະແດງໃຫ້ເຫັນເຖິງສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືຮອບດ້ານ; ເຊື່ອໝັ້ນວ່າ ການພົວພັນຮ່ວມມື ຈະສືບຕໍ່ກວ້າງຂວາງກວ່າເກົ່າ ປະກອບສ່ວນຢ່າງຕັ້ງໜ້າ ໃນການເພີ່ມທະວີສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ເວົ້າສະ ເພາະ ລະຫວ່າງກຳລັງ ປກສ ແຂວງເຫງະອານ ແລະ ກຳລັງ ປກສ ແຂວງທີ່ມີຊາຍແດນຕິດຈອດກັນ, ສືບຕໍ່ຮ່ວມມືກັນໃນການສະກັດກັ້ນບັນຫາອາຊະຍາກຳ ເປັນຕົ້ນ ແມ່ນບັນຫາຄ້າ-ຂາຍຢາເສບຕິດ; ຄ້າຂາຍເຖື່ອນ ແລະ ບັນຫາອື່ນໆ ເພື່ອເຮັດໃຫ້ຊາຍແດນທັງສອງປະເທດ ເປັນຊາຍແດນມິດຕະພາບ ແລະ ສະຫງົບປອດໄພ.
ຂ່າວ-ພາບ: ບຸນພະຈັນ
ຄໍາເຫັນ