 |
ກອງປະຊຸມຄັ້ງນີ້, ໄດ້ເຜີຍແຜ່ກົດໝາຍທ້ອງຖິ່ນສະບັບເລກທີ 78/ສພຊ, ລົງວັນທີ 20ມີນາ2025, ຜ່ານຮ່າງແຜນດຳເນີນງານຂອງຄະນະກຳມະການປົກຄອງແຂວງ, ຜ່ານຮ່າງຂໍ້ຕົກລົງແບ່ງຄວາມຮັບຜິດຊອບຂອງປະທານ-ຮອງປະທານຄະນະກຳມະການປົກຄອງແຂວງ, ຜັນຂະຫຍາຍແຜນພັດທະນາເສດຖະກິດ-ສັງຄົມ 5 ປີຄັ້ງທີ X ຂອງແຂວງສະຫວັນນະເຂດ (2026-2030). ຈາກນັ້ນ, ບັນດາສະຫາຍທີ່ເຂົ້າຮ່ວມໄດ້ປະກອບຄຳເຫັນຕໍ່ບັນຫາຕ່າງໆທີ່ຢູ່ພາຍໃຕ້ຄວາມຮັບຜິດຊອບຂອງຕົນ.
ໃນກອງປະຊຸມ, ສະຫາຍເລຂາພັກແຂວງ ໄດ້ມີຄໍາເຫັນເຈາະຈີ້ມບັນຫາຕ່າງໆຢ່າງເລິກເຊິ່ງ, ໃຫ້ຮູ້ເຖິງກົກປາຍສາເຫດຂອງບັນຫາທີ່ຍັງຄົງຄ້າງ ແລະ ພ້ອມກັນປຶກສາຫາລືເພື່ອຫາຊ່ອງທາງແກ້ໄຂຢ່າງມີປະສິດທິຜົນ. ກອງປະຊຸມຄັ້ງນີ້, ຍັງໄດ້ມີການປະກາດແຕ່ງຕັ້ງປະທານ-ຮອງປະທານຄະນະກຳມະການປົກຄອງເມືອງ, ຜ່ານຂໍ້ຕົກລົງວ່າດ້ວຍການແຕ່ງຕັ້ງພະນັກງານສະບັບເລກທີ 65/ຄປຂ, ລົງວັນທີ 26 ມັງກອນ 2026. ໃນນີ້, ຄະນະກຳມະການປົກຄອງແຂວງ ຕົກລົງແຕ່ງຕັ້ງທ່ານ ເລນິນນະຄອນ ຣາຊາສັກ ເປັນວ່າການຫົວໜ້າຫ້ອງການຄະນະກຳມະການສົ່ງເສີມ ແລະ ຄຸ້ມຄອງການລົງທຶນແຂວງ, ແຕ່ງຕັ້ງທ່ານ ນາງ ເພັດສະ ໄໝ ແສງສຸລາດ ແລະ ທ່ານ ສຸກສາຄອນ ໄຊຊະນະ ເປັນຮອງຫົວໜ້າຄະນະກຳມະການສົ່ງເສີມ ແລະ ຄຸ້ມຄອງການລົງທຶນແຂວງ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ