![]() |
ສະຫາຍ ເລກວັກມິງ ໄດ້ກ່າວສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ຄະນະພ້ອມທັງສະແດງຄວາມຍ້ອງຍໍຊົມເຊີຍສະຫາຍ ສີວັນ ຫອມໄຊຍະເດດ ທີ່ໄດ້ຮັບໜ້າທີ່ເປັນຫົວໜ້າບັນນາທິການໃຫຍ່ໜັງສືພິມປະຊາຊົນ ໃນການພົບປະຄັ້ງນີ້ສະຫາຍໄດ້ລາຍງານໃຫ້ຮູ້ເຖິງສະພາບການປະຕິບັດໜ້າທີ່ຂອງໜັງສືພິມເຢິນເຢິນໃນການໂຄສະນາຮັບໃຊ້ສັງຄົມ ຊຶ່ງໃນໄລຍະຜ່ານມາໜັງສືພິມເຢິນເຢິນໄດ້ຊ່ວຍສ້າງເວັບໄຊໃໝ່ທັນສະໄໝວ່ອງໄວທັນເຫດການໃຫ້ໜັງສືພິມປະຊາຊົນ ເຫັນວ່າຜູ້ອ່ານສາມາດເຂົ້າເບິ່ງໄດ້ງ່າຍຕອບສະໜອງໄດ້ຕາມຄວາມຮຽກຮ້ອງຕ້ອງການຂອງສັງຄົມ.
![]() |
ຈາກນັ້ນ, ສະຫາຍ ສີວັນ ຫອມໄຊຍະເດດ ໄດ້ກ່າວສະແດງຄວາມຂອບໃຈ ແລະ ຕີລາຄາສູງຕໍ່ ສະຫາຍ ເລກວັກມິງ ພ້ອມທັງລາຍງານໃຫ້ຮັບຊາບວ່າ: ການເຄື່ອນໄຫວຢ້ຽມຢາມຄັ້ງນີ້ລວມມີ 5 ສະຫາຍທີ່ມາຈາກໜັງສືພິມປະຊາຊົນ ແລະ ຫ້ອງການຄະນະໂຄສະນາອົບຮົມສູນກາງພັກ. ພ້ອມທັງລາຍງານສະພາບຈຸດພິເສດການເຄື່ອນໄຫວຂອງໜັງສືພິມປະຊາຊົນຕະຫຼອດໄລຍະຜ່ານມາໃຫ້ຮັບຊາບ. ທັງນີ້, ເພື່ອຢ້ຽມຢາມ, ແລກປ່ຽນບົດຮຽນຊຶ່ງກັນ ແລະ ກັນ ເສີມຂະຫຍາຍມູນເຊື້ອອັນດີງາມຂອງສອງໜັງສືພິມໃຫ້ໝັ້ນຄົງຕະຫຼອດໄປ. ໂອກາດນີ້, ສະຫາຍຫົວໜ້າບັນນາທິການໃຫຍ່ໜັງສືພິມປະຊາຊົນ ໄດ້ສະເໜີໃຫ້ໜັງສືພິມເຢິນເຢິນຊ່ວຍຝຶກອົບຮົມສ້າງບຸກຄະລາກອນ, ຊ່ວຍເຫຼືອດ້ານອຸປະກອນຄອມພິວເຕີເພື່ອຍົກລະດັບຄຸນພາບຂອງໜັງສືພິມປະຊົນໃຫ້ດີຂຶ້ນ.
![]() |
ໂອກາດນີ້, ຂໍສະແດງຄວາມຂອບໃຈ ທາງຄະນະນໍາ ກໍຄືພະນັກງານ-ລັດຖະກອນ ໜັງສືພິມເຢິນເຢິນ ຊຶ່ງເວລາໃດກໍໃຫ້ການສະໜັບສະໜູນ, ຊ່ວຍເຫຼືອ ໜັງສືພິມ ປະຊາຊົນ ຕະຫຼອດມາ ທັງທາງດ້ານວັດຖຸ ແລະ ຈິດໃຈ. ໂອກາດນີ້ ຕາງໜ້າຄະນະຜູ້ແທນລາວ ຂໍນໍາເອົາຄໍາຢ້ຽມຢາມຖາມຂ່າວ, ຄວາມຮັກແພງ ຈາກຄະນະໂຄສະນາອົບຮົມສູນກາງພັກ ມາຍັງຄະນະນໍາ ໜັງສືພິມ ເຢິນເຢິນ ອວຍພອນບັນດາສະຫາຍ ຈົ່ງມີສຸຂະພາບແຂງແຮງ, ມີພະລານາໄມສົມບູນທຸກປະການ.
ຂ່າວ: ພູວັນ



ຄໍາເຫັນ