 |
ຊຸດຝຶກອົບຮົມ ຄັ້ງນີ້, ນັກຝຶກອົບຮົມ ໄດ້ຮຽນຮູ້ ແລະ ແລກປ່ຽນບົດຮຽນຢ່າງກົງໄປ-ກົງມາກ່ຽວກັບການແກ້ໄຂຂໍ້ຂັດແຍ່ງໂດຍສະເພາະແມ່ນຂັ້ນຕອນ, ວິທີການ ແລະ ຫຼັກການພື້ນຖານໃນການແກ້ໄຂຂໍ້ຂັດແຍ່ງກ່ຽວກັບທີ່ດິນ ແລະ ໄດ້ຮັບຮູ້ເຂົ້າໃຈກ່ຽວກັບການຂຽນຄໍາຮ້ອງ-ຄໍາສະເໜີ, ການສ້າງບົດບັນທຶກຕ່າງໆທີ່ກ່ຽວຂ້ອງກັບການໄກ່ເກ່ຍຂໍ້ຂັດແຍ່ງ ແລະ ເອົາໃຈໃສ່ປະຕິບັດພາລະບົດບາດ, ສິດ ແລະ ໜ້າທີ່ຕາມດໍາລັດ 626/ລບ ວ່າດ້ວຍການໄກ່ເກ່ຍຂໍ້ຂັດແຍ່ງຂັ້ນບ້ານ.
 |
ໂອກາດນີ້, ທ່ານ ສີຄານ ແກ່ນມະນີ ໄດ້ກ່າວວ່າ: ການຝຶກອົບຮົມຄັ້ງນີ້, ແມ່ນມີຄວາມໝາຍຄວາມສໍາຄັນຫຼາຍໃນການຈັດຕັ້ງປະຕິບັດແນວທາງນະໂຍບາຍຂອງພັກ, ກົດໝາຍຂອງລັດ ແລະ ລະບຽບການຕ່າງໆເພື່ອຫັນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມໄປຕາມທິດການປົກຄອງລັດດ້ວຍກົດໝາຍ ໂດຍເລີ່ມຈາກຮາກຖານບ້ານຂຶ້ນມາ. ສະນັ້ນ, ຄະນະໜ່ວຍໄກ່ເກ່ຍຂໍ້ຂັດຂັດແຍ່ງຂັ້ນບ້ານທີ່ໄດ້ເຂົ້າຮ່ວມຝຶກອົບຮົມໃນຄັ້ງນີ້ ນໍາເອົາເນື້ອໃນການອົບຮົມໃນໄປຄົ້ນຄວ້າ, ຈັດຕັ້ງປະຕິບັດເພື່ອແກ້ໄຂບັນຫາປະກົດການຫຍໍ້ທໍ້ ແລະ ຂໍ້ຂັດແຍ່ງກ່ຽວກັບທີ່ດິນທີ່ເກີດຂຶ້ນຢູ່ຂັ້ນບ້ານໃຫ້ມີຄວາມສະຫງົບ ແລະ ເປັນລະບຽບຮຽບຮ້ອຍ.
(ແຫຼ່ງຂ່າວ: ເມືອງແກ່ນທ້າວ)
ຄໍາເຫັນ