ກັບຄະນະພັກ-ອົງການປົກຄອງແຂວງວຽງຈັນໂດຍການເຂົ້າຮ່ວມຂອງສະຫາຍຄຳພັນສິດທິດດຳພາກຳມະການສູນກາງພັກເລຂາພັກແຂວງເຈົ້າແຂວງວຽງຈັນ, ສະຫາຍດາວສະຫວັນເຄືອມີໄຊຄະນະປະຈຳພັກຮອງຫົວໜ້າ ສມປຊ, ມີການນຳຂອງແຂວງແລະຄະນະຊຸດຝຶກອົບຮົມເຂົ້າຮ່ວມ.
ສະຫາຍດາວສະຫວັນເຄືອມີໄຊກ່າວວ່າ: ຊຸດຝຶກອົບຮົມຫົວຂໍ້ສະເພາະໃຫ້ພະນັກງານນໍາພາ-ຄຸ້ມຄອງຂັ້ນສູງຊຸດທີIໄດ້ເປີດຂຶ້ນຢ່າງເປັນທາງການແຕ່ວັນທີ24ມີນາ - 11ເມສາ2025, ມີຜູ້ເຂົ້າຮ່ວມທັງໝົດ43ທ່ານຍິງ10ທ່ານ. ຕະຫຼອດໄລຍະຝຶກອົບຮົມຜູ້ເຂົ້າຮ່ວມໄດ້ຮັບຟັງການລາຍງານ ຫົວຂໍ້ລົງເລິກ13ຫົວຂໍ້ກ່ຽວກັບວຽກງານພັກ, ວຽກງານພະນັກງານ, ວຽກງານປ້ອງກັນຊາດ, ປ້ອງກັນຄວາມສະຫງົບ, ວຽກງານການຕ່າງປະເທດ, ແບບແຜນວິທີເຮັດວຽກແລະເຊື່ອມຊຶມກຳແໜ້ນເອກະສານສໍາຄັນຈຳນວນໜຶ່ງຂອງພັກເປັນຕົ້ນແມ່ນບົດລາຍງານການເມືອງຂອງພັກ, ໂຄງການການເມືອງ, ແຜນພັດທະນາເສດຖະກິດ-ສັງຄົມແຫ່ງຊາດແລະກົດລະບຽບພັກແລະລົງທັດສະນະສຶກສາເບິ່ງຕົວແບບການຜະລິດ, ການບໍລິການຈໍານວນໜຶ່ງຢູ່ນະຄອນຫຼວງວຽງຈັນ. ການມາຄັ້ງນີ້,ຄະນະຮັບຜິດຊອບໄດ້ຕົກລົງນໍາເອົາຊຸດຝຶກອົບຮົມ ລົງມາທັດສະນະສຶກສາຢູ່ແຂວງວຽງຈັນ, ເນື່ອງຈາກວ່າແຂວງວຽງຈັນເປັນແຂວງໜຶ່ງທີ່ມີທ່າແຮງທາງດ້ານເສດຖະກິດເປັນຕົ້ນແມ່ນດ້ານການຜະລິດເປັນສິນຄ້າ, ການບໍລິການທ່ອງທ່ຽວ, ການຜະລິດຫັດຖະກຳແລະອື່ນໆ.
ສະຫາຍຄຳພັນສີດທິດຳພາໄດ້ກ່າວສະແດງຄວາມຕ້ອນຮັບຢ່າງອົບອຸ່ນ ຕໍ່ຄະນະຊຸດຝຶກອົບຮົມພ້ອມລາຍງານສະພາບລວມຂອງແຂວງ, ການຈັດຕັ້ງປະຕິບັດວຽກງານທີ່ປິ່ນອ້ອມພາຍໃນແຂວງເປັນຕົ້ນ: ຫຼັກການແລະວິທີນຳພາຂອງພັກ, ການກວດກາແລະວິໄນພາຍໃນພັກ, ການນໍາພາຂອງພັກຕໍ່ວຽກງານພະນັກງານຄວາມຮັບຜິດຊອບທາງການເມືອງຂອງພະນັກງານນໍາພາຄຸ້ມຄອງ, ວຽກງານປ້ອງກັນຊາດ-ປ້ອງກັນຄວາມສະຫງົບ,ການຄຸ້ມຄອງເສດຖະກິດແລະສັງຄົມຂອງແຂວງວຽງຈັນ.
ພ້ອມນີ້, ບັນດາຜູ້ເຂົ້າຮ່ວມຍັງໄດ້ສົນທະນາແລກປ່ຽນບົດຮຽນບາງບັນຫາ ທີ່ເຫັນວ່າມີຄວາມສົນໃຈເປັນຕົ້ນແມ່ນວຽກງານແກ້ໄຂຄວາມທຸກຍາກ, ວຽກງານປ້ອງກັນຊາດ-ປ້ອງກັນຄວາມສະຫົງບລຽບຕາມຊາຍແດນແລະວຽກງານລົງກໍ່ສ້າງຮາກຖານການເມືອງ.
ໃນໂອກາດນີ້, ຄະນະຊຸດຝຶກອົບຮົມ ຍັງໄດ້ເດີນທາງໄປຊົມທ້ອງຟ້າຈຳລອງທີ່ສວນພຶກສາສາດບ້ານຫ້ວຍໂຄ້ງແລະທ່ຽວຊົມອ່າງນ້ຳງື່ມ 1 ເມືອງແກ້ວອຸດົມຕື່ມອີກ.
(ຂ່າວ-ພາບ: ສມປຊ)
ຄໍາເຫັນ