ວັນທີ 5 ມີນາຜ່ານມານີ້, ທ່ານ ຄໍາພັນ ຈະເລີນຜົນ ຫົວໜ້າກົມສະຖິຕິເສດຖະກິດ ສູນສະຖິຕິແຫ່ງຊາດ ພ້ອມດ້ວຍຄະນະວິຊາການ ແລະ ຂະແໜງສະຖິຕິພະແນກແຜນການ ແລະ ການລົງທຶນ 5 ແຂວງພາກເໜືອ (ແຂວງ ບໍ່ແກ້ວ, ອຸດົມໄຊ, ຫຼວງພະບາງ, ໄຊຍະບູລີ ແລະ ແຂວງຊຽງຂວາງ) ໄດ້ລົງມາເຄື່ອນໄຫວຢ້ຽມຢາມ ແລະ ແລກປ່ຽນບົດຮຽນວຽກງານສະຖິຕິເສດຖະກິດຢູ່ເມືອງທຸລະຄົມ ແຂວງວຽງຈັນ.
ທ່ານ ຄໍາມະນີ ລາດຊະມີໄຊ ຫົວໜ້າຫ້ອງການແຜນການ ແລະ ການລົງທຶນເມືອງທຸລະຄົມ ໄດ້ຂຶ້ນລາຍງານກ່ຽວກັບສະພາບລວມ, ຈຸດພິເສດ, ທ່າແຮງຂອງເມືອງ, ສະພາບລວມ ແລະ ການເຄື່ອນໄຫວວຽກງານຂອງຫ້ອງການແຜນການ ແລະ ການລົງທຶນເມືອງໃນໄລຍະຜ່ານມາ ໂດຍລົງເລິກວຽກງານສະຖິຕິເສດຖະກິດ. ຕະຫຼອດໄລຍະຜ່ານມາ, ຄະນະນໍາຫ້ອງການ ກໍຄືໜ່ວຍງານສະຖິຕິ ໄດ້ເອົາໃຈໃສ່ເກັບກໍາ, ສັງລວມ ແລະ ລາຍງານຂໍ້ມູນສະຖິຕິດ້ານເສດຖະກິດ-ສັງຄົມ ນັບແຕ່ຂັ້ນເມືອງຮອດຂັ້ນບ້ານ ລາຍງານໃຫ້ອົງການປົກຄອງເມືອງ ແລະ ສາຍຕັ້ງຂັ້ນເທິງຖັດຕົນ ເພື່ອສະໜອງຂໍ້ມູນເຂົ້າໃນການສ້າງແຜນພັດທະນາເສດຖະກິດ-ສັງຄົມຂອງເມືອງໃນແຕ່ລະໄລຍະ.
ທ່ານ ຫົວໜ້າກົມສະຖິຕິເສດຖະກິດ ສູນສະຖິຕິແຫ່ງຊາດ ໄດ້ມີຄໍາເຫັນຕໍ່ກອງປະຊຸມ. ກ່ອນອື່ນທ່ານໄດ້ກ່າວຍ້ອງຍໍຊົມເຊີຍຕໍ່ຫ້ອງການແຜນການ ແລະ ການົລງທຶນເມືອງ, ໜ່ວຍງານສະຖິຕິ ທີ່ສາມາດບໍລິຫານວຽກງານໄດ້ຢ່າງເປັນລະບົບ, ຍາດໄດ້ຜົນງານຫຼາຍດ້ານ, ຕົ້ນຕໍແມ່ນສາມາດເຄື່ອນໄຫວປະຕິບັດວຽກງານສະຖິຕິໄດ້ດີ. ຈາກນັ້ນ ທ່ານ ໄດ້ສະເໜີໃຫ້ຄະນະວິຊາການ ແລະ ຂະແໜງສະຖິຕິ ພະແນກແຜນການ 5 ແຂວງ ມີຄໍາເຫັນຖອດຖອນບົດຮຽນຊຶ່ງກັນ ແລະ ກັນ.
(ຂ່າວ: ບ່າວທົ່ງ-ລ້ອງງື່ມ).
ທ່ານ ຄໍາມະນີ ລາດຊະມີໄຊ ຫົວໜ້າຫ້ອງການແຜນການ ແລະ ການລົງທຶນເມືອງທຸລະຄົມ ໄດ້ຂຶ້ນລາຍງານກ່ຽວກັບສະພາບລວມ, ຈຸດພິເສດ, ທ່າແຮງຂອງເມືອງ, ສະພາບລວມ ແລະ ການເຄື່ອນໄຫວວຽກງານຂອງຫ້ອງການແຜນການ ແລະ ການລົງທຶນເມືອງໃນໄລຍະຜ່ານມາ ໂດຍລົງເລິກວຽກງານສະຖິຕິເສດຖະກິດ. ຕະຫຼອດໄລຍະຜ່ານມາ, ຄະນະນໍາຫ້ອງການ ກໍຄືໜ່ວຍງານສະຖິຕິ ໄດ້ເອົາໃຈໃສ່ເກັບກໍາ, ສັງລວມ ແລະ ລາຍງານຂໍ້ມູນສະຖິຕິດ້ານເສດຖະກິດ-ສັງຄົມ ນັບແຕ່ຂັ້ນເມືອງຮອດຂັ້ນບ້ານ ລາຍງານໃຫ້ອົງການປົກຄອງເມືອງ ແລະ ສາຍຕັ້ງຂັ້ນເທິງຖັດຕົນ ເພື່ອສະໜອງຂໍ້ມູນເຂົ້າໃນການສ້າງແຜນພັດທະນາເສດຖະກິດ-ສັງຄົມຂອງເມືອງໃນແຕ່ລະໄລຍະ.
ທ່ານ ຫົວໜ້າກົມສະຖິຕິເສດຖະກິດ ສູນສະຖິຕິແຫ່ງຊາດ ໄດ້ມີຄໍາເຫັນຕໍ່ກອງປະຊຸມ. ກ່ອນອື່ນທ່ານໄດ້ກ່າວຍ້ອງຍໍຊົມເຊີຍຕໍ່ຫ້ອງການແຜນການ ແລະ ການົລງທຶນເມືອງ, ໜ່ວຍງານສະຖິຕິ ທີ່ສາມາດບໍລິຫານວຽກງານໄດ້ຢ່າງເປັນລະບົບ, ຍາດໄດ້ຜົນງານຫຼາຍດ້ານ, ຕົ້ນຕໍແມ່ນສາມາດເຄື່ອນໄຫວປະຕິບັດວຽກງານສະຖິຕິໄດ້ດີ. ຈາກນັ້ນ ທ່ານ ໄດ້ສະເໜີໃຫ້ຄະນະວິຊາການ ແລະ ຂະແໜງສະຖິຕິ ພະແນກແຜນການ 5 ແຂວງ ມີຄໍາເຫັນຖອດຖອນບົດຮຽນຊຶ່ງກັນ ແລະ ກັນ.
(ຂ່າວ: ບ່າວທົ່ງ-ລ້ອງງື່ມ).
ຄໍາເຫັນ