ການລິເລີ່ມການປົກຄອງໂລກ ເປັນຕົວແທນໃຫ້ແກ່ການພັດທະນາທີ່ສ້າງສັນຂອງທິດສະດີມາກ-ເລນິນ ໃນການປັບໂຄງສ້າງສາຍພົວພັນການຜະລິດທົ່ວໂລກ ໂດຍຜ່ານການປຶກສາຫາລື, ການປະກອບ ສ່ວນຮ່ວມກັນ ແລະ ຜົນປະໂຫຍດຮ່ວມກັນ, ເຄົາລົບສິດອະທິປະໄຕຂອງແຕ່ລະປະເທດໃນການເລືອກຮູບແບບການພັດທະນາຂອງຕົນ ໂດຍອີງໃສ່ເງື່ອນໄຂແຫ່ງຊາດຂອງຕົນເອງ. ເຮັດໃຫ້ "ການປົດປ່ອຍມະນຸດ" ເປັນຮູບປະທຳ ໃນຖານະການຈັດລະບົບລະບຽບສໍາລັບປະຊາຄົມ ທີ່ມີອະນາຄົດຮ່ວມກັນ ຂອງມະນຸດຊາດ, ປ່ຽນແນວຄວາມຄິດຂອງປະຊາຄົມ ໃຫ້ກາຍເປັນກົນໄກການສະໜອງສິນຄ້າສາທາລະນະຂ້າມຊາດ ໂດຍຜ່ານການຮ່ວມມືທີ່ເປັນປະໂຫຍດ. ການລິເລີ່ມການປົກຄອງໂລກ ຍົກໃຫ້ເຫັນວ່າ: ຮາກຖານທີ່ຝັງເລິກຂອງການຂາດດຸນການປົກຄອງໂລກ ແມ່ນຢູ່ທີ່ຂໍ້ບົກຜ່ອງດ້ານໂຄງສ້າງຂອງລະບຽບການເມືອງ ແລະ ເສດຖະກິດສາກົນເກົ່າ, ສະໜັບສະໜູນການປັບການແຈກຢາຍຜົນປະໂຫຍດທີ່ບໍ່ເທົ່າທຽມກັນ ໂດຍການສົ່ງເສີມການປະຕິຮູບກົດລະບຽບການປົກຄອງໂລກ. ໄປຄ່ຽງຄູ່ກັນນີ້, ການລິເລີ່ມການປົກຄອງໂລກ ຂອງ ສປ ຈີນ ເປັນຕົວແທນໃຫ້ແກ່ການຫັນປ່ຽນວັດທະນະທໍາຈີນແບບດັ້ງເດີມທີ່ດີເລີດຢ່າງສ້າງສັນ. ໄດ້ຍົກລະດັບອຸດົມການຂອງໂລກເປັນຂອງທຸກຄົນຢ່າງສ້າງສັນຕໍ່ຫຼັກການຂອງຄວາມສະເໝີພາບທາງອະທິປະໄຕ ໂດຍສະໜັບສະໜູນວ່າ: ທຸກປະເທດ, ບໍ່ວ່າຈະມີຂະໜາດ, ຄວາມເຂັ້ມແຂງ ຫຼື ຄວາມຮັ່ງມີຊໍ່າໃດ ລ້ວນແຕ່ມີສິດທີ່ຈະເຂົ້າຮ່ວມຢ່າງເທົ່າທຽມກັນໃນການປົກຄອງໂລກ ທີ່ເປັນມາດຕະຖານສາກົນເຂົ້າໃນອຸດົມການຂອງ "ໂລກເປັນຂອງທຸກຄົນ”. ມັນຈະກາຍເປັນຄວາມປ່ຽນແປງທາງສະຕິປັນຍາທາງປັດຊະຍາຂອງ "ຄວາມກົມກຽວ ແລະ ການຢູ່ຮ່ວມກັນ" ຢ່າງມີຫົວຄິດປະດິດສ້າງ ໄປສູ່ກອບການຮ່ວມມືຫຼາຍຝ່າຍ. ການລິເລີ່ມການປົກຄອງໂລກ ໄດ້ນຳເອົາແນວຄວາມຄິດຂອງ "ຄວາມກົມກຽວທີ່ມີເອກະລັກ" ໄປສູ່ກົນໄກສຳລັບການສົນທະນາ ລະຫວ່າງອາລິຍະທຳ ແລະ ການຮ່ວມມືດ້ານຄວາມໝັ້ນຄົງ, ສະໜັບສະໜູນການຢູ່ຮ່ວມກັນ ແລະ ຜົນໄດ້ຮັບທີ່ຊະນະ ທັງສອງຝ່າຍທ່າມກາງຄວາມແຕກຕ່າງ ແລະ ສະໜອງທາງເລືອກທີ່ບໍ່ມີການປະເຊີນໜ້າກັນ ເພື່ອແກ້ໄຂບັນຫາຂໍ້ຂັດແຍ້ງທາງພູມີລັດຖະສາດ (Geopolitics).
ຄຸນຄ່າ ແລະ ຄວາມສຳຄັນຂອງການລິເລີ່ມດ້ານການປົກຄອງໂລກ ຈະຂະຫຍາຍແນວຄວາມຄິດການປົກຄອງ "ປະຊາຊົນແມ່ນຮາກຖານຂອງລັດ" ຢ່າງສ້າງສັນ ໄປສູ່ທິດທາງການປົກຄອງໂລກ ທີ່ມີປະຊາຊົນເປັນສູນກາງ. ໃຫ້ຄວາມສຳຄັນກັບຂົງເຂດທີ່ກ່ຽວຂ້ອງໂດຍກົງກັບຊີວິດປະຈຳວັນຂອງປະຊາຊົນເຊັ່ນ: ການຫຼຸດຜ່ອນຄວາມທຸກຍາກ, ດ້ານສາທາລະນະສຸກ, ການຝຶກອົບຮົມທັກສະວິຊາຊີບ ແລະ ການສົ່ງເສີມເຕັກໂນໂລຊີກະສິກຳ ໂດຍເນັ້ນປະສິດທິພາບຂອງການປົກຄອງໂລກ ແມ່ນການວັດແທກໂດຍຄວາມຮູ້ສຶກຂອງຜົນປະໂຫຍດ, ຄວາມສຸກ ແລະ ຄວາມໝັ້ນຄົງຂອງປະຊາຊົນໃນທຸກປະເທດ. ການຫັນປ່ຽນນີ້ ຊ່ວຍໃຫ້ປັດຊະຍາທີ່ເນັ້ນປະຊາຊົນເປັນສູນກາງຂອງຈີນ ສາມາດກ້າວຂ້າມຂອບເຂດອາລິຍະທຳ, ກາຍເປັນພື້ນຖານດ້ານຈັນຍາບັນ ສຳລັບການປົກຄອງໂລກ ເພື່ອກັບຄືນສູ່ຕົ້ນກຳເນີດຂອງສະຫວັດດີພາບຂອງມວນມະນຸດຊາດໂດຍລວມ. ໂດຍພື້ນຖານແລ້ວ ເປັນການຕອບຄຳຖາມຄຸນຄ່າທີ່ວ່າ: "ການປົກຄອງແມ່ນສຳລັບໃຜ ?"
ການບັນລຸໝາກຜົນທີ່ຈະໄດ້ຮັບທີ່ມີລັກສະນະປະຫວັດສາດ ຂ້າມກອບແນວຄິດການປົກຄອງອັນທຳອິດແມ່ນການລິເລີ່ມດ້ານການປົກຄອງໂລກ ໄດ້ຊຸກຍູ້ໃຫ້ ຈີນ ຈາກຜູ້ຄົ້ນຄວ້າກົດລະບຽບການປົກຄອງໂລກໄປສູ່ຜູ້ມີສ່ວນຮ່ວມ, ອີງໃສ່ຫຼັກການສໍາຄັນຫ້າຢ່າງຄື: ຄວາມສະເໝີພາບດ້ານອະທິປະໄຕ, ກົດລະບຽບສາກົນ, ລະບົບຫຼາຍຝ່າຍ (ພະຫຸພາຄີ), ການເອົາປະຊາຊົນເປັນສູນກາງ ແລະ ແນວທາງທີ່ມຸ່ງເນັ້ນການປະຕິບັດ. ການລິເລີ່ມເຫຼົ່ານີ້ ໄດ້ລວມເອົາຄວາມກັງວົນຫຼັກຂອງປະເທດກຳລັງພັດທະນາເຊັ່ນ: ການພັດທະນາທີ່ຂາດດູນ, ບັນຫາຄວາມໝັ້ນຄົງ ແລະ ຄວາມລົ້ມເຫຼວຂອງການປົກຄອງ ເຂົ້າໄວ້ໃນວາລະສາກົນ ໂດຍສະໜັບສະໜູນການປຶກສາຫາລື, ການປະກອບສ່ວນຮ່ວມກັນ ແລະ ຜົນປະໂຫຍດຮ່ວມກັນ.ຈີນ ໄດ້ຊຸກຍູ້ໃຫ້ມີວາລະສະເພາະເຊັ່ນ: ການປະຕິຮູບໂຄຕ້າຂອງກອງທຶນການເງິນລະຫວ່າງປະເທດ (IMF) ການປັບສິດອອກສຽງຂອງທະນາຄານໂລກ, ການຂະຫຍາຍຄະນະມົນຕີຄວາມໝັ້ນຄົງແຫ່ງສະຫະປະຊາຊາດ, ຮຽກຮ້ອງໃຫ້ມີການເປັນຕົວແທນ ແລະ ສຽງເພີ່ມຂຶ້ນ ສຳລັບປະເທດກຳລັງພັດທະນາ, ເຮັດໃຫ້ ຈີນ ກາຍເປັນຜູ້ມີສ່ວນຮ່ວມໃນການປັບປຸງກົດລະບຽບ ແລະ ແກ້ໄຂກົດເກນຂອງໂລກ. ນອກຈາກນີ້,ຍັງໄດ້ສົ່ງເສີມການພັດທະນາທີ່ປະສານງານຂອງເວທີຫຼາຍຝ່າຍເຊັ່ນ: ອົງການຄວາມຮ່ວມມືຊຽງໄຮ້, ກົນໄກການຮ່ວມມືກຸ່ມ BRICS, ທະນາຄານເພື່ອການລົງທຶນໂຄງລ່າງພື້ນຖານອາຊີ, ສ້າງເຄືອຂ່າຍການຮ່ວມມືທີ່ມີສ່ວນຮ່ວມ ໂດຍອີງໃສ່ຄວາມຕ້ອງການດ້ານການພັດທະນາ, ການສະໜອງວິທີແກ້ໄຂທາງເລືອກສຳລັບການປົກຄອງໂລກ ແລະ ເຮັດໃຫ້ຈີນສາມາດນຳພາການຫັນປ່ຽນລະບົບການປົກຄອງໂລກໃນຖານະເປັນຜູ້ປະດິດສ້າງກົນໄກ.
ການລິເລີ່ມດ້ານການປົກຄອງໂລກໄດ້ບັນລຸຄວາມກ້າວໜ້າທາງລະບົບຂອງຮູບແບບການປົກຄອງ. ໂດຍຢຶດໝັ້ນຈຸດຢືນຂອງອົງການສະຫະປະຊາຊາດ, ຄັດຄ້ານມາດຕະຖານສອງດ້ານ ແລະ ປ່ຽນແທນການເມືອງດ້ານອຳນາດດ້ວຍກົດລະບຽບສາກົນ. ການລິເລີ່ມເຫຼົ່ານີ້ ໄດ້ຊຸກຍູ້ການປົກຄອງໂລກຈາກ "ກົດແຫ່ງປ່າ" ໄປສູ່ລະບຽບໃໝ່ທີ່ຢຶດຫຼັກການກົດໝາຍ. ສະໜັບສະໜູນການປຶກສາຫາລື, ການມີສ່ວນຮ່ວມນໍາກັນ ແລະ ຜົນປະໂຫຍດຮ່ວມກັນ, ຄັດຄ້ານ "ກຸ່ມນ້ອຍ" ສະເພາະທີ່ກີດກັ້ນຜູ້ອື່ນ ແລະ ສ້າງເວທີການຮ່ວມມືທີ່ມີສ່ວນຮ່ວມສຳລັບການສົນທະນາລະຫວ່າງເໜືອ-ໃຕ້. ໃນດ້ານຄຸນຄ່າ, ການທົດແທນແນວທາງທີ່ເນັ້ນໃສ່ທຶນເປັນສູນກາງດ້ວຍແນວທາງທີ່ເນັ້ນໃສ່ປະຊາຊົນເປັນສູນກາງ ຈະຊ່ວຍໃຫ້ການປົກຄອງໂລກກັບຄືນສູ່ຈຸດປະສົງເດີມຂອງການຮັບໃຊ້ສະຫວັດດີພາບຮ່ວມກັນຂອງມວນມະນຸດຊາດ.
ຄໍາເຫັນ