ເຂດວາງສະແດງແຂວງຢູນນານໃນຕະຫຼາດນັດການທ່ອງທ່ຽວສາກົນປີ 2023 ຈະຈັດຕັ້ງຫໍວາງສະແດງໃຫຍ່ 5 ແຫ່ງ

ຕະຫຼາດນັດການທ່ອງທ່ຽວສາກົນຈີນປີ 2023 ຈະຈັດຂຶ້ນແຕ່ວັນທີ 17 ຫາ 19 ເດືອນພະຈິກນີ້ ທີ່ນະຄອນຄຸນໝິງ ແຂວງຢູນນານ. ຫົວຂໍ້ຂອງງານຕະຫຼາດນັດຄັ້ງນີ້ ແມ່ນ: “ສະບາຍດີ, ປະເທດຈີນ”, ໃນງານດັ່ງກ່າວຈະຈັດເຂດວາງສະແດງໃຫຍ່ 6 ແຫ່ງ ເຊັ່ນ: ເຂດວາງສະແດງຈຸດໝາຍປາຍທາງດ້ານການທ່ອງທ່ຽວ, ເຂດວາງສະແດງວິສາຫະກິດວັດທະນະທໍາ ແລະ ທ່ອງທ່ຽວ, ເຂດວາງສະແດງຜະລິດຕະພັນທີ່ມີຫົວຄິດປະດິດສ້າງດ້ານວັດທະນະທໍາ, ເຂດວາງສະແດງວັດທະນະທໍາ ແລະ ທ່ອງທ່ຽວດີຈີຕອນ, ເຂດວາງສະແດງການປະດິດສ້າງດ້ານການທ່ອງທ່ຽວ, ເຂດວາງສະແດງແຂວງຢູນນານ.
ໃນນັ້ນ, ເຂດວາງສະແດງແຂວງຢູນນານຈະຕັ້ງຫໍວາງສະແດງ 5 ແຫ່ງ, ເຊັ່ນ: ຫໍວາງສະແດງວັດທະນະທໍາ ແລະ ທ່ອງທ່ຽວຢູນນານ, ຫໍວາງສະແດງມໍລະດົກວັດທະນະທໍານາມມະທໍາ ແລະ ການບໍລິໂພກການທ່ອງທ່ຽວ, ຫໍວາງສະແດງລວມສູນຊັບພະຍາກອນກະສິກຳ, ວັດທະນະທຳ ແລະ ການທ່ອງທ່ຽວຢູນນານ, ຫໍວາງສະແດງອຸປະກອນການທ່ອງທ່ຽວ ແລະ ຫໍວາງສະແດງກິລາທ່ອງທ່ຽວ, ຊຶ່ງຈະສະແດງໃຫ້ເຫັນເຖິງ “ວິຖີຊີວິດແຂວງຢູນນານ” ຢ່າງຮອບດ້ານ.
ໃນຖານະເປັນງານວາງສະແດງການທ່ອງທ່ຽວແບບວິຊາການທີ່ມີຂະໜາດໃຫຍ່ທີ່ສຸດໃນທະວີບອາຊີ, ຕະຫຼາດນັດການທ່ອງທ່ຽວສາກົນຈີນໄດ້ຈັດຂຶ້ນມາເປັນຄັ້ງທີ 23 ແລ້ວ.
ແຫຼ່ງຂ່າວ: ເວັບໄຊຊິນຮວາ