ຄກສພ-ອກຫລ ປະກາດການຍົກຍ້າຍ ແລະ ອອກພັກການ-ຮັບອຸດ ໜູນບໍານານ

ໃນພິທີ ຕາງໜ້າຄະນະຈັດຕັ້ງສູນກາງພັກ ໄດ້ຂຶ້ນຜ່ານຄໍາສັ່ງຂອງກົມການເມືອງສູນກາງພັກວ່າດ້ວຍການຍົກຍ້າຍພະນັກງານນໍາພາຂັ້ນສູງໄປຮັບໜ້າທີ່ໃໝ່, ມະຕິຕົກລົງ ຂອງຄະນະເລຂາທິການສູນກາງພັກ ວ່າດ້ວຍການອະນຸມັດໃຫ້ພະນັກງານນຳພາຂັ້ນສູງ ອອກພັກການ-ຮັບອຸດໜູນບໍານານ, ຈາກນັ້ນ ສະຫາຍ ວັນໄຊ ພອງສະຫວັນ ກໍໄດ້ໃຫ້ກຽດ ມອບຄຳສັ່ງ ຂອງກົມການເມືອງສູນກາງພັກ ວ່າດ້ວຍການຍົກຍ້າຍໃຫ້ພະນັກງານການນໍາຂັ້ນສູງໃຫ້ແກ່ສະຫາຍ ວິໄລວັນ ບຸດດາຄຳ ກຳມະການສູນກາງພັກ ຮອງປະທານຄະນະກວດກາສູນກາງພັກ ຮອງປະທານອົງການກວດກາແຫ່ງລັດ ຮອງຫົວໜ້າອົງການຕ້ານການສໍ້ລາດບັງຫຼວງສູນກາງ ໄປຮັບໜ້າທີ່ໃໝ່ຢູ່ຄະນະຈັດຕັ້ງສູນກາງພັກ; ແລະ ມອບມະຕິຂໍ້ຕົກລົງໃຫ້ແກ່ ສະຫາຍ ດາວບົວລະພາ ບາວົງເພັດ ຮອງປະທານຄະນະກວດກາສູນກາງພັກ ຮອງປະທານອົງການກວດກາແຫ່ງລັດ ຮອງຫົວໜ້າອົງການຕ້ານການສໍ້ລາດບັງຫຼວງສູນກາງ ແລະ ສະຫາຍ ໄຊຄຳ ອຸ່ນມີໄຊ ຮອງປະທານຄະນະກວດກາສູນກາງພັກ ຮອງປະທານອົງການກວດກາແຫ່ງລັດ ຮອງຫົວໜ້າອົງການຕ້ານການສໍ້ລາດບັງຫຼວງສູນກາງອອກພັກການ-ຮັບອຸດໜູນບໍານານ. ພ້ອມນັ້ນ, ທ່ານ ໄພວັນ ພົມມະແສງ ຮອງຫົວໜ້າກົມຈັດຕັ້ງ-ພະນັກງານ ໄດ້ຜ່ານ ຂໍ້ຕົກລົງຂອງຄະນະກວດກາສູນກາງພັກ ວ່າດ່ວຍການອະນຸມັດ ໃຫ້ພະນັກງານ-ລັດຖະກອນ ອອກພັກການ-ຮັບອຸດໜູນບໍານານ, ຈາກນັ້ນ ທ່ານ ຄຳໄຫຼ ສີປະເສີດ ກຳມະການສູນກາງພັກ ຮອງປະທານຄະນະກວດກາສູນກາງພັກ ຮອງປະທານອົງການກວດກາແຫ່ງລັດ ຮອງຫົວໜ້າອົງການຕ້ານການສໍ້ລາດບັງຫຼວງສູນກາງ ກໍໄດ້ໃຫ້ກຽດມອບຂໍ້ຕົກລົງຂອງຄະນະກວດກາສູນກາງພັກ ວ່າດ້ວຍການອະນຸມັດ ໃຫ້ພະນັກງານ-ລັດຖະກອນ ອອກພັກການ-ຮັບອຸດໜູນບໍານານ ໃຫ້ສະຫາຍ ຄຳພັນ ລີຝຸງ ຮອງຫົວໜ້າກົມຄົ້ນຄວ້າ ແລະ ວາລະສານກວດກາ.

ໃນໂອກາດທີ່ມີຄວາມໝາຍສໍາຄັນນີ້ ສະຫາຍ ວັນໄຊ ພອງສະຫວັນ ໄດ້ໃຫ້ກຽດມີຄຳເຫັນໂອ້ລົມ ແລະ ສະແດງຄວາມຍ້ອງຍໍ ຊົມເຊີຍຕໍ່ສະຫາຍທີ່ຖືກຍົກຍ້າຍ ແລະ ບັນດາສະຫາຍທີ່ໄດ້ອອກພັກການ-ຮັບອຸດໜູນບໍານານ, ການຍົກຍ້າຍແມ່ນຫຼັກການ, ກົນໄກໜຶ່ງໃນການສັບຊ້ອນໝູນວຽນພະນັກງານ, ຍ້ອນຄວາມຕ້ອງການຂອງໜ້າທີ່ວຽກງານ, ເພື່ອໃຫ້ບັນດາການນໍາຂັ້ນສູງໄດ້ຮຽນຮູ້ວຽກງານໃນຫຼາຍຂົງເຂດວຽກງານເພື່ອສືບຕໍ່ນຳພາວຽກງານຂອງພັກຂອງລັດຕໍ່ໄປ; ສຳລັບບັນດາສະຫາຍທີ່ໄດ້ຮັບພັກການ-ຮັບອຸດໜູນບຳນານແມ່ນອີງໃສ່ນະໂຍບາຍ, ລະບຽບການ, ອີງໃສ່ອາຍຸກະສຽນມາຮອດປັດຈຸບັນແມ່ນຮອດອາຍຸກະສຽນພັກຜ່ອນຮັບອຸດໜູນບໍານານກໍຕ້ອງໄດ້ປະຕິບັດຕາມລະບຽບການ ຊຶ່ງເປັນນະໂຍບາຍຂອງພັກ, ລັດທີ່ມີຕໍ່ພະນັກງານທີ່ໄດ້ປະຕິບັດໜ້າທີ່ວຽກງານຈົນໄດ້ຮັບຜົນສຳເລັດ, ສຳລັບສະຫາຍທີ່ຖືກຍົກຍ້າຍນັ້ນໄລຍະຜ່ານມາສະຫາຍກໍໄດ້ທຸ້ມເທສະຕິປັນຍາໃນການປະກອບສ່ວນຈັດຕັ້ງປະຕິບັດວຽກງານກວດກາ, ເປັນຜູ້ໜຶ່ງທີ່ມີຄວາມບຸກບືນຫ້າວຫັນປະຕິບັດໜ້າທີ່ເຖິງວ່າສະຫາຍໄດ້ຍົກຍ້າຍໄປຮັບໜ້າທີ່ໃໝ່ກໍຍັງຈະໄດ້ສືບຕໍ່ປະສານສົມທົບກັນໃນການປະຕິບັດໜ້າທີ່ວຽກງານຂອງພັກ-ລັດ, ຂໍໃຫ້ສະຫາຍສືບຕໍ່ເສີມຂະຫຍາຍມູນເຊື້ອອັນດີທີ່ສະຫາຍໄດ້ສ້າງໄວ້ນັ້ນໄປປະຕິບັດໜ້າໃໝ່ໃຫ້ມີຄວາມເຂັ້ມແຂງ ແລະ ມີຜົນສຳເລັດສູງກວ່າເກົ່າ.
ຂ່າວ: ກວດກາສູນກາງພັກ,

ພາບ: ພູວຽງຄຳ