 |
ສະຫາຍ ນາງ ບຸດສະດີ ທະນະເມືອງ ໄດ້ຜ່ານມາດຕະຖານ ແລະ ເງື່ອນໄຂ ຜູ້ທີ່ຈະລົງສະໝັກຄະນະບໍລິຫານງານພັກແຂວງ, ຄະນະປະຈໍາ, ເລຂາ, ຮອງເລຂາ, ປະທານ, ຮອງປະທານຄະນະກວດ ກາພັກແຂວງຊຸດໃໝ່. ຈາກນັ້ນ ສະຫາຍ ວັນໄຊ ພອງສະຫວັນ ກໍໄດ້ມີຄໍາເຫັນ ໃຫ້ທິດຊີ້ນຳຕໍ່ກອງປະຊຸມ ເພື່ອເປັນບ່ອນອີງໃນການຄົ້ນຄວ້າພິຈາລະນາ, ນຳໃຊ້ສິດປະຊາທິປະໄຕ ບົນພື້ນຖານຫຼັກການທີ່ກຳນົດໄວ້ ໃນການທາບທາມບຸກຄະລາກອນ ອອກຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງຄໍາມ່ວນ ສະໄໝທີ XI ຮອບທີ 2 ໂດຍການຄັດເລືອກ ແມ່ນໃຫ້ອີງໃສ່ມາດຖານ ເງື່ອນໄຂທີ່ໄດ້ກຳນົດໄວ້, ເອົາໃຈ ໃສ່ກຳແໜ້ນທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ແບບແຜນການນໍາພາ, ຄວາມຮັບ ຜິດຊອບການເມືອງ, ຄວາມຈົງຮັກພັກດີ, ຄວາມເສຍສະຫຼະ, ເຮັດແທ້ທຳຈິງ ແລະ ຜົນສຳເລັດຂອງການປະຕິບັດໜ້າທີ່ວຽກງານ ຊຶ່ງເປັນໄມ້ຫຼາວັດແທກເຖິງຄຸນສົມບັດ, ຄວາມສາມາດຂອງພະນັກງານນຳພາຄຸ້ມຄອງ, ນອກນັ້ນ ກໍໃຫ້ເບິ່ງຄືນດ້ານເງື່ອນໄຂ ເພດ-ເຜົ່າ, ທັງຮັບປະກັນໃຫ້ມີຮຸ່ນອາວຸໂສ, ຮຸ່ນກາງ ແລະ ຮຸ່ນໜຸ່ມ ຢ່າງສົມເຫດສົມຜົນ ເພື່ອພ້ອມກັນນໍາພາຂັບເຄື່ອນ ບັນດາມະຕິກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ ກໍຄືວຽກງານຮອບດ້ານ 5 ປີ ນັບແຕ່ກອງປະ ຊຸມໃຫຍ່ ເປັນຕົ້ນໄປ ໃຫ້ປະກົດຜົນເປັນຈິງ, ເອົາໃຈໃສ່ໃນການຄົ້ນຄວ້າ ໃຫ້ເລິກເຊິ່ງ, ຖີ່ຖ້ວນ, ຮອບຄອບ ກ່ອນຈະມີຄໍາເຫັນລົງໃສ່ບັດທາບທາມວ່າເຫັນດີ ຜູ້ໃດ ແລະ ບໍ່ເຫັນດີຜູ້ໃດ ຊຶ່ງຜົນຂອງການທາບທາມໃນຮອບທີ 2 ນີ້ ຈະເປັນພື້ນຖານ, ບ່ອນອີງທີ່ໜັກແໜ້ນ ໃຫ້ແກ່ຄະນະຮັບຜິດຊອບການກະກຽມກອງປະຊຸມໃຫຍ່ ທີ່ຈະໄດ້ສືບຕໍ່ຄົ້ນຄວ້າ ແລະ ເລືອກເຟັ້ນເອົາບຸກຄະລາກອນ ບົນພື້ນຖານຄໍາຄິດຄໍາເຫັນຂອງບັນດາສະຫາຍຜູ້ມີສິດປ່ອນບັດ ເພື່ອກະກຽມໃຫ້ແກ່ການທາບທາມໃນຮອບທີ 3 ແລະ ກະກຽມໃຫ້ແກ່ການດຳເນີນກອງປະຊຸມໃຫຍ່ ຄັ້ງທີ XI ຂອງອົງຄະນະພັກແຂວງຄໍາມ່ວນ ທີ່ຈະເປີດຂຶ້ນໃນມໍ່ໆນີ້.
 |
ຫຼັງຈາກນັ້ນ, ຜູ້ແທນກອງປະຊຸມ ໄດ້ພ້ອມກັນປ່ອນບັດທາບທາມບຸກຄະລາກອນ ອອກຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງຄໍາມ່ວນ ສະໄໝທີ XI ຮອບທີ 2 ສໍາເລັດຕາມແຜນການ ແລະ ໃນຕອນບ່າຍຂອງວັນດຽວກັນ ຍັງໄດ້ຈັດກອງປະຊຸມຄົ້ນຄວ້າປະກອບຄໍາຄິດເຫັນໃສ່ຮ່າງລາຍງານການ ເມືອງ, ຮ່າງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ X ຂອງແຂວງຄຳມ່ວນ ຕື່ມອີກ.
(ຂ່າວ-ພາບ: ກອງຄໍາ)
ຄໍາເຫັນ