ແຂວງຄໍາມ່ວນເອົາໃຈໃສ່ພັດທະນາແລະ ສົ່ງເສີມການທ່ອງທ່ຽວ

ແຂວງຄໍາມ່ວນເອົາໃຈໃສ່ພັດທະນາແລະ ສົ່ງເສີມການທ່ອງທ່ຽວເປັນຢ່າງດີ

ແຂວງຄໍາມ່ວນເອົາໃຈໃສ່ພັດທະນາແລະ ສົ່ງເສີມການທ່ອງທ່ຽວເປັນຢ່າງດີ
ໂດຍ: ວັນເພັງ ແຂວງຄໍາມ່ວນ ເປັນແຂວງໜຶ່ງທີ່ມີສະຖານທີ່ທ່ອງທ່ຽວຫຼາກຫຼາຍແຫ່ງທີ່ສວຍງາມ ແລະ ມີຊື່ສຽງມີທັງແຫຼ່ງທ່ອງທ່ຽວທໍາມະຊາດ, ປະຫວັດສາດ ແລະ ວັດທະນະທໍາໂດຍຖືເອົາການພັດທະນາ

 

 ແລະ ຊຸກຍູ້ສົ່ງເສີມການທ່ອງທ່ຽວໃຫ້ມີການເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ໂດຍໄດ້ຈັດຕັ້ງປະຕິບັດບັນດາມາດຕະການພັດທະນາ ແລະ ສົ່ງເສີມການທ່ອງທ່ຽວຕ່າງໆ ສາມາດໂຄສະນາດຶງດູດນັກທ່ອງທ່ຽວເປັນຢ່າງດີ ຊຶ່ງເຫັນວ່າໃນປີ 2024 ມີນັກທ່ອງທ່ຽວເຂົ້າມາທ່ອງທ່ຽວຢ້ຽມຢາມເຖິງ 852,080 ຄົນ.

ໃນໂອກາດກົມໂຄສະນາການທ່ອງທ່ຽວ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ(ຖວທ) ສປປ ລາວ ຮ່ວມກັບສໍານັກຂ່າວໜັງສືພິມ, ໂທລະພາບ ແລະ ສື່ອອນລາຍຈາກສະມາຄົມນັກຂ່າວໄທໄດ້ຈັດກິດຈະກຳຢ້ຽມຢາມຜະລິດຕະພັນການທ່ອງທ່ຽວຢູ່ແຂວງຄໍາມ່ວນ ແລະ ສະຫວັນນະເຂດໃນລະຫວ່າງວັນທີ 25-30 ມັງກອນ 2025, ທ່ານ ສົມສັກດາ ແກ້ວມະນີ ຮອງຫົວໜ້າພະແນກ(ຖວທ) ແຂວງຄໍາມ່ວນ ຜູ້ຊີ້ນໍາວຽກງານທ່ອງທ່ຽວໄດ້ໃຫ້ສຳພາດກ່ຽວກັບການພັດທະນາ ແລະ ສົ່ງເສີມການທ່ອງທ່ຽວຂອງແຂວງຄໍາມ່ວນວ່າ: ເພື່ອເປັນການດຶງດູດການທ່ອງທ່ຽວຂອງແຂວງໃຫ້ດີຂຶ້ນພະແນກ ຖວທ ໄດ້ເອົາໃຈໃສ່ຊຸກຍູ້ພາກລັດ ແລະ ເອກະຊົນພັດທະນາກິດຈະກຳການທ່ອງທ່ຽວໃຫ້ມີຄວາມຫຼາກຫຼາຍເປັນທາງເລືອກໃຫ້ນັກທ່ອງທ່ຽວ. ໃນນັ້ນ, ກິດຈະກຳທີ່ໄດ້ຮັບຄວາມນິຍົມ ແລະ ເປີດບໍລິການແລ້ວໃນປັດຈຸບັນມີ: ການຂີ່ສະລິງ, ປີນຜາ, ລ່ອງເຮືອ, ຕັ້ງແຄ້ມ, ໂຮມສະເຕ, ຍ່າງປ່າ ແລະ ວົງຈອນເດິລຸບ. ນອກຈາກນັ້ນ, ຍັງໄດ້ເປັນເຈົ້າການປະສານສົມທົບກັບພາກສ່ວນທີ່ກ່ຽວຂ້ອງຈັດກິດຈະກຳສົ່ງເສີມການທ່ອງທ່ຽວຢູ່ພາຍໃນແຂວງຂຶ້ນຫຼາຍຄັ້ງເຊັ່ນ: ຈັດການແຂ່ງຂັນກິລາສົກມວຍ 1 ຄັ້ງ, ມີຜູ້ເຂົ້າຮ່ວມ 2,000 ກວ່າຄົນ, ຈັດການແຂ່ງຂັນກິລາເຕະບານມິດຕະພາບລາວ-ໄທ ກັບທີມງານອໍສະຕາ 1 ຄັ້ງ, ມີຜູ້ເຂົ້າຮ່ວມ 3,000 ກວ່າຄົນ, ຈັດການແຂ່ງຂັນກິລາເຕະບານມິດຕະພາບລາວ-ໄທ ທ່າແຂກ-ສະກົນນະຄອນ 1 ຄັ້ງ, ມີຜູ້ເຂົ້າຮ່ວມ 500 ກວ່າຄົນ, ຈັດງານກິລາປັ່ນລົດຖີບມິດຕະພາບລາວ-ໄທ 5 ຄັ້ງ, ມີຜູ້ເຂົ້າຮ່ວມ 2,500 ກວ່າຄົນ,ຈັດງານເທດສະການອາຫານ, ວາງສະແດງ ແລະ ຈຳໜ່າຍສິນຄ້າທ້ອງຖິ່ນ 5 ຄັ້ງ, ມີຜູ້ເຂົ້າຮ່ວມ 5,000 ກວ່າຄົນ,ຈັດງານກິລາ "ໜຶ່ງຄົນລອຍ ຫຼາຍຄົນໃຫ້” 1 ຄັ້ງ, ມີຜູ້ເຂົ້າຮ່ວມ 3,000 ກວ່າຄົນ, ເປັນເຈົ້າພາບຈັດກອງປະຊຸມ 3 ແຂວງ 3 ປະເທດ ຮ່ວມມືທາງດ້ານການທ່ອງທ່ຽວ 1 ຄັ້ງ, ມີຜູ້ເຂົ້າຮ່ວມ 700 ກວ່າຄົນ, ໄດ້ຕິດຕໍ່ຮ່ວມມືກັບຢູທູບເບີ້ ຊື່ດັງຂອງປະເທດໄທສ້າງສາລະຄະດີທ່ອງທ່ຽວຂອງແຂວງໂຄສະນາທາງຊ່ອງເຟສບຸກ (Facbook), ຢູທູບ (Youtube) ໄດ້ 15 ຕອນ. ພາຍຫຼັງລັດຖະບານໄດ້ກຳນົດເອົາປີ 2024 ເປັນປີທ່ອງທ່ຽວລາວ ແຂວງຄໍາມ່ວນໄດ້ກຳນົດເອົາ 27 ກິດຈະກຳສົ່ງເສີມການທ່ອງທ່ຽວຂອງແຂວງ ຊຶ່ງມີ 1 ກິດຈະກຳລະດັບຊາດ, 2 ກິດຈະກຳລະດັບແຂວງ ແລະ 24 ກິດຈະກຳລະດັບເມືອງ ຕິດພັນກັບ 3 ຍອດຍິ່ງທາງທຳມະຊາດ, ວັດທະນະທຳ ແລະ ປະຫວັດສາດ, ການຈັດຕັ້ງປະຕິບັດໄດ້ສຳເລັດໄປແລ້ວ 25 ກິດຈະກຳກວມເອົາ 93%. ຜ່ານການຈັດຕັ້ງປະຕິບັດບັນດາມາດຕະການສົ່ງເສີມການທ່ອງທ່ຽວຕ່າງໆ ສາມາດໂຄສະນາດຶງດູດການທ່ອງທ່ຽວຂອງແຂວງດ້ວຍຜົນສໍາເລັດອັນຈົບງາມ, ຈໍານວນນັກທ່ອງທ່ຽວທີ່ເຂົ້າມາຢ້ຽມຢາມແຂວງຄໍາມ່ວນ ໃນປີ 2024 ມີເຖິງ 852,080 ຄົນ, ສ້າງລາຍຮັບໄດ້ 1,012 ຕື້ກວ່າກີບ ທຽບໃສ່ແຜນການ (500,000 ຄົນ) ແມ່ນລື່ນແຜນ 170%.

ທ່ານ ສົມສັກດາ ແກ້ວມະນີ ກ່າວຕື່ມວ່າ: ສ່ວນແຫຼ່ງທ່ອງທ່ຽວໄດ້ຮັບຄວາມນິຍົມຫຼາຍແມ່ນແຫຼ່ງທ່ອງທ່ຽວທຳມະຊາດ, ປະຫວັດສາດ ແລະ ວັດທະນະທຳເຊັ່ນ: ພະທາດສີໂຄດຕະບອງ, ຖໍ້າກອງລໍ, ພູຜາມ່ານ, ຂຸນກອງແລງ, ຖ້ຳນາງແອ່ນ, ທ່າຝຣັ່ງ, ກຳແພງຍັກ, ຖໍ້ານໍ້າລອດເຊບັ້ງໄຟ, ວົງຈອນເດິລຸບ ແລະ ອື່ນໆ. ມາຮອດປັດຈຸບັນທົ່ວແຂວງມີແຫຼ່ງທ່ອງທ່ຽວທີ່ໄດ້ຂຶ້ນບັນຊີໄວ້ແລ້ວຈໍານວນ 210 ແຫ່ງ.ໃນນັ້ນ, ມີແຫຼ່ງທ່ອງທ່ຽວທໍາມະຊາດ 145 ແຫ່ງ, ແຫຼ່ງທ່ອງທ່ຽວວັດທະນະທໍາ 33 ແຫ່ງ ແລະ ແຫຼ່ງທ່ອງທ່ຽວປະຫວັດສາດ 32 ແຫ່ງ, ເປີດນໍາໃຊ້ແລ້ວ 87 ແຫ່ງ,ພັດທະນາ ແລະ ເປີດຢ່າງເປັນທາງການແລ້ວ 25 ແຫ່ງ,ມີໂຮງແຮມ 24 ແຫ່ງ, ເຮືອນພັກ 105 ແຫ່ງ, ຣີສອດ 10 ແຫ່ງ, ຮ້ານອາຫານ-ກິນດື່ມ 189 ແຫ່ງ, ຮ້ານບັນເທີງ-ຄາຣາໂອເກະ 19 ແຫ່ງ, ບໍລິສັດທ່ອງທ່ຽວ 7 ແຫ່ງ.

ໂອກາດນີ້, ທ່ານ ສົມສັກດາ ແກ້ວມະນີ ກ່າວຕື່ມວ່າ: ເພື່ອເປັນການສືບຕໍ່ເຮັດໃຫ້ການທ່ອງທ່ຽວຂອງແຂວງຄໍາມ່ວນມີການຂະຫຍາຍຕົວໃນປີ 2025 ນີ້, ພະແນກ ຖວທ ຈະຕ້ອງເອົາໃຈໃສ່ປັບປຸງບູລະນະແຫຼ່ງທ່ອງທ່ຽວທີ່ມີການບໍລິການແລ້ວໃຫ້ດີຂຶ້ນ ແລະ ພັດທະນາແຫຼ່ງທ່ອງທ່ຽວແຫ່ງໃໝ່ ແລະ ເປີດບໍລິການຕື່ມອີກ, ສ້າງຜະລິດຕະພັນການທ່ອງທ່ຽວໃໝ່ທີ່ມີຄວາມຫຼາກຫຼາຍຮັບປະກັນຄຸນນະພາບ ແລະ ປັບປຸງການບໍລິການໃຫ້ດີຂຶ້ນ. ສືບຕໍ່ປະສານສົມທົບຮ່ວມມືກັບພາກລັດ ແລະ ພາກທຸລະກິດຈັດກິດຈະກຳສົ່ງເສີມການທ່ອງທ່ຽວໃຫ້ມີຄວາມຫຼາກຫຼາຍສີສັນ ທີ່ຕິດພັນກັບການອະນຸລັກຮີດຄອງປະເພນີຂອງທ້ອງຖິ່ນ; ປັບປຸງບັນດາໂຄງລ່າງພື້ນຖານພາຍໃນແຫຼ່ງທ່ອງທ່ຽວໃຫ້ມີຄວາມສະດວກສະບາຍ ແລະ ສວຍງາມ, ສ້າງຄວາມປະທັບໃຈ, ມີຄວາມປອດໄພ ແລະ ສາມາດດຶງດູດນັກທ່ອງທ່ຽວໃຫ້ໄດ້ຫຼາຍຂຶ້ນ; ຫັນລະບົບການເກັບລາຍຮັບຈາກການທ່ອງທ່ຽວໃຫ້ທັນສະໄໝ, ຮັບປະກັນຄວາມໂປງໃສ, ແກ້ໄຂປະກົດການຫຍໍ້ທໍ້ທີ່ສົ່ງຜົນກະທົບຕໍ່ການທ່ອງທ່ຽວໃຫ້ຫຼຸດໜ້ອຍຖອຍລົງເທື່ອລະກ້າວ.

ຄໍາເຫັນ

ຂ່າວຕ່າງປະເທດ

ສັງ​ເກດ​ຄວາມ​ໝາຍ​ແຫ່ງ​ຍຸກ​ສະ​ໄໝ​ຂອງ “ການ​ຮ່ວມ​ມືບ​ຣິ​ກ​ສ​ໃຫຍ່” ຈາກ​​ການຕັ້ງ​ໜ້າ​ເຂົ້​າ​ຮ່ວມ​ຂອງ​ລາວ

ສັງ​ເກດ​ຄວາມ​ໝາຍ​ແຫ່ງ​ຍຸກ​ສະ​ໄໝ​ຂອງ “ການ​ຮ່ວມ​ມືບ​ຣິ​ກ​ສ​ໃຫຍ່” ຈາກ​​ການຕັ້ງ​ໜ້າ​ເຂົ້​າ​ຮ່ວມ​ຂອງ​ລາວ

ຫວ່າງ​ມໍ່ໆ​ມາ​ນີ້, ໃນໂອ​ກາດ​ເຂົ້າ​ຮ່ວມກອງ​ປະ​ຊຸມ​ເວ​ທີ​ປຶກ​ສາ​ຫາ​ລື​ເສດ​ຖະ​ກິດ​​ຕາ​ເວັນ​ອອກ​ຄັ້ງ​ທີ 10 ທີ່​ຣັດ​ເຊຍ, ທ່ານ ​ສອນ​ໄຊ ສີ​ພັນ​ດອນ ນາ​ຍົກ​ລັດ​ຖະ​ມົນ​ຕີ​ແຫ່ງ ສ​ປ​ປ ລາວ​ ກ່າ​ວ​ວ່າ: ລາວ​ມີ​ຈຸດ​ປະ​ສົງ​ຢາກ​ເຂົ້າ​ເປັນ​ສະ​ມາ​ຊິກ​ບ​ຣິກ​ສ, ປັດ​ຈຸ​ບັນ, ພວມ​ຄົ້ນ​ຄວ້າ​ວຽກ​ງານ​​ຕ່າງໆທີ່​ກ່ຽວ​ຂ້ອງ. ທີ່​ຈິງ​ແລ້ວ, ນີ້​ບໍ່​ແມ່ນ​ຄັ້ງ​ທຳ​ອິດ​ທີ່​ລາວ​ຢາກ​ເຂົ້າ​ຮ່ວມ​ເປັນ​ສະ​ມາ​ຊິກບ​ຣິກ​ສ. ໃນ​ກອງ​ປະ​ຊຸມ​ສຸດຍອດ​ອົງ​ການບ​ຣິກ​ສ​ຄັ້ງ​ທີ 16 ທີ່​ຈັດ​ຂຶ້ນ​ຢູ່​ນະ​ຄອນ​ຄາ​ຊານ​ ຂອງ​ຣັດ​ເຊຍ​ ໃນ​ເດືອນ​ຕຸ​ລາ ​ປີ 2024, ທ່ານ​ທອງ​ລຸນ ສີ​ສຸ​ລິດ ປະ​ທານ​ປະ​ເທດ​ແຫ່ງ ສ​ປ​ປ ລາວ​ ໄດ້​ຮຽກ​ຮ້ອງ​ຢ່າງ​ເປັນ​ທາງ​ການ​ວ່າ ລາວ​ຢາກ​ກາຍ​ເປັນ​ປະ​ເທດ​ສະ​ມາ​ຊິກ​ຢ່າງສົມ​ບູນ​ຂອງ​ບ​ຣິກ​ສ. ທ່າ​ທີ​​ທີ່ຕັ້ງ​ໜ້າ​ຂອງ​ລາວ​ໄດ້​ສະ​ແດງ​ໃຫ້​ເຫັນ​ເຖິງແຮງ​ດຶງ​ດູດ​ອັນ​ເຂັ້ມ​ແຂງ​ຂອງ​ກົນ​ໄກ​ບ​ຣິກ​ສ, ​ທັງ​ໄດ້​ສະ​ແດງ​ໃຫ້​ເຫັນ​ເຖິງ​ຄວາມ​ໝາຍ​ແຫ່ງ​ຍຸກ​ສະ​ໄໝ​ຂອງ “ການ​ຮ່ວມ​ມືບ​ຣິກ​ສ​ໃຫຍ່” ອີກ​ດ້ວຍ.
ຈີນ​ ​ດຶງ​ດູດ​ການ​ລົງ​ທຶນຫຼາຍກວ່າ 100 ຕື້​ໂດ​ລາ ​ເປັນ​ເວ​ລາ 15 ປີ​ລຽນ​ຕິດ

ຈີນ​ ​ດຶງ​ດູດ​ການ​ລົງ​ທຶນຫຼາຍກວ່າ 100 ຕື້​ໂດ​ລາ ​ເປັນ​ເວ​ລາ 15 ປີ​ລຽນ​ຕິດ

123 ປະ​ເທດ ແລະ ​ເຂດ​ແຄວ້ນ, 1,100 ກວ່າ​ອົງ​ການ​ຈັດ​ຕັ້ງ​ພາກ​ລັດ ແລະ ຄະ​ນະ​ຜູ້​ແທນ​ວິ​ສາ​ຫະ​ກິດ​ອຸດ​ສາ​ຫະ​ກຳ​ການ​ຄ້າ​ໄດ້​ເຂົ້າ​ຮ່ວມກອງ​ປະ​ຊຸມ; ເນື້ອ​ທີ່​ເຂດ​ວາງ​ສະ​ແດງ​ກຳ​ລັງ​ການ​ຜະ​ລິດ​ໃນ​ຄຸນ​ນະ​ພາບ​ໃໝ່​ໄດ້​ເປີດກວ້າງ​ອອກ, ຈຳ​ນວນ​ວິ​ສາ​ຫະ​ກິດ​ທີ່​ເຂົ້າ​ຮ່ວມ​ງານ​ວາງ​ສະ​ແດງ​ຢູ່​ເຂດ​ການ​ຮ່ວມ​ມື​ສາ​ກົນ​ຂອງວິ​ສາ​ຫະ​ກິດ​​ທີ່​ມີ​ລັກ​ສະ​ນະ​ສະ​ເພາະ ມີ​ສີ​ສັນ​ພິ​ເສດ ແລະ ​ປະ​ດິດ​ສ້າງ​ໃໝ່​ໄດ້​ເພີ່ມ​ຂຶ້ນໜຶ່ງເທົ່າ​ເມື່ອ​ທຽບ​ໃສ່​ປີ 2024; ໄດ້​ເຊັນ​ສັນ​ຍາ​ລົງ​ທຶນ​ປະ​ເພດ​ຕ່າງໆ 1,154 ໂຄງ​ການ, ລວມຍອດ​ມູນ​ຄ່າ​ການ​ລົງ​ທຶນ 644 ຕື້ຢວນ. ໃນ​ງານ​ຕະຫຼາດ​ນັດການ​ລົງ​ທຶນ​ ແລະ ການ​ຄ້າ​​ສາ​ກົນ​ຈີນ​ຄັ້ງ​ທີ 25 ທີ່​ຈັດ​ຂຶ້ນ​ລະ​ຫວ່າງວັນ​ທີ 8 - 11 ກັນ​ຍາ​ນີ້, ໄດ້​ກາຍ​ເປັນ​ຊ່ອງ​ທາງ​ສຳ​ຄັນ​ທີ່​ທົ່ວ​ໂລກ​ສັງ​ເກດ​ຈີນ ແລະ ຊອກ​ຫາ​ໂອ​ກາດ​ການ​ລົງ​ທຶນ.
ມະຫາວິທະຍາໄລ Greenwich - Kent ຈະລວມເຂົ້າກັນເປັນ ມະຫາວິທະຍາໄລທີ່ຍິ່ງໃຫຍ່

ມະຫາວິທະຍາໄລ Greenwich - Kent ຈະລວມເຂົ້າກັນເປັນ ມະຫາວິທະຍາໄລທີ່ຍິ່ງໃຫຍ່

ຂ່າວຕ່າງປະເທດລາຍງານໃນທ້າຍອາທິດ ຜ່ານມາວ່າ: ມະຫາວິທະຍາໄລ Greenwich ແລະມະຫາວິທະຍາໄລ Kent ໃນປະເທດອັງກິດ ໄດ້ປະກາດແຜນການລວມກິດຈະການໃຫ້ກາຍເປັນ "ມະຫາວິທະຍາໄລທີ່ຍິ່ງໃຫຍ່" ແຫ່ງທໍາອິດຂອງອັງກິດ, ເພື່ອແນໃສ່ເພີ່ມທະວີສະຖຽນລະພາບທາງດ້ານການເງິນ ແລະ ຂະຫຍາຍໂອກາດສໍາລັບນັກສຶກສາໃນນະຄອນຫຼວງລອນດອນ ແລະ ຕາເວັນອອກສ່ຽງໃຕ້.
ນູແວນເຊລັງ ຄາດວ່າປະຊາກອນເຊື້ອສາຍອາຊີ ຈະເພີ່ມຂຶ້ນເປັນ 33%

ນູແວນເຊລັງ ຄາດວ່າປະຊາກອນເຊື້ອສາຍອາຊີ ຈະເພີ່ມຂຶ້ນເປັນ 33%

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຫ້ອງການສະຖິຕິແຫ່ງຊາດຂອງນູແວນເຊລັງເປີດເຜີຍຂໍ້ມູນຄາດຄະເນລ້າສຸດວ່າ, ນູແວນເຊລັງ ຈະມີປະຊາກອນເຊື້ອສາຍອາຊີປະມານ 33% ໃນປີ 2048, ເພີ່ມຂຶ້ນຈາກ 19% ໃນປີ 2023. ໂດຍຜູ້ທີ່ມີເຊື້ອສາຍຈີນຈະເພີ່ມຂຶ້ນຈາກ 6% ເປັນປະມານ 8%, ໃນຂະນະທີ່ເຊື້ອສາຍອິນເດຍຈະເພີ່ມຂຶ້ນຈາກ 7% ເປັນປະມານ 12%.
ອາຊຽນ ຊຸກຍູ້ຮູບແບບດຳເນີນທຸລະກິດກວມລວມ ແລະ ຍືນຍົງ

ອາຊຽນ ຊຸກຍູ້ຮູບແບບດຳເນີນທຸລະກິດກວມລວມ ແລະ ຍືນຍົງ

ວິທະຍຸກະຈາຍສຽງຫວຽດນາມລາຍງານວ່າ: ເວທີປາໄສດຳເນີນທຸລະກິດກວມລວມ ອາຊຽນ (AIBF) ຄັ້ງທີ 8 ທີ່ຈັດຂຶ້ນຫວ່າງມໍ່ໆມາມານີ້ ຢູ່ນະຄອນຫຼວງກົວລາລຳເປີ ປະເທດ ມາເລເຊຍ ໄດ້ສ້າງຂີດໝາຍສຳຄັນໃນຄວາມມານະພະຍາຍາມຂອງພາກພື້ນ ແນໃສ່ຊຸກຍູ້ບັນດາຮູບແບບດຳເນີນທຸລະກິດກວມລວມ ແລະ ຍືນຍົງ.
ອົສຕຣາລີ ຄາດວ່າຈະມີ 1 ລ້ານກວ່າຄົນ ເປັນໂຣກສະໝອງເສື່ອມໃນປີ 2065

ອົສຕຣາລີ ຄາດວ່າຈະມີ 1 ລ້ານກວ່າຄົນ ເປັນໂຣກສະໝອງເສື່ອມໃນປີ 2065

ຂ່າວຕ່າງປະເທດລາຍງານວ່າ: ບົດລາຍງານໂຣກສະໝອງເສື່ອມໃນອົສຕຣາລີ (ສະບັບປັບປຸງ) ຊຶ່ງສະຖາບັນສຸຂະພາບ ແລະ ສະຫວັດດີການ ແຫ່ງອົສຕຣາລີ ເປີດເຜີຍຫວ່າງບໍ່ດົນມານີ້ ຄາດຄະເນວ່າຈໍານວນຄົນທີ່ເປັນໂຣກສະໝອງເສື່ອມໃນອົສຕຣາລີຈະບັນລຸ 1.1 ລ້ານຄົນໃນປີ 2065 ຊຶ່ງເພີ່ມຂຶ້ນຫຼາຍກວ່າສອງເທົ່າຈາກປະມານ 425,000 ໃນປີ 2024.
ທ່ານ ໂຕເລິມ ເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນມູນເຊື້ອສານປະຊາຊົນ ຫວຽດນາມ

ທ່ານ ໂຕເລິມ ເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນມູນເຊື້ອສານປະຊາຊົນ ຫວຽດນາມ

ວິທະຍຸກະຈາຍສຽງຫວຽດນາມລາຍງານໃນທ້າຍອາທິດຜ່ານມາວ່າ: ຫວ່າງມໍ່ໆມານີ້ ຢູ່ນະຄອນຫຼວງຮ່າໂນ້ຍ, ໄດ້ຈັດພິທີສະຫຼອງ 80 ປີແຫ່ງວັນມູນເຊື້ອສານປະຊາຊົນ (13 ກັນຍາ 1945 – 13 ກັນຍາ 2025) ແລະ ຮັບນາມມະຍົດນັກວິລະຊົນແຮງງານ.
ສະຫະລັດ ອາເມຣິກາ ຈະທຳລາຍສະຖິຕິການໃຊ້ໄຟຟ້າຢ່າງຕໍ່ເນື່ອງຈົນເຖິງປີໜ້າ

ສະຫະລັດ ອາເມຣິກາ ຈະທຳລາຍສະຖິຕິການໃຊ້ໄຟຟ້າຢ່າງຕໍ່ເນື່ອງຈົນເຖິງປີໜ້າ

ຂ່າວຕ່າງປະເທດລາຍງານ ເມື່ອບໍ່ດົນມານີ້ວ່າ: ອົງການຂໍ້ມູນຂ່າວສານດ້ານພະລັງງານຂອງ ສະຫະລັດ ອາເມຣິກາ (EIA) ໄດ້ເປີດເຜີຍບົດລາຍງານທ່າອ່ຽງພະລັງງານໄລຍະສັ້ນ (STEO) ໃນວັນ 9 ກັນຍາ ຜ່ານມາ ຄາດ​ວ່າ, ​ຄວາມ​ຕ້ອງການ​ໃຊ້ໄຟຟ້າ​ຂອງ​ ສະຫະລັດ ອາ​ເມ​ຣິ​ກາ ​ຈະສືບຕໍ່ສ້າງ​ສະຖິຕິ​ສູງສຸດຄັ້ງໃໝ່​ໃນ​ປີ 2025 ​ແລະ 2026, ທຳລາຍສະຖິຕິທີ່ຜ່ານມາ 4,097 ພັນ​ຕື້​ກິ​ໂລ​ວັດ​ຕໍ່​ຊົ່ວ​ໂມງ​ (kWh) ໃນ​ປີ 2024. ໂດຍ​ຈະ​ເພີ່ມ​ຂຶ້ນ​ເປັນ 4,187 ພັນ​ຕື້​ kWh ​ໃນ​ປີ 2025 ​ແລະ​ ເພີ່ມ​ຂຶ້ນອີກ​ເປັນ 4,305 ພັນຕື້ ​ kWh ​ໃນ​ປີ 2026 ຊຶ່ງປັດໄຈຕົ້ນຕໍມາຈາກການຂະຫຍາຍຕົວຂອງສູນຂໍ້ມູນທີ່ຮອງຮັບປັນຍາປະດິດ (AI) ແລະ cryptocurrencies, ລວມເຖິງການຫັນປ່ຽນຂອງຄົວເຮືອນ ແລະ ຂະແໜງທຸລະກິດ ທີ່ໃຊ້ໄຟຟ້າແທນນໍ້າມັນເຊື້ອໄຟໃນການເຮັດຄວາມຮ້ອນ ແລະ ການຂົນສົ່ງ.
ການສົ່ງອອກຂອງກຳປູເຈຍເພີ່ມຂຶ້ນ 14.8%

ການສົ່ງອອກຂອງກຳປູເຈຍເພີ່ມຂຶ້ນ 14.8%

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ກົມ​ພາສີ​ ແລະ​ ອາກອນ​ຂອງ​ກຳປູ​ເຈຍ​ໄດ້​ລາຍ​ງານ​ການ​ສົ່ງ​ອອກ​ຜະລິດຕະພັນ ​ມູນ​ຄ່າ 20.1 ຕື້​ໂດ​ລາ ​ໃນ​ໄລຍະເດືອນມັງກອນ - ສິງຫາ ​ປີ 2025, ​ເພີ່ມ​ຂຶ້ນ 14.8% ຈາກ 17.5 ຕື້​ໂດ​ລາ ​ໃນ​ໄລຍະ​ດຽວ​ກັນ​ຂອງ​ປີ 2024.
ໂຄງ​ການ​ລະ​ບາຍ​ນ້ຳ​ 4 ແຫ່ງຂອງ​ຈີນ ​ໄດ້​​ຈັດ​ເຂົ້າ​ໃນ​ບັນ​ຊີ​ລາຍ​ຊື່​ມໍ​ລະ​ດົກ​ໂຄງ​ການ​ຊົນ​ລະ​ປະ​ທານ​ໂລກ

ໂຄງ​ການ​ລະ​ບາຍ​ນ້ຳ​ 4 ແຫ່ງຂອງ​ຈີນ ​ໄດ້​​ຈັດ​ເຂົ້າ​ໃນ​ບັນ​ຊີ​ລາຍ​ຊື່​ມໍ​ລະ​ດົກ​ໂຄງ​ການ​ຊົນ​ລະ​ປະ​ທານ​ໂລກ

ຂ່າວສານຊີອາໄອ ລາຍງານວ່າ: ກະ​ຊວງ​ຊົນ​ລະ​ປະ​ທານ​ຈີນ​ໄດ້​ແຈ້ງ​ໃຫ້​ຮູ້​ວ່າ, ຫວ່າງບໍ່ດົນມານີ້ ໃນ​ກອງ​ປະ​ຊຸມ​​ຄະ​ນະ​​ບໍ​ລິ​ຫານ​ງານ​ສາ​ກົນ​ຄັ້ງ​ທີ 76 ຂອງ​ຄະ​ນະ​ກຳ​ມະ​ການ​​ຊົນ​ລະ​ປະ​ທານ ແລະ ລະ​ບາຍ​ນ້ຳ​ສາ​ກົນ ​ທີ່​ຈັດ​ຂຶ້ນ​ຢູ່​ນະ​ຄອນ​ຫຼວງ​ກົວ​ລາ​ລຳ​ເປີ​ ປະເທດ​ມາ​ເລ​ເຊຍ ໄດ້​ເປີດ​ເຜີຍ​ບັນ​ຊີ​ລາຍ​ຊື່​ມໍ​ລະ​ດົກ​ໂຄງ​ການ​ຊົນ​ລະ​ປະ​ທານ​ໂລກ​ (ຊຸດ​ທີ 12) ປີ 2025 ຢ່າງ​ເປັນ​ທາງ​ການ.
ເພີ່ມເຕີມ