ທ່ານ ຄໍາພວງ ດວງມະນີ ຮອງປະທານຄະນະກວດກາພັກ-ລັດ ແຂວງຫຼວງພະບາງ ໄດ້ກ່າວຕໍ່ກອງປະຊຸມ ສະຫຼຸບວຽກງານກວດກາພັກ-ລັດ ປະຈໍາປີ 2023 ໃນວັນທີ 15 ພຶດສະພາ 2024 ນີ້ວ່າ: ຄະນະກວດກາພັກ ແຂວງຫຼວງພະບາງ ໄດ້ຜັນຂະຫຍາຍຄຳແນະນຳ ຂອງຄະນະກວດກາສູນກາງພັກ ເລກທີ 285/ຄກສພ ກ່ຽວກັບການກະກຽມ ແລະດຳເນີນຊີວິດການເມືອງທ້າຍສະໄໝ ກອງປະຊຸມໃຫຍ່ 3 ຂັ້ນຂອງພັກ ແລະລະບຽບການຕ່າງໆຂອງພັກ, ເຊິ່ງໄດ້ຫັນມາເປັນແຜນການ, ໂຄງການລະອຽດ ເຂົ້າໃນແຕ່ລະຂົງເຂດວຽກງານທີ່ຕົນຮັບຜິດຊອບ ເຮັດໃຫ້ສະມາຊິກພັກ, ພະນັກງານ-ລັດຖະກອນ, ທະຫານ, ຕຳຫຼວດ ແລະປະຊາຊົນບັນດາເຜົ່າ ໄດ້ຮັບຮູ້-ເຂົ້າໃຈຢ່າງເລິກເຊິ່ງ. ໃນນີ້ ໄດ້ເອົາໃຈໃສ່ຕິດຕາມ, ກວດກາ ການກະກຽມ ແລະດຳເນີນກອງປະຊຸມໃຫຍ່ໜ່ວຍພັກຮາກຖານບ້ານ ສຳເລັດແລ້ວ 10 ເມືອງ, ປັດຈຸບັນ ບາງເມືອງພວມສຸມໃສ່ກະກຽມດຳເນີນກອງປະຊຸມໃຫຍ່ ໜ່ວຍພັກຮາກຖານອ້ອມຂ້າງສໍານັກງານເມືອງ. ຜ່ານການຕິດຕາມ, ກວດກາ ການກໍ່ສ້າງ ແລະ ຂະຫຍາຍພັກ ແມ່ນຖືກຕ້ອງຕາມ 5 ຫຼັກການ 3 ທິດນຳຂອງພັກ ເຮັດໃຫ້ການຈັດຕັ້ງຮາກຖານພັກ ແລະຈໍານວນສະມາຊິກພັກໃນທົ່ວແຂວງເພີ່ມຂຶ້ນ ທາງດ້ານປະລິມານ ແລະຄຸນນະພາບ. ເຊິ່ງໃນປີ 2023 ທົ່ວແຂວງມີການຈັດຕັ້ງພັກ ທັງໝົດ 1.570 ອົງການ, ໃນນັ້ນຄະນະພັກຮາກຖານມີ 76 ຮາກຖານ, ມີໜ່ວຍພັກຮາກຖານ 1.088 ໜ່ວຍ, ມີໜ່ວຍພັກທີ່ຂຶ້ນກັບຄະນະພັກຮາກຖານ 406 ໜ່ວຍ, ມີສະມາຊິກພັກທັງໝົດ 26.652 ສະຫາຍ, ຍິງ 6.455 ສະຫາຍ; ໃນນັ້ນສະມາຊິກພັກສຳຮອງ 1.471 ສະຫາຍ, ຍິງ 476 ສະຫາຍ; ໄດ້ກວດກາຕີລາຄາຈັດປະເພດໜ່ວຍພັກ ຄື: ມີໜ່ວຍພັກປອດໃສ, ເຂັ້ມແຂງ, ໜັກແໜ້ນ 1.487 ໜ່ວຍ, ແຂງ 1.252 ໜ່ວຍ, ກາງ 235 ໜ່ວຍ, ບໍ່ໄດ້ຈັດປະເພດ 7 ໜ່ວຍ, ໄດ້ກວດກາຕີລາຄາຈັດປະເພດ ສະມາຊິກພັກແລ້ວ ມີປະເພດແຂງມີ 20.514 ສະຫາຍ, ຍິງ 4.803 ສະຫາຍ, ກາງ 1.867 ສະຫາຍ, ຍິງ 372 ສະຫາຍ, ອ່ອນ 16 ສະຫາຍ, ຍິງ 1 ສະຫາຍ, ສະມາຊິກພັກເສຍທາດ 7 ສະຫາຍ ແລະ ບໍ່ໄດ້ຈັດປະເພດ 4.248 ສະຫາຍ, ຍິງ 1.279 ສະຫາຍ, ປັດຈຸບັນມີສະມາຊິກທີ່ໄດ້ຮັບບັດສະມາຊິກພັກ ທັງໝົດ 23.1 10 ສະຫາຍ, ຍິງ 5.206 ສະຫາຍ.
ຄຽງຄູ່ກັນນີ້ ກໍໄດ້ຕິດຕາມ, ກວດກາ ການເງິນຂອງພັກ ເຫັນວ່າຄະນະພັກແຕ່ລະຂັ້ນ ໄດ້ປະຕິບັດຕາມກົດລະບຽບຂອງພັກໄດ້ດີ ເຊິ່ງສະແດງອອກສະເພາະປີ 2023 ໄດ້ຮັບເງິນສະຕິພັກ ທັງໝົດ 44.785.460 ກີບ ໄດ້ສົ່ງສູນກາງແລ້ວ 14.928.486 ກີບ.ຂ່າວ: ເພັດສາຄອນ ສິມມະວົງ
ຄຽງຄູ່ກັນນີ້ ກໍໄດ້ຕິດຕາມ, ກວດກາ ການເງິນຂອງພັກ ເຫັນວ່າຄະນະພັກແຕ່ລະຂັ້ນ ໄດ້ປະຕິບັດຕາມກົດລະບຽບຂອງພັກໄດ້ດີ ເຊິ່ງສະແດງອອກສະເພາະປີ 2023 ໄດ້ຮັບເງິນສະຕິພັກ ທັງໝົດ 44.785.460 ກີບ ໄດ້ສົ່ງສູນກາງແລ້ວ 14.928.486 ກີບ.ຂ່າວ: ເພັດສາຄອນ ສິມມະວົງ
ຄໍາເຫັນ